Ceasefire to be extended one more month !

काठमाडौ, मंसीर ६
 भारतबाट प्रकाशित टाइम्स आफ इन्डियाले माओवादीले युद्धविराम एक महिना थप्नेभएको जनाएको छ।पत्रिकाको आइतबारको अंकमा नयाँदिल्लीमा सात दलका नेता र माओवादीबीच सम्पन्न वार्तामा निरंकुश राजतन्त्र विरुद्ध सात दलद्वारा जारी आन्दोलनलाई सहयोग गर्न युद्ध विरामको समयसीमा एक महिना लम्ब्याउन माओवादी सहमत भएको उल्लेख छ।माओवादी संयुक्त राष्ट्रसंघको मध्यस्थतामा हतियार बिसाउन तयार भएको समाचार पनि टाइम्स आफ इन्डियाले प्रकाशित गरेको छ।
यसैबीच माओवादीको एक महिनासम्म चलेको केन्द्रिय समितिको बैठकले प्रतिष्पर्धात्मक प्रजातान्त्रिक शासन प्रणाली स्वीकार्ने, शान्ति स्थापनाका लागि सवांदमार्फत पहल गरी सम्वादबाटै शान्तिपूर्ण निकासमा जाने, अलग विचार र राजनीतिक आस्थाका आधारमा कसैमाथि भौतिक कारवाही नगर्ने र नागरिक स्वतन्त्रता, मानव अधिकार, प्रेस स्वतन्त्रताप्रति प्रतिवद्धता ब्यक्त गर्नेलगायतका महत्वपूर्ण निर्णयलिएको एमाले नेताहरुले बताएका छन्। राजाको निरंकुश कदमविरुद्ध आन्दोलनरत सात राजनीतिक दलले लिखित रुपमा आग्रह गरेपछि हालै रोल्पामा सम्पन्न माओवादी बैठकले त्यस्तो निर्णय लिएको हो।

Maoist to break the ceasefire !

काठमाडौ, कात्तिक २९
माओवादीद्धारा दशैं र तिहारका चाडबाडको मुखमा गरिएको युद्धविराम भंग हुने संभावना बढेको आज प्रकाशित जनादेशको अंकमा जनाइएको छ। संसदवादी राजनीतिक पार्टी र माओवादीविच सहकार्यकालागि भै रहेको ढिलाइलाई चुनौती दिन या देशभर भैरहेको सेना परिचालनलाई स्थगित गरेर रक्तपातपूर्ण आन्दोलनमा जान युद्धविराम भंग हुन लागेको हो त्यो कुरा भने जनादेशमा खुलाइएको छैन। तर दशैं तिहारको लामोविदापछि प्रकाशित माओवादीको साप्ताहिक मुखपत्र मानिने आजको जनादेश साप्ताहिकले यूद्धविराम भंग हुने संकेत गर्दै भनेको छ_ माओवादीको एकपक्षीय युद्धविरामका कारण कमी भएको युद्ध फेरि चर्कने सम्भावना छ। जनतालाई हत्या र दमन गर्न शाही सत्ताका सुरक्षाकर्मीहरुलाई देशव्यापी परिचालन गरिएपछि यसखालको सम्भावना बढेको हो ।
जनताको शान्तिको चाहना र संसदवादी दलसंग अड्किएको सम्बन्ध र सहकार्यलाई सहज बनाउन माओवादीले भदौ १८ गतेदेखि लागू हुने गरी तीन महिने युद्धविरामको घोषणा गरेको थियो भन्दै जनादेशमा लेखिकएको छ- 'माओवादीले युद्धविराम कायम राख्न आफ्नो तर्फबाट गम्भीरता र इमान्दारिता देखाए र देखाइरहेका छन्। तर, शाही सत्ताले भने शुरुदेखि नै माओवादीका तर्फबाट घोषणा भएको एकतर्फी युद्धविरामलाई तोडाउन उत्तेजनात्मक कार्वाही बढाउदै लग्यो। शाही सरकारले युद्धविराम तोड्न गरिरहेको प्रयास अब भने सफल हुने देखिन्छ । माओवादीले आफ्नो रक्षाका निम्ति प्रतिरोध गर्नुको विकल्प देखिंदैन।'
जुन उद्देश्यका साथ माओवादीले युद्धविराम गरेको हो त्यसमा माओवादी निकै सफल भएको र राष्ट्रिय-अन्तराष्ट्रिय रुपमा माओवादी शान्तिको पक्षधर हुन् भन्ने कुरा राम्रैसग स्थापित भएको दावी गर्दै जनादेशले शाही सत्ता युद्धपिपासुको रुपमा बदनाम भएको उल्लेख गरेको छ। संसदवादी राजनीतिक दलसग सम्वाद र सहकार्यका लागि धेरै प्रगति भएको जानकारी दिने जनादेशले भने लोकतान्त्रिक गणतन्त्रको बिन्दुमा एकमत भएर उभिन संसदवादी दलका नेताहरुमा देखिएको अकर्मण्यताका कारण ढिलाइ भइरहेको जनाएको छ। तर आगामी दिनमा उनीहरुसंग कस्तो सहकार्य हुनेछ भन्ने कुराभने जनादेशले उल्लेख गरेको छैन। जनादेशको उक्त समाचार जस्ताको तस्तै एट्याच्चमेन्टमा।

महासचिव नेपाल र वामदेव गौतमको कडा आलोचना 

UML disputes over  the issue of joint code of conduct with Maoist

 काठमाडौ, कात्तिक २८

 नेपाल कम्युनिष्ट पार्टी एमाले र माओवादीको केही दिन अघि रोल्पामा भएको उच्चस्तरीय ६ बुदे सम्झौतालाई लिएर एमाले पार्टी भित्र आइतबारदेखि गम्भीर विवाद शुरु भएको छ।
एमालेको केन्द्रीय कार्यालयमा आइतबार बसेको स्थायी समितिको बैठकले हालै वामदेव गौतमको नेतृत्वमा रोल्पामा भएको ६ बुदे सहमतिपत्रलाई अनुमोदन नगरेको जानकारी एमालेसूत्रले दिएको छ। बैठकमा सहमतिपत्रसम्बन्धी विवाद अझै जारी छ।कार्तिकको पहिलो साता   more »