नेपाल कम्युनिष्ट पार्टी (माओवादी)
केन्द्रिय समिती
प्रेस वक्तव्य

आज नेपाल आफ्नो इतिहासको अत्यन्त कठिन र जटील मोडमा छ । अग्रगामी लोकतान्त्रिक राजनैतिक निकास खोजिरहेको देशलाई गत माघ १९ को निरंकुश कदमले अझ भयाबह संकटको भूमरीमा धकलेको छ । आफ्नो भाग्य र भविष्यको फैशला आफै गर्ने जनसमुदायको र्सार्वभौम अधिकार सूनिश्चित नहुंदासम्म नेपालमा विद्यमान संकटको समाधान हुन सक्तैन भन्ने कुरामा हाम्रो पार्टीको गहिरो विश्वास रहिआएको छ । यही विश्वासका कारण हामीले संविधान-सभाको निर्वाचनलाई राजनैतिक निकासको न्यूनतम र लोकतान्त्रिक आधार र माध्यमकारुपमा प्रस्तुत गर्दै आएका छौं । देशमा विद्यमान वर्गीय, जातीय, क्षेत्रीय र लिङ्गीय समस्यालाई समेत संवोधन गर्ने लोकतान्त्रिक गणतन्त्रलाई हामीले समस्याको तात्कालीन समाधानका रुपमा लिएको कुरा पनि र्सवविदितै छ ।
हाम्रो पार्टी सामान्यतः नारायणहिटी हत्याकाण्ड र विशेषतः गएको माघ १९ पछि सामन्ती निरंकुशतन्त्रका विरुद्ध संसदवादी राजनैतिक दल र नागरिक समाजसंग व्यापक सहकार्य र मोर्चाबन्दीका लागि अपील गर्दै आएको छ । पछिल्लो अवधीमा आन्दोलनरत सात राजनैतिक दल र नागरिक समाजसंग हाम्रो पार्टीको सकारात्मक अर्न्तक्रिया पनि अगाडि बढिरहेको छ । हालै प्रमुख संसदवादी दल एमालेद्वारा लिइएको संविधान-सभाबारे निर्णय र ने.का.को महाधिवेशनद्वारा लिइएको पार्टी विधानबाट संवैधानिक राजतन्त्र हटाउने निर्णय संगै सहकार्यका लागि राजनैतिक आधार अझ बलियो बनेको महशुस हामीले गरेका छौं । विगतमा जस्तो सामन्ती दरवारका गुलिया गोलीका सिकार आफूहरु हुने छैनौं भन्ने कुरा जनतालाई विश्वास दिलाउन भने संसदवादी दलका नेताहरुले धेरै मेहनत गर्न बांकी छ । यस सर्न्दर्भमा संसद पुनस्थापनाको नाराले देशमा विद्यमान वास्तविक समस्यालाई संवोधन पनि गर्न नसक्ने र सामन्ती दरवारलाई षडयन्त्रको ठाउंमात्र दिने यथार्थलाई आत्मसात गरेर सिधै अन्तरिम सरकार र संविधान-सभाको निर्वाचनमा आउन हामी सात राजनैतिक दललाई विशेष आग्रह गर्दछौं ।

हाम्रो पार्टी २१औं शताब्दीका महान् नेपाली जनतालाई कुनै सामन्ती 'प्रभु' का रैती वा प्रजाका रुपमा र कुनै विदेशी शक्तिकेन्द्रका दलालका रुपमा होइन अपितु र्सार्वभौम अधिकारसम्पन्न स्वाभिमानी जनताका रुपमा स्थापित गर्न चाहन्छ । नेपाली जनताका आधारभूत हित र शान्तिको चाहना प्रतिको हाम्रो जिम्मेवारीबोध र प्रतिबद्धताका कारण नै विगत ४ वर्षेखि हामीले अन्तरिम सरकार र संविधान-सभाको निर्वाचनको प्रश्नमा विशेष जोड दिंदै आएका छौं । शाही सेनाका जनरलहरु र तिनका नाइके सामन्ती राजाले नेपाल र नेपाली जनताप्रति नितान्त क्रुर बनेर फौजी अधिकायकवाद थोपर्ने दुश्शाहस गरेकाले नै हामीले वाध्यतावस त्यसको फौजी प्रतिरोध गरिरहेका छौं ।

हाम्रो पार्टी लाई राम्रोसंग थाहा छ कि नेपाली जनता मध्ययुगीन सामन्तवादका अगाडि आत्मर्समर्पण गर्ने मुदा शान्ति होइन लोकतान्त्रिक राजनैतिक निकाससहितको सजीव शान्ति चाहन्छन् । हामी यो तथ्यमा पनि स्पष्ट छौं कि संयुक्त राष्ट्र संघदेखि प्रमुख छिमेकी र सिंगो अर्न्तराष्ट्रिय समुदायसम्म नेपालको वर्तमान अवस्थाबारे आ-आफनै कोणबाट चिन्तित र समस्याको आ-आफ्नै समाधान प्रस्तुत गरिरहेका छन् । सामन्ती फौजी अधिनायकवादका विरुद्धको हाम्रो प्रतिरोधका कतिपय कार्यहरुबाट हाम्रो राजनैतिक प्रतिबद्धताबारे कैयौंमा आशंका रहेको कुरामा पनि हामी अनभिज्ञ छैनौं । त्यसप्रकारको आशंका हटाइ अग्रगामी राजनैतिक निकासका निमित्त विश्वासको वातावरण निर्माण गर्न हामीले आफ्नो तर्फबाट सक्दो पहल पनि गर्दै आएका छौं ।

यो समग्र स्थितिमा नेपाल र नेपाली जनतालाई सही राजनैतिक निकास दिने प्रमुख जिम्मेवारी भने नेपालकै राजनैतिक शक्तिहरुको हुन आउंछ । नेपाललाई असफल राष्ट्र घोषणा गरेर यसको अस्तित्व समाप्त पार्ने षडयन्त्र कतैबाट भएको छैन वा हुंदैन भन्ने सोच्न सकिने स्थिति छैन । अतः नेपाली जनताको लोकतान्त्रिक राजनैतिक निकास र शान्तिको आकंक्षाप्रति गहिरो जिम्मेवारीबोध र हाम्रो आन्दोलनबारे कतिपय वृतमा रहेको आशंका मेटाउने उद्देश्यका साथ हाम्रो पार्टी यो वक्तव्य र्सार्वजनिक भएको मितिदेखि तीन महिनासम्मका लागि आफ्नो तर्फबाट एकपक्षीय युद्धविरामको घोषणा गर्दछ । सो अवधिभर हाम्रो पार्टीको नेतृत्वमा रहेको जनमुक्ति सेना दुश्मन आइलागेमा मात्र प्रतिरोध गर्ने सक्रिय रक्षाको अवस्थामा रहनेछ । जनमुक्ति सेनाले आफ्नो तर्फाट कुनै आक्रमक कार्यवाही गर्ने छैन ।

हामीलाई आशा एवं विश्वास छ कि हाम्रो यो घोषणाले नेपालमा अग्रगामी राजनैतिक निकाससहित शान्ति चाहने देशभित्र र बाहिरका सबै शक्तिहरुलाई नयां पहलका लागि उत्प्रेरित गर्नेछ । देशभित्रका राजनैतिक शक्तिदेखि संयुक्त राष्ट्र संघसम्म समस्या समाधानका लागि सकारात्मक वातावरण बन्ने कुरामा पनि हामी आशावादी छौं ।
देश, जनता र राजनैतिक निकासप्रतिको हाम्रो यो जिम्मेवारीबोधलाई कमजोरी ठानेर शाही सरकारले यदि फौजी कृयाकलाप बढाउने, सैनिक क्याम्प विस्तार गर्ने जस्ता कार्य गरेमा कुनै पनि विन्दुमा युद्धविराम भंग गरी उसका विरुद्ध अझ उच्च स्तरबाट आक्रमण बढाइने कुरा पनि हामी यहां स्पष्ट गर्न चाहन्छौं ।
-मिति २०६२ भाद्र १८ गते

प्रचण्ड
अध्यक्ष
ने.क.पा. (माओवादी)

Parties welcome Maoists' ceasefire

काठमाडौ, भदौ १९
माओवादी अध्यक्ष प्रचण्डले युद्धविरामको घोषणा गर्दै शनिबार जारी गर्नुभएको बक्तव्यलाई जनताको जितका रुपमा उपयोग गर्दै लोकतान्त्रिक गणतन्त्रको दिशातर्फअग्रसर हुनुपर्ने संसदीय राजनीतिक दलका नेताहरुले बताएका छन् ।

रिपोर्र्टर्स क्लबमा आइतबार आयोजित कार्यक्रममा बोल्दै नेकपा (एमाले) स्थायी समितिका सदस्य झलनाथ खनालले प्रचण्डको वक्तव्यपछि आफूहरु उत्साहित भएको बताउनुभयो।आफूहरुले युद्धविरामको निर्णयलाई स्वागत गर्नुमा माओवादीको शान्तिपूर्ण बाटोमा आउने तत्परता, दल र माओवादीबीच सम्वादको संभावना, समस्यालाई शान्तिपूर्ण रुपमा समाधान गर्न सकिने अवसर, जनताको शान्तिको चाहनालाई कदर   more »