Nepal Info

अन्नानलाइ 'आतंककारी' पत्र

Nepal Info — Tue, 25 Jul 2006 15:05:00 +0200

…Tarror' Letter to Annan

एघार वर्षदेखि सशस्त्र व्रि्रोह गरिरहेको माओवादीलाइ लोकतान्त्रिक सरकार गठन हुनुअघिसम्म राज्यले 'आतंककारी'को बिल्ला भिराउदै आएको थियो । लोकतान्त्रिक सरकारले उसलाइ आतंककारी देखेन, त्यो बिल्ला हटायो । उसका सारा कार्यकर्तालाइ जेल मुक्त गर्‍यो । रेडकर्नर नोटिस फिर्ता लियो । शान्तिवार्ताको सकारात्मक पहल त्यही कारण भइरहेको छ ।

अहिले मूलत हतियार व्यवस्थापनको मुद्धामा शान्तिवार्ता अडकेको छ । माओवादी अन्तरिम सरकारमा आइ राज्य र आफनो हतियार प्रयोग गरी संविधान सभामा जाने र त्यसको परिणाम आफनो पक्षमा पार्ने रणनीतिमा देखिन्छ । तर जनआन्दोलनबाट आएको सरकार र संसारै माओवादीको हतियारको व्यवस्थापनपछिमात्र माओवादीलाइ सत्तामा ल्याउन तयार देखिन्छन । त्यही कारण प्रधानमन्त्री ...

प्रचण्डलाइ गिरिजाको पत्र

Nepal Info — Sun, 07 May 2006 14:59:00 +0200

Pm plans to write letter to prachanda

सरकारले माओवादीलाइ औपचारिक वार्ताको आहृवान गर्दै पत्र पठाउने भएको छ । अहिले प्रधानमन्त्रीको सरकारी निवास बालुवाटारमा मन्त्रिपरिषदको बैठक बसिरहेको छ । बैठकपछि प्रधानमन्त्री गिरिजाप्रसाद कोइरालाले वार्ताको आहृवान गर्दै औपचारिक पत्र पठाउने निर्णय हुनेछ । त्यस्तै माओवादीले पठाएको आचारसंहिताको पनि टुंगो लाग्ने छ ।

र, शाही सरकारले प्रताडित पारेर राखेका सरकारका सचिवहरु टिकादत्त निरौला, भोजराज घिमिरे र उमेश मैनालीलाइ काम दिइनेछ । निरौला र घिमिरेमध्ये एक मुख्य सचिव हुने सम्भावना पनि छ ।

प्रचण्ड जनतामा आउने कि अमेरिकासंग लडने ?

Nepal Info — Sun, 07 May 2006 14:32:00 +0200

Prachanda criticises America

एक सातायता नेपाल कम्युनिस्ट पार्टी माओवादीका अध्यक्ष प्रचण्ड राजधानीमा सार्वजनिक हुने हल्ला चलिरहेका बेला माओवादीहरु आप\mना नेता सार्वजनिक हुनेरनहुने विषयमा छलफल गर्न व्यस्त छन् । यही सेरोफेरोमा प्रस्तुत छ, माओवादी अध्यक्ष प्रचण्डसँगको टेलिफोन अन्तर्वार्ता,

अन्तर्वातामा उनले जनतामाझ आउने र अमेरिकासंग लडने दुबै कुरा गरेका छन ।

वर्तमान सरकारको निर्णयबाट तपाईं सन्तुष्ट हुनुहुन्छ ?

सरकारको पछिल्लो निर्णयलाई सार्वजनिक रूपमा स्वागत गरेका छौँ तर सरकारका सबै निर्णयलाई होइन । संसद् पुनःस्थापनासँग हामी सहमत छैनौँ । तर, हिजो जे निर्णय भयो- वार्ता गर्ने, युद्धविराम गर्ने, नयाँ ढङ्गले जाने, त्यसमा सहमत छौँ ।

सरकारको पछिल्लो निर्णयले संविधानसभामा पस्न सक्ने मार्ग प्रशस्त गरेको छ त ?

त्यस दिशामा यो प्रगति हो । नयाँ बाटो खोलेको छ । तर, पूरै विश्वस्त भने हुन सक्ने स्थिति छैन । जनताका तर्फबाट, नागरकि समाजका तर्फबाट आन्दोलन जारी रहनुपर्छ भन्ने हामी ठान्छौँ । आन्दोलन जारी रह्यो भने सरकार त्यस दिशामा जान बाध्य हुन्छ ।

झापा र धनकुटामा माओवादी हमला, १४ सुरक्षाकर्मी मारिए

Nepal Info — Tue, 21 Mar 2006 09:34:00 +0100

Maoists attack security camps in Jhapa and Dhankura, 14 killed

चिन्तामणि दाहाल, विजयसन्तोषी र्राई
झापा र धनकुटा, चैत्र ८
मंगलबार बिहान झापा र धरानमा माओवादीले गरेको आक्रमणमा परी एघार सुरक्षाकर्मीको मृत्यु भएको छ भने २६ सुरक्षाकर्मी घाइते भएका छन। झापाको केन्द्र बिन्दु विर्तामोडस्थित इलाका प्रहरी कार्यालय र ट्राफिक प्रहरी कार्यालयमा मंगलबार बिहान ७.३० बजे माओवादीले आक्रमण गर्दा सशस्त्र र जनपदका गरी कम्तीमा दश जनाको मृत्यु भएको छ भने २३ घाइते भएको छन । उता धरान बजारको मध्य भाग भानुचोकमा रहेको वडा प्रहरी कार्यालयमा बिहान ८.१५ बजे माओवादीले आक्रमण गर्दा एक प्रहरीको मृत्यु भएको छ भने तीन प्रहरी र एक र्सवसाधारण घाइते भएका छन । माओवादीले प्रहरीका हातहतियार पनि लुटेर लगेका छन ।
मृत्यु हुनेका सम्बन्धमा राजधानीस्थित सुरक्षा सूत्रहरुले चाहिँ फरक तथ्यांक दिएका छन। सूत्रहरुका अनुसार, झापाको विर्तामोड आक्रमणमा तेह्र सुरक्षाकर्मी तथा दर्ुइ माओवादी र धरानमा एक सुरक्षाकर्मीको मृत्यु भएको जनाएको छ। बम र गोलीले झापास्थित विर्तामोडको इलाका प्रहरी कार्यालय क्षतविक्षत भएको छ भने कार्यालयभित्र जताततै गोलीका खोका छरिएर रहेका छन। माओवादीतर्फघटनास्थलमा एक माओवादीको शव प्राप्त भएको छ भने आक्रमणपछि उत्तर शनिश्चरेतर्फफर्केको माओवादी छापामार चढेको ट्रक देवीवस्तीनिर पल्टि“दा ट्रकले किचेर एक महिला र एक पुरुष माओवादीको मृत्यु भएको छ। घटनामा एक र्सवसाधारण घाइते भएका छन। घटनाबारे विस्तृत विवरण प्राप्त भइसकेको छैन। घाइते प्रहरीहरुमध्ये केहीलाई भद्रपुरस्थित मेची अञ्चल अस्पतालमा र केहीलाई धरानतर्फलगिएको बताइएको छ ।

५३ माओवादी आमरण अनशनमा

Nepal Info — Sat, 18 Mar 2006 14:05:00 +0100

53 maoists in upto death hunger strike
काठमाडौं, चैत्र ५
राजनीतिक बन्दिको मान्यताको माग गर्दे भारतीय जेलमा बन्दि माओवादी पोलिट्ब्युरो सदस्य मोहन बैद्य लगायत ५३ माओवादी बन्दि अमरण अनशनमा बसेका छन्। सिलिगुढीको केन्द्रिय कारागारमा बन्दीका रुपमा रहेका नेपाल र भारतका माओवादीहरुले संयुक्त रुपमा शुक्रवार बेलुकावाट अनशन शुरु गरेका हुन्। अनशनमा नेपालका माओवादीका तर्फाट पोलिटब्युरो सदस्य मोहन बैद्यका र सुकुमार दास सहभागि हुनुहुन्छ। अनशनमा बस्ने अन्यमा भारतको कान्तिपूरी लिबरेसन अर्गनाइजेसनका तर्फबाट टम अधिकारी , मृढाल राय , हर्षद्धन दास मिल्टन बर्मा भारतकै उल्फा समुहका तर्फबाट रत्नेश्वर देवनाथ र भारतीय कम्युनिष्ट पार्टी माओवादीका कारीद अली , हारुन रशिन र बाबुल बिश्वास लगायतका रहेका छन्। बन्दीहरुले आफ्नो वकिल मार्फत प्रहरी प्रशासनसंग माग राखेका छन्। स्वससे

यी पो रहेछन त माओवादीका गद्द्दार

Nepal Info — Tue, 14 Mar 2006 15:36:00 +0100

Who are the betrayers in the maoists' party?
काठमाण्डौ, चैत्र १
सामन्तीतन्त्रका विरुद्ध पार्टीद्वारा घोषित नाकावन्दीको पूर्वसन्ध्यामा पार्टीनीति र नेतृत्वका विरुद्ध र्सार्वजनिक विषवमन गरेर रवीन्द्र र अनुकुलले वस्तुतः आफैलाई पार्टी क्रान्तिबाट अलग्याएर निरंकुश ज्ञानेन्द्र शाहीका पृष्ठपोषकका रुपमा उभ्याएको आरोप लगाउदै आफ्नो पार्टीका केन्दृय नेताहरु रबिन्द्र श्रेस्ठ र अनुकुल (मणि थापा) लाइ निस्काशन गरिएको माओवादी अध्यक्ष प्रचण्डले आज आज एक बक्तव्य प्रकशित गर्दै जनाउनुभएको छ। बक्तव्यमा प्रचण्डले भन्नु भएको छ--आफ्ना नियोजित अराजक र अराजनैतिक क्रियाकलापका कारण केही दिन पहिले मात्र केन्द्रीय समितिबाट निलम्बन गरिएका रवीन्द्र र अनुकुललाई पूर्ण पतन हुनबाट बचाउने अन्तिम प्रयासका रुपमा पार्टीले जनवादी केन्द्रीयताको मान्यता अनुसार आफ्ना असन्तुष्टिहरू अनुशासित ढंगले केन्द्रमा प्रस्तुत गर्न निर्देशित गरेको थियो । तर, पार्टी क्रान्तिबाट भाग्ने मनस्थितिमा पुगिसकेका उनीहरूले पार्टीमा विचार प्रस्तुत गरी निकट भविष्यमा योजनावद्ध रुपमा अगाडि बढाउन निश्चित भएको महान् बहसको सामना गर्ने आट नभएर नै आज क्रान्तिका विरुद्ध प्रतिक्रान्तिको सेवा गर्ने भगौडा र गद्दारीको परिचय दिन पुगेका छन् । अतः पार्टी केन्द्रीय कार्यालयले रवीन्द्र र अनुकुललाई क्रान्तिका भगौडा, निरंकुश राजतन्त्र र प्रतिक्रान्तिका सेवक घोषणा गर्दै पार्टी निस्काशनको निर्णय गरेको छ । बाकी जस्ताको तस्तै हेर्नुहोस् प्रचण्डको बक्तब्य -

नेपाल कम्युनिष्ट पार्टी (माओवादी)
communist party of Nepal (Maoist)
केन्द्रीय समिति
central committee

प्रेस वक्तव्य

हिजो फाल्गुण २९, २०६२ का मितिमा रवीन्द्र र अनुकुलका नामबाट प्रचार गरिएको कथित बहसको अपीलप्रति पार्टीेन्द्रको धारणा र निर्णय स्पष्ठ गर्न यो प्रेस विज्ञप्ति जारी गरिएको छ।
१) हाम्रो गौरवशाली पार्टी आज बा≈य रुपमा विश्व साम्राज्यवादको नाइकेका विरुद्ध तथा आन्तरिक रुपमा सामन्ती निरंकुशतन्त्रका विरुद्ध निर्मम र निर्णायक सङ्घर्षको नेतृत्व गरिरहेको छ। सामन्तीतन्त्रका विरुद्ध पार्टीरा घोषित नाकावन्दीको पूर्व सन्ध्यामा पार्टी नीति र नेतृत्वका विरुद्ध र्सार्वजनिक विषवमन गरेर रवीन्द्र र अनुकुलले वस्तुतः आफैलाई पार्टी क्रान्तिबाट अलग्याएर निरंकुश ज्ञानेन्द्र शाहीका पृष्ठपोषकका रुपमा उभ्याएका छन्। आफ्ना नियोजित अराजक र अराजनैतिक क्रियाकलापका कारण केही दिन पहिले मात्र केन्द्रीय समितिबाट निलम्बन गरिएका रवीन्द्र र अनुकुललाई पूर्ण पतन हुनबाट बचाउने अन्तिम प्रयासका रुपमा पार्टी जनवादी केन्द्रीयताको मान्यता अनुसार आफ्ना असन्तुष्टिहरू अनुशासित ढंगले केन्द्रमा प्रस्तुत गर्न निर्देशित गरेको थियो। तर, पार्टी क्रान्तिबाट भाग्ने मनस्थितिमा पुगिसकेका उनीहरूले पार्टीमा विचार प्रस्तुत गरी निकट भविष्यमा योजनावद्ध रुपमा अगाडि बढाउन निश्चित भएको महान् बहसको सामना गर्ने आ“ट नभएर नै आज क्रान्तिका विरुद्ध प्रतिक्रान्तिको सेवा गर्ने भगौडा र गद्दारीको परिचय दिन पुगेका छन् । अतः पार्टी केन्द्रीय कार्यालयले रवीन्द्र र अनुकुललाई क्रान्तिका भगौडा, निरंकुश राजतन्त्र र प्रतिक्रान्तिका सेवक घोषणा गर्दै पार्टीबाट निस्काशनको निर्णय गरेको छ ।

लागे माओवादी पनि निर्वाचन तिर

Nepal Info — Wed, 08 Mar 2006 11:56:00 +0100

Maoists conduct local level election
काठमाडौं, फागुन २४
सात राजजीतिक दलको बहिष्कारसंगै सरकारले स्थानीय निकायको निर्वाचन सम्पन्न गरेको एक महिना नवित्दै सरकारकै शैलिमा माओवादीले पनि स्थानीय निकायको निर्वाचन गर्ने तयारी गरेका छन्। यसको प्रारम्भ कालिकोट जिल्लावाट गर्ने तयारी गरिएको छ। यसका लागि माओवादीले आफ्नै निर्वाचन आयोग, निर्वाचन नियमावलिको निर्माण गरिसकेको जनादेश सप्ताहिकको बुधवारको अंकमा उल्लेख छ। समाचार अनुसार माओवादीद्धारा घोषित भेरी-कर्णाली क्षेत्र अर्न्तगतको कालिकोटमा बैशाखमा निर्वाचन गर्ने तयारी गरिएको छ। निर्वाचनका लागि जिल्ला जनसरकार कालीकोटले जयचन्द्र अधिकारीको प्रमुख आयुक्तमा सात सदस्यीय निर्वाचन आयोग गठन गरेको छ। तीन वर्षा सुदृढकै अभ्यासमा स्थानीय निर्वाचन गर्न सकिने जनसत्ताको प्रावधानअनुसार गत ०६० सालमा स्थानीय जनसत्ताको निर्वाचन सम्पन्न भएको समाचारमा उल्लेख छ। समाचारमा लेखिएको छ'स्थानीय निर्वाचन नियमावली ०६० लाई नेकपा (माओवादी) जिल्ला जनसरकार कालीकोट र निर्वाचन आयोगले परिमार्जन गरेको छ।' स्थानीय जनवादी निर्वाचन निष्पक्ष, धाँधलीरहित रुपमा सञ्चालन गर्नका लागि कालीकोटको प्रथम बैठक पार्टी क्षेत्रीय ब्युरो सदस्य तथा कालीकोट सेक्रेटरी हितमान, जिल्ला जनसरकार प्रमुख कर्णबहादुर भण्डारी, जिल्ला पार्टी सदस्यहरु क.भूमि, सुनील, वर्ग, क्षेत्र, विपीन, आशा जनवर्गीय संगठनका संयोजकहरुको विशेष उपस्थिति र अयोगका प्रमुख आयुक्त जयचन्द्र अधिकारीको अध्यक्षतामा माघ ११ र १२ गते बसेको उल्लेख छ। स्वससे

प्रहरी जवान हतियार सहित छिरे माओवादीमा

Nepal Info — Tue, 07 Mar 2006 11:00:00 +0100

A security man joints Maoists with his arm
धनगढी, फागून २३
उसै त माओवादीले अनेक खालका बम ठाउठाउमै राखेर हैरान् पारेका छन् सुरक्षा अधिकारीलाइ। तराईको समथर भूभाग र पहाडी भागदेखि च्याप्दै ल्याएर खुम्च्याउदै छन राजधानीतिर एकै ठाउमा । सदरमूकाममै हमला गरेर सेना र प्रहरीका हतियार लुट्नसम्म लुटेर तिनैमाथि हमला गरिरहेका छन् माओवादीले। उता सात दलको अन्दोलनले हैरन त परेकै छ यो निरन्कुश सरकार। विध्यार्थिहरुको टायर बाल्ने र ढुङ्गा मुढाको अन्दोलनले त झन हायल कायाल परेकै छ। अन्तराष्टिय समूदायले असहयोग गर्ने क्रमत जारिनै छ। यस्तो बेला आफैले आतंककारिसंग लडाउन भनेर बषौको तालिम र तलब दिएर भर्ती गरेका सुरक्षाकर्मिनै उल्टो तिनै 'आतङ्ककारी' सङ्ग मिलपछी परेन त सरकारलाई आपत? झन लड्न दिएका हतियारनै बोकेर मओवादीसङ्ग लागेपछि सरकारले विश्वास गर्ने को बाकी रह्यो? यसै त गरिदिए नी कैलालीको बनवेहडास्थित वडिमालिका सशस्त्र प्रहरी गणमा कार्यरत सशस्त्र प्रहरी जवान रुद्रराज गिरीले। एसएलआर र्राईफल र दूई सय राउण्ड गोली सहित माओवादीमा उनी सुईकुच्चा ठोकेका छन। गिरी शनिवार विद्रोहगरी माओवादीमा गएको स्रोतको दावी छ। गिरीको घर सूर्खेत वडा नं ८ काडाखेत हो। प्रहरी जवान गिरी राइफल र गोली लगेर कैलालीको पहलमानपुरसम्म पुगेको प्रत्यक्षदर्शीले बताए। 'सशस्त्र प्रहरी संगठन भित्रको दमन र अत्याचार सहन नसकि आफू माओवादीमा गएको' प्रहरी जवानले बताएको स्रोतको दावी छ। कैलाली कारागारमा माओवादीले आक्रमण गरेकै राती ती प्रहरी जवान गिरी माओवादीमा गएका थिए। यस सम्वन्धमा सशस्त्र प्रहरी गण वनवेहडामा सर्म्पर्क राख्न खोज्दा सर्म्पर्क हुन सकेन्। यद्यपि जिल्लास्थित एक जना सुरक्षाअधिकारीले भने सो घटना स्वीकारेका छन्। स्वससे

इलाम घटनामा कम्तीमा १० मारिए, एक शय २३ संपर्क बाहिर

Nepal Info — Sun, 05 Mar 2006 21:54:00 +0100

At least 10 killed, one hundred 23 missing in Ilam (update)

इलामको सदरमुकाम जाने प्रमुख मार्ग र इलाम बजारको एक दृष्य जहा गएराती माओवादी आक्रमण भयो।

अपडेट
काठमाडौं , फागून २१
इलाम आक्रमणको क्रममा कम्तिमा एक माओवादी दूइ सर्वसाधारण एक प्रहरी तथा एक सेना मारिएका छन्। हिमाल अनलाईनले उक्त घटनामा कम्तिमा चार मारिएको इ कान्तिपूरले छ माओवादी सहित कम्तिमा १० मारिएको तथा स्वतन्त्र समाचार सेवाले दूइ मारिएको जनाएको छ। यसैगरी उक्त आक्रमणका क्रममा जेलमा रहेका १०३ थुनुवालाई माओवादीले भगाएका छन् भने कम्तीमा २२ सुरक्षाकर्मी हराइरहेका छन्। रातभर भएको दोहोरो हानाहानपछि अहिले उक्त क्षेत्रमा सैनिक हेलिकोप्टर पुगेको र माओवादीहरुको खोजी गरिरहेको प्राप्त समाचारमा जनाइएको छ।आक्रमणको क्रममा माओवादीले जिल्ला प्रशासन कार्यालय, नगरपालिकाको कार्यालय लगायत नया नगरप्रमुखको घरपनि बम हानेर ध्वस्त भएको छ भने दर्जनौ सरकारी भवनहरुमाथि बम पड्काइएको छ। शाही नेपाली सेनालाइ अल्झाउन उनीहरुले शाही नेपाली सेनाको बेशमाथिपनि आक्रमण गरेका थिए। रातभरी भएको दोहोरो भिडन्तको यकिन क्षति भने हालसम्म प्राप्त हुन सकेको छैन। कान्तिपूरमा प्रकाशित समाचार यहा। नेपाल समाचारपत्रको समाचार यहा।

माओवादीद्धारा इलामको सदरमुकाममा भिषण आक्रमण
Maoists attack Ilam district headquarter
काठमाडौं, फागुन २०
माओवादी विद्रोहीहरुले अहिले बेलुका इलामको सदरमुकाम इलामबजारमा भिषण हमला गरेका छन्। हमलाबाट प्राप्त क्षतिको विवरण अहिले सम्म प्राप्त हुन सकेको छैन। तर सूरक्षाअधिकारीहरुले आक्रमणको पुष्टि गर्दै जिल्ला प्रहरी कार्यालय र जिल्ला प्रसासन कार्यालयमा दोहोरो हानाहान भैरहेको जनाएका छन्। यतिवेला इलाम बजारमा टेलिफोन र बत्तीको लाइन काटिएकोले मानिसहरु डरले रातकटाइरहेको जानकारी प्राप्त भएको छ।

कैलाली कारागारमा फेरि माओवादी आक्रमण

Nepal Info — Sat, 04 Mar 2006 17:10:00 +0100

Maoists attack Kailai prison
धनगढी, फागून १९
के छ त्यस्तो कैलाली कारगारमा जहा माओवादीले लगातार आक्रमण गर्ने? के कारण छ त्यस्तो यो कारगारलाइ लगातार निशाना बनाउनु पर्ने? माओवादीको कुनै पोलिट्ब्युरो सदस्यनै छ कि के हो यो कारागारमा ? यस अगाडिपनि यो कारागारमाथि माओवादीले कम्तिमा दूई पटक हमला गरिसकेकै हुन। फेरि हिजो शुक्रवार सम्साझै ७ पनि नबज्दै माओवादीले कैलाली कारागारमा आक्रमण गरेको स्वतन्त्र समाचार सेवाले जनाएको छ। आक्रमणमा दूई जना प्रहरी हवल्दार मारिएका छन् भने तीन जना र्घाईते भएका छन्। उता अञ्चल प्रहरी कार्यालय धनगढीमा बाहिरबाट गोली आएपछि त्यसको प्रतिकारमा प्रहरीले गोली चलाउदा दार्चुला घर भएका प्रहरी हवल्दार दिर्घ महराको मृत्यु भएको छ। कारागारमा मारिने पहरी हवल्दार डडेल्धुरा - ५ घर भएका खेमराज पनेरु रहेका छन्। घाइते हुनेहरुमा कारागारमा कार्यरत प्रहरी हवल्दार धर्मराज थापा, जवान मिन बहादुर रावल र जवान मोहन महरा रहेका छन्। थापाको टाउको र खुट्टामा गोली लागेको छ भने रावलको खुट्टामा गोली लागेको जिल्ला प्रहरी कार्यालय कैलालीले जनाएको छ। उनीहरु कारागारबाट नजिकै रहेको स्थानीय बासिन्दा स्माईल आरिफको घरको छतमा ड्युटी बस्न जादा उनीहरु माथि एकाएक माओवादीले गोली चलाएका थिए। सधैजसो कारागारका प्रहरीहरु स्थानीय बासिन्दा स्माईलको निवासमा डयुटी बस्न जाने गरेको बताइएको छ। अञ्चल प्रहरीमा मारिने महरालाई कसको गोली लाग्यो त्यसको अनुसन्धान भईरहेको अञ्चल प्रहरी कार्यालयका एसएसपी लोक बहादुर कार्कीले बताउनुभयो। सम्साझै भिडन्त शुरु भएपछि स्थानीय बासिन्दाहरुले आ-आफ्नो व्यापार व्यवसाय समेत अलपत्र छोडेर भाग्नु परेको थियो।

माओबादीले एक लाख ५० हजार क्षतीपूर्ती दिए

Nepal Info — Fri, 03 Mar 2006 15:26:00 +0100

Maoists pay componsation to oil tankers
Krishna Adhikari, Nepalgunj
कृष्ण अधिकारी
नेपालगन्ज, फागुन १८
आफुले नौ वटा टयाङकर नियन्त्रणमा लिदा गल्ति भएको स्विकार गर्दै माओबादीले ट्याङकर धनीलाई क्षतिपुति बापत एक लाख ५० हजार रुपैया दिएर टयाङकरहरु बिहिबार छाडिदिएका छन। नेपालगन्ज बाट दाङका लागि पेट्रोल, डिजल र मटितेल लिएर जादै गरेको अबस्थामा ति टयाङकरहरुलाई माओवादीले गत शनिबार बाकेको महेन्द्र राजमार्गमा पर्ने खैरी खोला नजिकबाट आफ्नो नियन्त्रणमा लिएका थिए। गलत सुचनाका कारण ब्यबसायीहरुको तेल भएको टयाङकर नियन्त्रणमा लिएको बताउदै माओबादीले ट्याङकर धनीलाई क्षतिपुति बापत एक लाख ५० हजार रुपैया दिएर टयाङकरहरु बिहिबार छाडिदिएको इन्सेक नेपालगन्जका प्रमुख भोला महतले जानकारी दिनु भयो। मानवअधिकारकर्मीहरुको टोलीसंग माओबादीको बिशेष जिल्ला संगठन समिति इन्चार्ज अनुले गल्ति भएको स्विकार गर्दै राप्ती अंचल पेटोलियम डिलर एशोसिएशनका अध्क्षयलाई अरुण शाहलाई क्षतिपुति बापत एक लाख ५० हजार रुपैया दिएकी थिइन। चालकहरु बाके बैजापुर को जंगलबाट टयाङकरहरु लिएर नेपालगन्ज तर्फफर्किएका छन। ती टयाङकरमा ५१ हजार लिटर डिजल, ४८ हजार लिटर मटि्तेल र ९ हजार लिटर पेट्रोल थियो। पेट्रोल टयाङकर तेल स्थानीय बसिन्दालाई बितरण गरिएको छ।
माओबादीले छाडिदिएका टयाङकरहरुमा करिब ३५ हजार लिटर मात्रै तेल भएको अनुमान गरिएको छ। नौ बटा टयाङकर पेट्रोलियम पदार्थ सहित दूइ दिन देखि नियन्त्रणमा राखेका ९जना चालक सहित १८ मजदुर लाई भने सन्चारकर्मीको पहलमा सोमबार माओबादीले मुक्त गरेका थिए। मानबअधिकारकर्मीहरुको टोलीले माओबादीको बिशेष जिल्ला संगठन समितिर् इन्चार्ज अनु संग वार्ता गरे पछि ती नौ वटा टयाङकरहरुलाई छाडन माओवादी सहमत भएका थिए। यस अघि नियन्त्रण मुक्त भएका मजदुरले तेलका टयाङकर सुरक्षित राखि दिन माओबादी लाई आग्रह गरेका थिए। माओबादीले शनिबार पेट्रोलियम पदार्थ सहित १८ जना मजदुरलाई नियन्त्ररणमा लिएका कारण नेपालगन्जबाट दाडंमा पेट्रोलियम पदार्थको आपूर्ती हुन सकेको छैन जसलेगर्दा दाडमा पेट्रोलियम पदार्थको हाहाकार भएको छ। स्वससे

आफैले बोकेको बम पड्केर पाँच माओवादी ठहरै

Nepal Info — Wed, 01 Mar 2006 16:32:00 +0100

खड्कबहादुर विष्ट
अछाम, फागुन १६
जिल्लाको मंगलसेन-८ नागातोला भन्ने स्थानमा आफैले बोकेको बम विष्फोट हुँला पाँच सशस्त्र माओवादीको मृत्यु भएको छ । मृतकको नाम भने खुलेको छैन र जिल्ला प्रशासन कार्यालय अछामका कर्मचारी झनक भण्डारीका अनुसार, लास उठाउन बुधबार बिहान सुरक्षाकर्मीको टोली घट्नास्थल पुगिसकेको छ ।मृतक सदरमुकाम मंगलसेनमानै बम विष्फोटन गराउन आएको हुन सक्ने सुरक्षा निकायले आशंका गरेको छ । स्वससे

माओवादी अध्यक्ष प्रचन्डको अन्तरवार्ता

Nepal Info — Fri, 24 Feb 2006 09:37:00 +0100

हिमाल खवरपत्रिकाले ६२ फागुनको शुरुको अंकमा छापेको अन्तर्वार्ता र
सोहि अंकको डा भट्टराइको जनयूद्धका उपलव्धिबारेको लेख।

जनतालाई सिटामोल छैन ६६ करोड खर्च गरेर राजा किन पाल्ने ?

Nepal Info — Thu, 23 Feb 2006 11:41:00 +0100

Maoist urge a fresh coalition between democratic parties

आज आम जनतासँग यही प्रश्न तेर्साउदै नेकपा (माओवादी) का सात जनबर्गिय सङ्गठनहरुले राजतन्त्रलाई सधाका लागि मिल्काउन सात राजनीतिक दल र माओवादीकाबिच नया राजनीतिक ढङ्गले सहमति कायम गरि नया सम्युक्त मोर्चा बनाएर लड्नुपर्ने बताउदै त्यस्तो मोर्चा बनाउन आव्हान गरेका छन। अखिल नेपाल जनसांस्कृतिक संघ, केन्द्रीय समिति, अखिल नेपाल किसान संघ (क्रान्तिकारी) केन्द्रीय समिति, अखिल नेपाल महिला संघ (क्रान्तिकारी) केन्द्रीय समिति, नेपाल ट्रेड युनियन महासंघ, केन्द्रीय समिति, नेपाल राष्ट्रिय बुद्धिजीवी संगठन केन्द्रीय समिति, अखिल नेपाल शिक्षक संगठन, केन्द्रीय समिति, अनेरास्ववियु (क्रान्तिकारी) केन्द्रीय समितिका तर्फबाट आज एक संयुक्त प्रेस विज्ञप्ति सार्वजनिक गर्दै उक्त आव्हान गरेका हुन । हेर्नुहोस प्रेस विज्ञप्ति जस्ताको तस्तै-

प्रेस विज्ञप्ति
यतिबेला देश र जनता दिगो शान्तिको लागि शान्तिविरोधी सामन्ती राजतन्त्र जसले विगत २३७ ववर्षदेखि देश र जनताको रगत र पसिना चुसेर स्वयं देश र जनताविरुद्ध अपराध गर्दैछ- को विरुद्ध अन्तिम विद्रोहको झण्डा उठाइसकेका छन् । हाम्रा सन्तानहरुले यो स्तरको आन्दोलन अब कहिल्यै संचालन गर्न नपरोस् भन्ने उद्देश्यका साथ अहिलेको पुस्ता अनिवार्य रुपमा राजतन्त्र विरुद्धको आन्दोलनमा सहभागी बन्नैपर्छ र भएको पनि यस्तै छ। नेपाली जनताले एक चक्की सिटामोल खान नपाएर ज्यान गुमाउन बाध्य भइरहेको बेला ६३ करोड रुपैया खुवाएर कथित राष्ट्र प्रमुखलाई हामीले किन पालिरहने - मूर्ती चोर्ने, कालो पदार्थको व्यापार गर्ने, सडकमा हिडेका संगीतकारदेखि ट्याक्सी ड्राइभरसम्मको हत्या गर्ने, आफ्नै दाजुको वंशनास गर्ने ज्ञानेन्द्र-पारस मण्डलीले हाम्रो आन्दोलनलाई आतंककारी र हामीलाई बाटो बिराएकाहरु भनेर जसरी एकोहोरो चिच्याइरहेको छ, हामी चुनौती दिन्छौं र भन्छौं - अक्षम्य अपराधको हिसाब किताब आन्दोलनबाटै चुक्ता गर्ने छौं। किनभने २१औ शताब्दीमा पनि सत्रौं शताब्दीको शासन लाद्ने तानाशाह जसले हाम्रा हजारौं सहयोद्धाहरुको रगत पिएको छ। कैयौंलाई बेपत्ता बनाएको छ। सयौंलाई बन्दी बनाएको छ। त्यसकारण हरेक नेपाली नागरिक राष्ट्रप्रमुख चुन्ने र चुनिन पाउने राजनीतिक अधिकार प्राप्तिको लागि यसको बाधक राजतन्त्रको चिहान अनिवार्य ख्नन्नैपर्छ।

सैनिक नियन्त्रणबाटै माओवादी टाप

Nepal Info — Wed, 22 Feb 2006 13:37:00 +0100

Maoist gurrilas escaped from the army barrack
हरि भट्टर्राई
पोखरा, फागुन १०
पोखराको ड्यामसाइडस्थित होटल स्पोर्ट्सबाट सुरक्षाफौजले नियन्त्रणमा लिएका माओवादी प्लाटुन उपकमाण्डर प्रमोद भनिने दिलबहादुर नेपाली शैनिक नियन्त्रणबाट भाग्न सफल भएका छन । सुरक्षाफौजलाई माओवादी शेल्टर देखाउन भरतपोखरी गाविसको बाघमारामा गएका बखत करीब पाँचदर्जन सुरक्षाकर्मीहरुलाई छलेर हत्कडीसहित भाग्न सफल भएको माओवादी स्रोतले जानकारी दिएको छ। घटनाको सुरक्षाश्रोतले पनि पुष्टि गरेको छ ।पोखराको ड्यामसाइडस्थित होटल स्पोर्टसमा शहर हान्ने योजना निर्माण गर्ने क्रममा पोखरा छिरेका माओवादीको विशेष सैन्य बल एसटिएफका कम्पनी कमाण्डर अटल भनिने मदन पौडेल र माओवादीको जनमुक्ति सेना नेपाल परिवर्तन स्मृति नवौं ब्रिगेड अन्तरगतको कम्पनी सहायक कमाण्डर रोशन भनिने तिर्थ भुजेल माघ २७ गते राती मारिएका थिए भने प्रमोद पक्राउ परेका थिए। उक्त घटनापछि माओवादीलाई भगाएको आशंकामा उक्त र्सच अभियानमा संलग्न फुलबारी ब्यारेकका लप्टनसहितको ४० जना, २० जना सशस्त्र प्रहरी र पाँचजना नेपाल प्रहरीका सुरक्षाकर्मीहरुलाई आवश्यक छानविन भईरहेको सुरक्षास्रोतल बताएको छ ।
यसैविच आफ्ना कमाण्डरहरु मारिएको विरोधमा माओवादीले आव्हान गरेको कास्की बन्दका कारण पोखराको जनजीवन प्रभावित भएको छ । बन्द सफल बनाउने क्रममा मंगलबार राती छारे पाटन, घारिपाटन लगाएतका ठाउँहरुमा बम विष्फोट गराएका थिए । स्वससे

मुगुमा गोली चल्दा दर्जन प्रदर्शनकारी घाइते

Nepal Info — Mon, 20 Feb 2006 23:08:00 +0100

बिपुल पोख्रेल
दाङ/फागुन ७
प्रजातन्त्र दिवसमा दलहरुले आयोजना गरेको शान्तिपूर्ण प्रदर्शनमा प्रहरीले गोली चलाउदा १२ प्रदर्शनकारी घाइते भएका छन । मुगुको सदरमुकाम गमगढीमा आयोजित प्रदर्शनमा प्रहरीले प्रदर्शनकारीमाथि गोली र लाठी प्रहार गरेको थियो । प्रहरीको गोलि प्रहारवाट घाइतेहुनेहरुमा नेविसंघका गजेन्द्र मल्ल, कुवेरजंग शाही, प्रजातान्त्रिक काग्रेस निकट नेबिसंघका नरेन्द्र रावल, अखिलका दिलिप मल्ल लगायतका १२ जना छन। स्वससे

धरानमा रातभरि दोहोरो भिडन्त

Nepal Info — Sun, 19 Feb 2006 14:33:00 +0100

Clash in Dharan
काठमाडौं/ फागुन ७
नेकपा माओवादी र सुरक्षाफौजबीच धरानको सेउती खोलामा शनिबार राती दोहोरो भिडन्त भएको बिभिन्न समाचारमाध्यमहरुले जनाएकाछन।जनाइएअनुसार भिडन्तमा एक जना माओवादीको घटनास्थलमै मृत्यु हुनुका साथै अर्का एक जना पक्राउ परेका छन ।
माओवादीहरु पूर्वतर्फगइरहेको थाहापाएपछि सुरक्षाफौजले चारैतिरबाटघेरेर फाइरिङ शुरु गरेको थियो । सुरक्षाफौजले फायरिङ गरेपछि दोहोरो गोलीहानहान भएको सुरक्षाश्रोतले जनाएको छ। भिडन्त शनिबार बेलुका सात बजेपछि सुरु भएपनि पूर्ण विबरण प्राप्त भैसकेको छैन।

चैत २१ बाट अनिश्चितकालीन नेपाल बन्द

Nepal Info — Sun, 19 Feb 2006 14:33:00 +0100

Indefinite strike from April third
काठमाडौं/ फागुन ७
नेकपा माओबादीले आगामी चैत २१ गतेबाट अनिश्चितकालीन देशव्यापी राजनीतिक हड्तालको घोषणा गरेको छ।जस अनुसार यातयात, कलकारखाना, वजार, शिक्षणसंस्था र कार्यालयहरु वन्द रहने माओबादीले जनाएको छ ।यसैगरी चैत्र १ गतेवाट राजधानी काठमाण्डौं उपत्यका र जिल्ला/अञ्चल/क्षेत्रीय सदरमुकामहरूको नाकावन्दी र चक्काजाम गर्ने पनि माओबादीले उल्लेख गरेको छ ।माओबादीका अध्यक्ष प्रचण्ड र वृहद राष्ट्रिय राजनीतिक सम्मेलन आयोजक समितिका संयोजक बाबुराम भट्र्राईद्धारा आज जारी विज्ञप्तीमा सो कुरा उल्लेख छ। बक्तब्य हेर्ने भए अट्याच्मेन्ट फाइलमा क्लिक गर्नुहोस।

शाही पुंजीपतिहरुमाथि माओवादीले फेरी कार्वाही गर्ने

Nepal Info — Wed, 15 Feb 2006 19:04:00 +0100

Maoists to take another action against Royal Industralists

राजा नजिकका भन्दै विभिन्न नाममा पटक पटक कल कारखाना बन्‍दलगायत बिभिन्न कारवाहि गर्दै आएको ने.क.पा.(माओवादी) को भातृ सँगठन अखिल नेपाल ट्रेड यूनियन महासंघले फागुन महिनाभरि शाही नातेदार र तिनीहरुका उद्योगी ब्यापारीलाई कार्वाहीगर्ने लगायतका नया कार्यक्रमको घोषणा गरेको छ।बर्तमानमा आन्दोलन अपरिहार्य रहेको भन्दै आफ्नो संगठनका बिभिन्‍न केन्द्रिय सदस्यहरुलाई तथा कार्यकर्ताहरुलाई वेपत्ता पारेको, हत्या गरेको र मजदुर नेताहरुलाई झुठ्ठा मुद्दा लगाई जेलमा बन्दी बनाएको उल्लेख गर्दै निरंकुश राजतन्त्रको अन्त्य र लोकतान्त्रिक गणतन्त्रको स्थापनाको आन्दोलनमा सक्रिय मजदुरहरुलाई बदला लिने काम गरेको आरोप आज प्रकाशित बिज्ञप्तिमा लगाइएको छ।

कार्यक्रम अनुसार फाल्गुण पहिलो हप्ता भरी ११ औं जनयुद्धको बर्षगाठ मनाउने,फाल्गुण ११ गते प्रतिरोधात्मक कार्वाही, फाल्गुण १४-२१ शहिद सप्ताह, फाल्गुण २२-२७ सम्म राजाको पक्ष लिने दलाल तथा नोकरशाही पुंजीपतिहरुमाथि कार्वाही गरिने तथा फाल्गुण २८ र २९ गते देशव्यापी उद्योग कलकारखाना लगायत यातायातका साधनहरुमा हृड्ताल गारिने वक्तव्यमा उल्‍लेख छ।बक्तब्य हेर्ने भए अट्याच्मेन्ट फाइलमा क्लिक गर्नुहोस।

प्रचण्डद्धारा समानान्तर सरकार गठनमा जोड

Nepal Info — Mon, 13 Feb 2006 13:24:00 +0100

Prachanda proposes a praralle government
काठमाडौ/ फागुन १
सशस्त्र व्रि्रोही माओवादीका अध्यक्ष प्रचण्डले साझा नारा, मोर्चा र कार्यक्रम निर्माणका लागि सात दल, नागरिक समाज र बौद्धिक समुदायसँग अपिल गर्दै त्यसले समानान्तर सरकारको प्रारुप तयार पार्ने विचार व्यक्त गर्नुभएको छ । माओवादी जनयुद्धको एघारौं बाषिर्कोत्सवको उपलक्ष्यमा सोमबार उहाँले अपिल जारी गर्दै निरंकुश तत्वको फौजी आतंक विरुद्ध समानान्तर सरकारको प्रारुप तयार गर्न सकिए त्यसलाई लोकतन्त्र र शान्तिका पक्षधर सबै अन्तरा्ष्‍ट्रीय शक्तिहरुको र्समर्थन र सहयोग प्राप्त हुने विश्वास व्यक्त गर्नुभएको छ ।'हाम्रो के पनि विश्वास छ भने त्यसप्रकारको साझा नारा, मोर्चा, कार्यक्रम र सरकारको घोषणा मात्रले राजा र सानो सामन्ती गिरोहलाई धारासायी पार्ने छ र नेपाल गणतान्त्रिक राज्य प्रणालीसहित शान्ति र समृद्धिको दिशातिर अगाडि बढ्नेछ' अपिलमा प्रचण्डले भन्नुभएको छ-हाम्रो पार्टिको उद्देश्य परिपूर्‌तीका लागि जतिसुकै लचिलो बन्न पनि तयार रहेको यथार्थ स्पष्ट भइसकेको छ र हामी यस अवसरमा त्यो प्रतिबद्धता अझ स्पष्ट गर्न चाहन्छौं । 'यसप्रकारको ठोस प्रक्रिया अगाडि बढ्ने बित्तिकै नेपालमा सैन्य शक्तिको पुर्नर्संरचना कुनै कठिन र जटिल विषय नबन्ने' विश्वास पनि उहाँको छ ।
उहाँले शान्तिपूर्ण र फौजी प्रतिरोधको समुचित संयोजनबिना निरंकुशतन्त्र ध्वस्त नहुने वास्तविकतालाई आत्मसात् गरी युग-युगसम्म नेपाली जनताको लोकतन्त्र, शान्ति र प्रगतिको आकांक्षालाई संस्थागत गर्न समाजका सबै वर्ग, जाति, क्षेत्र, लिंग तथा सबै राजनैतिक दलहरुसँग सम्बन्धित युवाहरुसँग विशेष अपिल गर्नु भएको छ ।
'युवा गर्जनसहित लोकतन्त्र र शान्तिको नयाँ फौजले मात्र नयाँ नेपालको प्रगतिलाई सुनिश्चित गर्नेछ' उहाँले भन्नुभएको छ ।प्रचण्डले अमेरिकाले बाहिर गोहीको आँसु देखाए पनि शाही सत्तालाई टिकाउने भूमिका खेलिरहेको ठहर पनि गर्नुभएको छ ।
'आतंकवादविरोधी युद्धका नाममा विश्व जनसमुदायमाथि नै आतंकको साम्राज्य खडा गर्ने अमेरिकी शासक वर्गको बुस मण्डलीका सैनिक कमाण्डरहरुको ढाडस र प्रोत्साहनमा नै यी सामन्तीहरु नेपाली जनताको लोकतन्त्र र शान्तिको आकांक्षाका विरुद्ध यसप्रकारको मूर्‌खतापूर्‌ण‌ अपराध गरिरहेका छन' प्रचण्डले दावी गर्नुभएको छ-त्यसप्रकारको ढाडस र प्रोत्साहनका पछाडि नेपालको भू-राजनैतिक स्थितिबाट फाइदा उर्ठाई चीन, भारत र दक्षिण एशियाका अरबौं जनतामाथि र्राईदाई गर्ने साम्राज्यवादी स्वार्थ र षडयन्त्रले काम गरेको छ । हालै अमेरिकी सेनाको एसिया प्यासिफिक कमाण्डको कमाण्डर आएर राजालाई नेपाली जनताका विरुद्ध कथित रेञ्जर फोर्स -कमाण्डो) बढाउन दिएको निर्देशनले यो कुरालाई झन स्पष्ट पारेको प्रचण्डको अपिलमा उल्लेख छ । स्‍वससे
बाकी अट्ट्याच्मेन्ट फाइलमा बिज्ञ्प्ती जस्ताको त्यस्तै हेर्न यहाँ क्लिक गर्नुहोस

माओवादीले पच्चिस शाही सेना मारे

Nepal Info — Fri, 10 Feb 2006 18:44:00 +0100

Over two dozen RNA killed in the clash

काठमाडौ, माघ २८
सुनौलको रम्भापूरमा शाही सेना र माओवादीविच भएको दोहोरो फाइरिगका क्रममा २५ शाही सेना मारिएको र १२ सैनिकहरुलाई कव्जामा लिइएको माओवादीहरुले जनाएका छन्। यसैगरी सोही कार्वाहीमा सेनाका चारवटा गाडी ध्वस्त पार्नुका साथै ८१ एमएम तोप एक थान, सोको बम १० थान, एम-१६ को टीटीएससहित चार थान, एसएलआर २० थान, थ्रीनटथ्री १० थान, एसएमजी दुइ थान, टु-इञ्च मोर्टार बम १५ थान, झोला ८० थान र ५० हजार थान गोली कब्जा गरेको माओवादीहरुले जनाएका छन्। भने केही सैनिकहरुलाई माओवादीहरुले राजमार्गको घोडाहाबाट लखेट्दै तितरवितर पार्न सफल भएको माओवादी दावी रहेको छ।बाकी माओवादी बक्तव्य एट्टयाच्चमेन्टमा जस्ताको तस्तै।

माओवादीद्धारा बन्द फिर्ता

Nepal Info — Wed, 08 Feb 2006 22:22:00 +0100

Maoists withdraw 'Nepal Bandh'

काठमाडौ, माघ २६
एक हप्ता लामो नेपालबन्दको घोषणा गरेको नेकपा माओवादीले नगरनिर्वाचन सम्पन्न भएलगत्तै नेपाल बन्द घोषणा फिर्ता लिएको छ।उक्त घोषणा आज नेकपा माओवादीका अध्यक्ष प्रचन्ड र अर्का नेता बाबुराम भट्टराइद्धारा जारी विज्ञप्तीमा जनाइएको छ। जस्ताको तस्तै विज्ञप्ती एट्टयाच्मेन्ट फाइलमा।

प्रचन्डको ताजा अन्तर्वार्ता कान्तिपूरमा

Nepal Info — Wed, 08 Feb 2006 07:24:00 +0100

संविधानसभा कम्युनिस्टहरूको माग होइन, पूँजीपतिहरूले धेरै पहिल्यैदेखि स्थापित गरेको लोकतान्त्रिक विधि हो । जनताले धेरै दुःख नपाउन् भनेर हामीले यो नीति बनाएका हौं । दरबारिया सामन्ती अभिजात वर्गका मानिस जानीबुझिकन हाम्रो यो नीतिलाई ट्याक्टिस मात्र हो भन्छन् । अर्कातिर विदेशी तागत, मुख्यतः अमेरिकी साम्राज्यवादलाई सबभन्दा बढी डर माओवादी आन्दोलन भएको छ । अन्तवार्ताका बाकी अंश पाइन्छ।

निर्वाचनमा भाग नलिन प्रचण्डको आग्रह

Nepal Info — Tue, 07 Feb 2006 15:09:00 +0100

Prachanda appeals not to participate in the election

काठमाडौ, माघ २५

नेकपा माओवादीका अध्यक्ष प्रचण्डले नगरपालिका निर्वाचनमा भाग नलिन अव्हान गरेका छन्। अध्यक्ष प्रचण्डले आज एक विज्ञप्ती जारी गरी निर्वाचनमा भाग नलिन अव्हान गरेका हुन्। विज्ञप्ती एट्टयाच्मेन्ट फाइलमा पढौं।

माओवादीले ७४ वर्षीय बृद्धको खुट्टा भाँचे

Nepal Info — Sun, 05 Feb 2006 13:59:00 +0100

Maoist break the leg of an old man

स्वतन्त्र समाचार सेवा
पर्वत माघ २३
आफ्नो कार्यकर्तालाई भारत भगाएको आरोपमा माओवादी कार्यकर्ताले ७४ वषिर्य बृद्धलाई कुटपिटगरी खुट्टा भाँचिदिएका छन्। स्थानीय कार्यकर्ताले पर्वत जिल्लाको ठूलीपोखरी गाविसका ७४ वर्षीय बृद्ध हुमप्रसाद सुवेदीको दुबै खुट्टा भाँचिदिएका हुन्।
शुक्रबार राती २०/२५ जनाको समूहमा आएका हतियारधारीहरुले बृद्ध सुवेदीलाइ घरभन्दा परको खोल्सामा लगी दुबै खुट्टा भाँचिदिएको स्थानीयवासिले बताए। उनीहरुका अनुसार बृद्ध सुवेदीलाई माओवादीले ठूलीपोखरी गाविसमा रहेका केही माओवादी कार्यकर्ताहरुलाई स्थानीय प्रशासनसमक्ष आत्मर्समर्पण गर्न लगाएको आरोप समेत लगाएका छन्।
माओवादीको प्रहारबाट बृद्ध सुवेदीको देब्रे खुट्टा नराम्रोसँग थिलथिलिएको र दुबै खुट्टा भाँचिएको स्थानीय बासिन्दाहरुले बताए। घाइते बृद्ध सुवेदीलाई शनिबार स्थानीय बासिन्दाहरुले उपचारका लागि पोखरा पुर्‍याएको छन्। माओवादीले सुवेदीको खुट्टा भाँच्नका लागि बन्दुकका कुन्दा र रडको प्रयोग गरेका थिए। स्थानीयस्तरमा पूर्व पञ्चको रुपमा चिनिने सुवेदी केही वर्षता राजनीतिमा निस्कृय रहेको बताइन्छ।

उम्मेदवारलाई माओवादी वारेण्ट

Nepal Info — Mon, 09 Jan 2006 15:54:00 +0100

Election candidates warned by Maoists

शिवराज योगी
धनगढी पुस २५
राजाद्धारा घोषित नगर निर्वाचनमा उम्मेदवारी दिनेप्रति सशस्त्र व्रि्रोही माओवादीले कडा रबैया अपनाउने भएको छ। माओवादीका कैलाली जिल्ला इन्चार्ज अखण्डले नगर निर्वाचनमा नउठ्न आग्रह गर्दा अट्टेर गर्नेलाई नछोडिने जानकारी दिएका छन्। सुरुमा वारेन्ट जारी गर्ने, त्यसपछि राज्य विरुद्धको मुद्धा लगाउने, त्यतिगर्दा पनि नमाने 'जनसत्ता'मा हाजिर गराउने र त्यतिले पनि नपुगे कारबाहीका लागि पत्राचार गर्नेलगायतका कडा कारवाही गरिने जानकारी उनले दिए।
भौतिक कारबाही नगरिने भनिए पनि चौथो चरणका कारबाहीले पनि काम नगरे जे सुकै हुन सक्ने उनले बताए। माओवादीले सर्वसाधारणलाई कम्ब्याट ड्रेस नलगाउन उर्दी जारी गरेको छ। अहिले बजारमा देखिएको सैन्य पोशाकजस्तो लाग्ने कपडा नलगाउन आग्रह गरिएको छ।
जिल्ला इन्चार्ज अखण्डले संचारकर्मीहरुसँगको भेटमा राजनीतिक दलका कार्यकर्तालाई ढुक्क भएर गाँउमा बस्ने वातावरण बनाउन आफूहरु लागिपरेको बताए। 'दल-माओवादीबीचको सहमतीमा आँच आउन नदिन जस्तो सुकै त्याग गर्न तयार' रहेको उनले बताए। अखण्डका अनुसार, विगतमा कब्जा गरिएका राजनीतिक दलका नेता तथा कार्यकर्ताको जग्गा फिर्ता गरिनेछ। माओवादीले जिल्लामा अहिलेसम्म एक हजार ५ सय विघा जमिन कब्जामा लिएको छ।
स्वतन्त्र समाचार सेवा।

दुइ माओवादी नेता यूरोप यात्रामा

Nepal Info — Mon, 09 Jan 2006 15:43:00 +0100

Two Maoist leaders are in Europe

काठमाडौं ,पुस २५

सशस्त्र विद्रोहमा संलग्न नेपाल कम्यूनिष्ट (माओवादी) ले आफ्ना दुइ जना प्रतिनिधिलाई प्रजातान्त्रिक विश्वका नेता एवं सरकारहरुसँग सम्बन्ध विकास गर्न तथा नेपालको शान्तिपूर्ण लोकतान्त्रिक आन्दोलनमा प्रतिबद्धतासाथ प्रस्तुत हुने कुरामा आश्वस्त पार्न बेलायत पठाएको छ।बेलायत पुगेका माआवादी नेतामा केन्द्रीय सदस्यद्वय टोपबहादुर रायमाझी र नारायण शर्मा रहेको उच्चस्तरीय सूत्रले स्वतन्त्र समाचार सेवालाई सोमबार जानकारी गरायो। दुबै जना अहिले यूरोपेली संघका विभिन्न नेताहरु, संगठनहरु तथा बेलायत सरकारका प्रतिनिधिहरुसँगको कुराकानी ब्यस्त रहेको बताइन्छ।सशस्त्र विद्रोही माओवादीले प्रजातान्त्रिक विश्वसँग सुरु गरेको यो सम्बन्धले उनीहरु बहुदलीय प्रतिस्पर्धात्मक प्रजातान्त्रिक राजनीतिमा र्फकन आतुर छन् भन्ने सन्देश दिएको छ।
स्वतन्त्र समाचार सेवाबाट प्राप्त।

युद्धविराम भंग हुनुमा राज्य पक्ष जिम्मेवार

Nepal Info — Mon, 02 Jan 2006 18:34:00 +0100

'Government is responsible in the break of ceasefire'

काठमाडौ, पुस १८
आन्दोलनरत सात दलले सशस्त्र विद्रोही माओवादीले चार महिना पुरानो एकतर्फी युद्धविराम भंग गर्नु दुखद भएको उल्लेख गर्दै भावी युद्धको सम्पूर्ण जिम्मेवारी राजाले लिनुपर्ने भन्दै युद्धविराम भंग हुनुमा राज्य पक्षको मूल दोष भएको बताएका छन्। बैठकबारे जानकारी दिदैं एमाले महासचिव माधवकुमार नेपालले युद्धविरामको भंग हुनुमा वर्तमान सत्ता नै दोषी रहेको ठहर गरिएको बताउनुभयो। 'आगामी दिनमा माओवादीलाई शान्तिपूर्ण बाटोमा ल्याउन पहल गर्र्छौ, आमनागरिकको रक्षाका लागि जनेभा सन्धी र मानवअधिकारको सम्मान गर्न हामी विद्रोहीलाई आहृवान गर्दछौ' उहाले थप्नुभयो।

अन्तत यूद्ध विराम भंग

Nepal Info — Mon, 02 Jan 2006 09:04:00 +0100

Maoist break four months long ceasefire
काठमाडौ, पुस १८
नेकपा माओवादीले चार महिनादेखि कायम राखेको एकतर्फी युद्ध विराम अन्तत भंग भएको छ। गत भदौ १८ गते माओवादीहरुले यूद्ध विराम गरेका थिए। पछिल्लो एक महिनामा शाही सेनाले नगरकोट हत्याकाण्ड हुंदै अहिले अन्तिम समयमा आएर रोल्पामा सैन्य अपरेशनका नाममा जनताका विरुद्ध आतंकको राज्य कायम गर्ने दुश्साहस गरिरहेको भन्दै माओवादीका तर्फबाट आज प्रकाशित गरिएको विज्ञप्तीमा जनमुक्ति सेनाका टुकडीहरुलाई घेरामा हालेर स्थल र हवाइ आक्रमण गर्ने रणनीतिमा शाही सेना प्रत्यक्ष अगाडि बढिसकेको जनाइएको छ। रोल्पामा जनताका पसलहरु लुट्ने र आगो लगानउने र निशस्त्र कार्यकर्ताहरुलाई पक्राउ गरर्र हत्या गरिएको उल्लेख गरिएको छ।विज्ञप्तीमा भनिएको छ - यस्तो अवस्थामा चाहेर पनि युद्धविराम लम्ब्याउनु असम्भव मात्र नभइ आत्मघाती समेत हुन पुगिरहेको यथार्थलाई गंभीरतापूवक लिइदिन आग्रह गर्दै हाम्रो पार्टीको तर्फबाट गरिएकव वर्तमान युद्धविराम भंग हुन गएको घोषणा गर्दछौं।
माओवादी अध्यक्ष प्रचन्डद्धारा हस्ताक्षरित विज्ञप्तिमा अवको माओवादी फौजी आक्रमण शाही नेपाली सेना र कथित नगरनिर्वाचनमा भागलिनेहरुमाथि केन्द्रित हुने जनाइएको छ।यसैगरी १२ बुदे समझदारीलाई अगाडी बढाउन आफ्नो तर्फबाट सक्दो योगदान पुर्याउने जनाउंदै स्पष्ट रुपमा भनिएको छ- वृहद् राष्ट्रिय राजनैतिक सम्मेलन वा गोलमेच सम्मेलनमार्फत अन्तरिम सरकारको गठन र संविधान-सभाको निर्वाचनमार्फ जनतालाई र्सार्वभौम तुल्याउने प्रक्रिया सुनिश्चित भएमा हाम्रो पार्टी कुनै पनि बिन्दुमा पुन युद्धविराम गरी शान्तिपूर्ण राजनैतिक निकासमा योगदान गर्न हमेशा तयार रहनेछ। तर, दोरम्बा हत्याकाण्डमार्फ पछिल्लो वार्ता भंग गराउने र अहिले रोल्पा अपरेशनमार्फ युद्धविराम भंग गराउने ज्ञानेन्द्र-पारस जस्ता निरंकुश सामन्ती तत्व तथा उनीहरुको सैन्य डफ्फाको आतंककारी रवैया यथावत रहेमा नेपाल र नेपाली जनताको पक्षमा अन्तसम्म लडिरहने हाम्रो प्रतिबद्धता पनि यहा दोहोर्‍याउन चाहन्छौं। विज्ञप्ती जस्ताको तस्तै एट्टायाच्चमेन्ट फाइलमा।

युद्धविराम लम्विने संभावना

Nepal Info — Sun, 01 Jan 2006 21:05:00 +0100

Ceasefire to be extended !

काठमाडौ, पुस १७
आजबाट सकिने चारमहिने युद्धविराम पुन लम्वाउन अ‍ौपचारिक रुपमा सात दलको बैठकले सोमवार निर्णय गर्ने भएको छ। माओवादीहरुले पुन युद्धविराम तोड्ने संकेत दिएपछि सातदलले यस्तो आग्रह गर्दैछन् । तर सात दलको आग्रह हुनु अघावै माओवादीहरुले पुन छोटो समयअवधिका लागि युद्धविराम लम्वाउने संभावना रहेको भनि निकै चर्चा चलिरहेको छ।

माओवादीहरुले दशौ बर्षगांठ मनाउने

Nepal Info — Sun, 25 Dec 2005 21:52:00 +0100

Maoists celebrate 10th anniversary

काठमाडौ, पुस १०
यस बर्ष माओवादीहरुले १० अ‍ौ बर्षगांठ मनाउने तयारी गरिरहेका छन्। यूद्धविराम भंग गरी जंगल जाने तयारीमा रहेका माओवादीहरुको यो बर्षगांठपनि हिंसात्मक हुने पूर्वअनुमान गरिएको छ। नेकपा माओवादीहरुले २०५२ सालको फाल्गुन १ गतेबाट ४२ सुत्रीय माग राखि हिसात्मक विद्रोह शुरु गरेका थिए। माओवादीका जनवर्गीय संगठनहरुद्धारा बर्षगांठ मनाउने तयारी शुरु भैसकेको छ। जसअनुसार नेकपा माओवादी समर्थित मजदूरहरुले फागुन महिनालाई उत्सव महिनाका रुपमा मनाउने निर्णय गरेका छन् । यसैगरी २०५८ साल फाल्गुन ११ गते कालिकोटको कोटवारा विमानस्थल निर्माणमा समलग्न २८ जना निर्माण मजदुरहरू सरकारी सेनाद्धारा मारिएको दिनलाई "मजदुर वलिदान दिवस" को रुपमा मनाउने निर्णय गरेका छन्। यो कुरा आज अखिल नेपाल ट्रेड यूनियनका अध्यक्ष शालीकराम जमरकट्टेलद्धारा प्रकाशित विज्ञप्तीमा जनाइएको छ। बाकी जस्ताको तस्तै एट्टयाच्चमेन्टमा।

माओवादी शिक्षकले माघमा हडताल गर्ने

Nepal Info — Sat, 10 Dec 2005 22:37:00 +0100

Maoist teachers to go for another strike

काठमाडौ, मंसिर २५
नेपाल कम्युनिष्ट पार्टी माओवादी समर्थक शिक्षकहरुले माघको अन्तिममा मुलुकका प्रमुख स्थानहरुमा सैक्षिक हडताल गर्ने जनाएका छन्। आज एक प्रेस बिज्ञप्ती प्रकाशित गरदै अखिल नेपाल शिक्षक संगठनका केन्द्रिय अध्यक्ष गुणराज लोहनीले भनेका छन्- माघको तेस्रो हप्ता शिक्षक सभाहरु र माघ २० देखि २८ गतेसम्म राराशस -राजधानी, राजमार्ग, शहर र सदरमुकाम) मा शैक्षिक हड्ताल गर्ने निर्णय हाम्रो संगठनले गरेको छ। यसैगरी संगठनले आगामी चुनावमार्फत थप नरसंहार मच्चाउन लागेकोले चुनाव बहिष्कार गर्न आग्रह गर्दै यसअघि घोषणा गरिएका मंसिर २६ देखि ३० गतेसम्मको शैक्षिक हड्ताललाई स्थगन गरीएको जनाएको छ। बिज्ञप्ती जस्ताको तस्तै एटट्याचमेन्टमा।

माओवादीद्धारा एक महिन यद्धविराम थप

Nepal Info — Fri, 02 Dec 2005 13:32:00 +0100

काठमाडौ, मंसिर १७
नेकपा माओवादीद्धारा एक महिनाकालागि युद्ध विराम थप भएको छ। एट्याच्चमेन्टमा हेरौ।

रोल्पामा माओवादीका दूइ कमान्डर मारिए

Nepal Info — Wed, 30 Nov 2005 16:51:00 +0100

Two Maoist commander killed in Rolpa

काठमान्डौ, मंसिर १५
हिजो सांझ रोल्पा जिल्लाको जिनवागंमा शाही नेपाली सेनाले हेलीकोप्टरबाट गरेको अन्धाधुन्ध आक्रमणबाट नेकपा माओवादीको मंगलसेन फस्ट बिग्रेडका कमान्डर सुनिल किमबहादुर थापा मारिएका छन्। उक्त आक्रमणमापरि वटालियन सहकमान्डर निर्ममपनि मारिएका छन्।बताइएअनुसार नेकपा माओवादीका अध्यक्ष प्रचन्डको सुरक्षा यहि बटालियनले नै गर्छ।
आजै नेकपा माओवादीका अध्यक्ष प्रचन्डले एक प्रेस विज्ञप्ती प्रकाशित गर्दै उक्त घटनाको पुष्टी गर्नुभएको छ।बक्तव्यमा उक्त स्थानमा जनमुक्ती सेनाले वर्तमानमा पछिल्लो चरणमा माओवादीद्धारा गरिएका निर्णयहरु लगायत राजनैतिक प्रशिक्षण लिइरहेका थिए। बांकी एट्याच्चमेन्टमा

माओवादीको केन्द्रीय बैठक सम्पन्न

Nepal Info — Mon, 28 Nov 2005 19:43:00 +0100

Maoist national convention to held soon !

काठमाडौ, मंसीर १३

नेपाल कम्युनिष्ट पार्टी (माओवादी) को हालै सम्पन्न केन्द्रीय समितिको पूर्ण बैठकका निर्णयहरु आज सार्वजनिक गरिएको छ। माओवादीका अध्यक्ष प्रचण्डले आज एक प्रेस विज्ञप्ति निकाली सामन्ती निरंकुशतन्त्रका अनेकौं षडयन्त्र र घेराहरुलाई चिर्दै केन्द्रीय समितिको पूर्ण बैठक आफ्नै अध्यक्षतामा सफलतापूर्वक सम्पन्न भएको जानकारी दिनुभएको छ।
बैठकले केन्द्रीय समितिलगायत सबै कमिटीहरु विघटन गरी महाधिवेशन आयोजक समिति समिति गठन गरेको छ। माओवादी गठन भएयता सो पार्टीको महाधिवेशन भएको थिएन। आफ्ना समग्र विचार, नीति, योजना र कार्यक्रमहरुलाई नया उचाइ प्रदान गर्दै पार्टी केन्द्रमा अभूतपूर्वक एकता कायम गरी देशमा विद्यमान राजनैतिक संकटको समाधानका लागि नया ढंगले पहल लिने तथा नया विचारअनुसार आफैलाई बदल्दै विश्व र्सवहारा वर्गको सेवा गर्ने ऐतिहासिक प्रतिबद्धताका साथ बैठक सम्पन्न भएको माओवादीले जनाएको छ।

माओवादीको केन्द्रीय समितिको आकार पनि पहिलोपटक र्सार्वजनिक गरिएको छ। त्यसअनुसार केन्द्रीय समितिमा ९५ जना रहेको जानकारी दिइएको छ। बैठकले २१ औं शताब्दीमा नया वैचारिक संश्लेषण हासिल गर्न महाधिवेशन आयोजना गर्ने निर्णय गर्दै महाधिवेशनसम्म पार्टीको समग्र नेतृत्व गर्नका लागि ३३ सदस्यीय आयोजक समिति गठन गरिएको छ। यो नामावली अध्यक्ष प्रचण्डले नै प्रस्तुत गरेका थिए।