Nepal Info

बिरोध प्रदर्शनमा मिडीया मिसन

Nepal Info — Wed, 22 Mar 2006 23:48:59 +0100

International Media Mission in Kathmandu

तस्विर: सालोक्य/ मेरो संसार
काठमाडौ ,चैत ९
बुधबार राजधानीमा भएको संचारकर्मीहरुको प्रदर्शनमा सम्मिलित अन्तराष्ट्रिय मिसनका सदस्यहरु । गत बर्षको कार्यक्रमलाई निरन्तरता दिदै यस बर्षपनि अन्तराष्ट्रिय मिसन नेपालको प्रेसको स्थिति बुझ्न नेपाल पुगेको छ। आजको काठमाडौ प्रदर्शनमा मिसनको तर्फबाट ज्याकुलिन पार्कले बोल्दै प्रेस स्वतन्त्रताको विरुद्ध सरकारले गरेको ज्यादतीको आलोचना गर्नुभयो। मिसनका केहि सदस्यहरु यतिबेला मुलुकका विभिन्न भेगमा प्रेसको स्थिति बुझ्न पुगेको छ।

करोडौंको भ्रष्टाचारपछि क्यास केबुल प्रणाली

Nepal Info — Sat, 11 Mar 2006 13:00:00 +0100

Millions of corruption in the cable system
Taranath Dahal, former FNJ president

तारानाथ दाहाल
पूर्व सभापती नेपाल पत्रकार महासंघ

विचार / विवेचना‌‌

निरंकुश सरकारले स्वतन्त्र समाचार माध्यमहरु माथिको आक्रमणको श्रूंखलामा शहरी सचेत नागरिकहरुको सूचनाको प्रमुख श्रोत मानिने टेलिभिजन माध्यमहरुलाई आम जनताको पहुँचबाट विमुख पार्ने तथा ती माध्यममाथि सरकारी नियन्त्रणलाई जवरजस्त पार्ने नयाँ षडयन्त्र अगाडि बढाएको छ। स्वतन्त्र सञ्चार माध्यमहरु लोकतन्त्रका आधारस्तम्भ हुन्। त्यसैले राजाको निरंकुशता लोकतान्त्रिक संरचनाहरु ध्वस्त पार्न उद्यत भैरहेको हो।
संचार प्रविधिमा भैरहेको द्रुततर परिवर्तनको एउटा प्रभावशाली अभ्यास हो- केबुल प्रणाली। अहिले टेलिभिजन र इन्टरनेट जस्ता सञ्चारका साधनहरु आम-उपभोक्ता माझ पुग्ने राजमार्गको रुपमा केबुल प्रणाली विकसित भएको छ। टेलिभिजन केबुलहरु नहुने हो भने आकासमा तछाड-मछाड गरी प्रवाहित भैरहेका कतिपय टेलिभिजन तरंगहरु कोठाभित्र रहेका टेलिभिजन सेटमा प्रवेश गर्न सक्दैनन। टेरेस्टेरियल प्रशारण प्रविधिका टेलिभिजनको युग प्रायः समाप्त भैसकेको छ। भू-उपग्रहीय प्रणालीद्वारा तरंगहरु प्रशारित हुने लहरले हामी कहाँ भर्खर विकसित भएका टेलिभिजन प्रशारण केन्द्रहरुलाई समेत प्रभावमा परिसकेको छ। त्यसैले देशभरीमा लगभग ४ सय केबुल प्रशारकहरुको अस्तित्व विकसित भैइसकेको छ। सञ्चार मन्त्रालयबाट स्वीकृति लिएका केबुलको संख्या ३ सय ३२ छ। गएको एक दशकमा यस प्रणालीको विकासमा १० अरब भन्दा बढी रकम लगानी भैसकेको अनुमान छ।

महिला पत्रकारलाई चरम यातना

Nepal Info — Wed, 08 Mar 2006 00:11:02 +0100

Security forces torture a women journalist

काठमाडौ, फागुन २३
माघको अन्तिम साता काठमाडौबाट राजनीतिक दलहरुको विरोध प्रदर्शन कार्यक्रमबाट पक्राउ परेकी श्रम साप्ताहिककी पत्रकार भावना प्रसाइलाई सूरक्षाकर्मीले चरम यातना दिएको जानकारीप्राप्त भएको छ।
उहालाई जबरजस्ती माओवादी सदस्य भएको स्विकार्न बाध्य पार्दै यातना दिएको भन्दै रिपोर्टर विथआउट बोडर्सले पत्रकार सत्यराम पराजुलीलाई उद्धृत गर्दै जनाएको छ। बोडर्सले आज एक प्रेस विज्ञप्ती जारी गर्दै माघ २७ गते नया बानेश्वरबाट सादा पोषाकका सूरक्षाकर्मीले पक्राउ गरी विभिन्न सूरक्षा क्याम्पहरु घुमाएर चरम यातना दिएको उल्लेख गर्दै भनेको छ सूरक्षा अधिकारीले उहालाई आंखामा पट्टी बाधे गालाम पिटे र दूवै गोडालाई बांधेका थिए। भोलीपल्ट उनलाई मैतीदेवीमा लगेर छोडेका सूरक्षाकर्मीहरुले आफूहरु उनका छिमेकी भएको र केही बिशेष छलफल गर्नुछ भनि केही पर बोलाएर लगेका थिए। त्यसप‍छि तुरुन्त उनलाई पुन कालोपट्टी बाधेर सिहदरवार व्यारेक पुर्याएका थिए। उक्त दिन उनलाई लगातार ८ घन्टा यातना दिइएको र भोलीपल्ट पुन टाउको घोप्टो पारेर यातना दिइएको र मुखबाट रगत आउन थालेपछि उनी बेहोस भएको पनि बोडर्सको विज्ञप्तीमा जनाइएको छ। उनी बेहोसभएपछि कसैले पानी दिएको भोलीपल्ट हनुमानढोका प्रहरी कार्यालय नपूर्याएसम्म खानासमेत नदिएको समेत विज्ञप्तीमा उल्लेख छ। हनुमानढोकाबाट उनलाई सोही दिन बिरामी अवस्थामै हतारमा केन्द्रिय जेल चलान गरिएको थियो । उनलाई आतंककारी तथा विध्वंशात्मक एेन अन्तर्गत थुनामा राख्ने तयारी गरिएपनि उनले सूरक्षाकर्मीको आरोपहरु निराधार भएको बताएकी छिन्। रिपोटर्स विथआउट बोडर्सले उनी निर्दोष रहेकोले तुरुन्त रिहाइ गर्न सरकारसंग माग गरेको छ। यो समाचारपनि हेर्नुहोस।

सञ्चारकर्मीहरुको लागि नेपाल सबैभन्दा ठुलो जेल

Nepal Info — Fri, 17 Feb 2006 15:18:01 +0100

Nepal, a prison for journalists
काठमाडौं,फागुन ५
प्रेस स्वतन्त्रताको पक्षमा कार्यरत अन्तराष्ट्रिय संस्था रिर्पोटर विद्आउट बोर्डरले हिरासतमा रहेका सात जना सञ्चारकर्मीलाई तत्काल रिहा गर्न नेपाल सरकारसँग माग गरेको छ ।
शान्तिपूर्ण प्रदर्शनमा सहभागी सञ्चारकर्मीलाई हिरासतमा राखेर सरकारले नेपाललाई सञ्चारकर्मीको लागि बन्दी गृहको रुपमा रुपान्तरण खोजेको उल्लेख गर्दै वोर्डरले विना र्सत पत्रकारहरुको रिहा गर्न माग गरेको हो।बिहीबार विज्ञप्ति जारी गर्दे तीन बर्षदेखी जेलमा बन्दी रहेका तेजनारायण सापकोटाको तत्काल रिहाइको माग गरिएको छ। योजना साप्ताहिकमा कार्यरत सापकोटालाई सरकारले सन् २००३ नोभेम्बरबाट हिरासतमा राखेको हो।शान्तिपूर्ण प्रदर्शनमा सहभागी हुँदा पक्राउ परी सुरक्षा नियन्त्रणमा राखिएका पत्रकार श्याम श्रेष्ठ, औजार साप्ताहिकका पत्रकार भीम र्राई, पत्रकार जेवी ...

राजाको शासनमा सञ्चारको बिजोग

Nepal Info — Sun, 12 Feb 2006 23:41:24 +0100

Media situation of the western Nepal in the king's direct rule

Bimala Pandey/INS

संचार फिचर

कार्टुन साभार: अविन डट कम

बिमला पाण्डे/स्वससे
प्यूठान
अघिल्लो १९ माघको शाही कदमले स्वतन्त्र सञ्चार क्षेत्रलाई कप्ल्याक्कै निल्न खोजेको थियो । राजाको सक्रिय साशनले सञ्चार जगतलाई निल्नै चाहिँ सकेन, तर सञ्चार जगत नराम्ररी घायल भयो । अहिले पनि प्यूठानमा सञ्चारजगतको हरिबिजोग छ । स्थिति सुध्रिएको छैन ।
१९ माघको कदमले पत्रकारितामा भर्खर पाइला टेकेको प्यूठानले अधिराज्यभरका पत्रकारहरुले भोग्नु परेको समस्या झेल्न पर्नु नौलो विषय थिएन, तर अझ बढी समस्या झेल्दा भर्खर अगाडी बढिरहेको पाइला रोकिने खतरा बढिरहृयो ।

हजारौंले हेरे पेरिसमा नेपाली प्रेस स्वतन्त्रता आन्दोलन

Nepal Info — Mon, 06 Feb 2006 22:33:51 +0100

Thousands eyed 'Nepal Press freedom week' in Paris
Nepal Info, Paris
पेरिस, माघ २४

नेपाल इन्फो फ्रान्सेली नागरिकरोबर्ट पां पेरिसमा नेपाली प्रेसबारेको बोर्ड हेर्दै । तस्विर: नेपाल इन्फो

रिपोर्टर विथआउट बोर्डरलाई त नेपालका राजाको नाम नै थाह रहेनछ ! नेपालको निरंकुश राज्यसत्ताले नेपाली प्रेसमाथि चलाइरहेको दमनका विरुद्ध पेरिसमा राखिएको सेन्सरसिप राज्यसत्ता शिर्षकको होर्डिग बोर्ड हेरेर यसै भन्दै थिए लिल शहरबाट पेरिस आइपुगेका म्याथु बेलिगं। फ्रान्सेली संचार माध्यममा नेपालमा बिकसित पछिल्ला राजनीतिक घटनाक्रमले स्थान पाउने गरेका भएपनि यहाका कतिपय फ्रान्सेलीहरु राजा विरेन्द्र नै नेपालका राजा हुन् भन्ने ठान्छन्। यस्तै लिल शहरका यि ६५ बर्षिय म्याथु बेलपनि रिपोर्टर विथआउट बोर्डरको होर्डिग बोर्डमा राजा वीरेन्द्र नलेखी राजा ज्ञानेन्द्र लेखिएकोमा आश्चर्यचकित थिए।

पेरिसका चोक चोकमा नेपाली प्रेस

Nepal Info — Fri, 27 Jan 2006 16:13:19 +0100

'Nepal press freedom week' in Paris

पेरिस, माघ १४
राजाले शासन सत्ता हत्याएको माघ १९ मा एक बर्ष पुग्दैछ। यो अवधिमा नेपाली प्रेसले पाउनुसम्म दुख पायो। नागरिकहरुले पाउनुसम्म दुख पाए। नागरिकहरुलाई अधिकारविहीन बनाउने यो कालो दिनको बिरुद्ध नेपाली पत्रकारहरुले देखाएको अदम्य शाहसलाई कदर गर्दै रिपोर्टर विथआउट बोर्डरले पेरिसमा भव्य विरोध प्रदर्शन गर्दैछ पोष्टरहरु टासेर। रिपोर्टर विथआउट बोर्डरले गर्न लागेको यो पोष्टरहरुका आकार पेरिसका फराकिला शहर र चोकहरुमा रहेका होर्डीग बोर्डहरुको साइजमा छन् । यिनै होर्डिग बोर्डहरुमा यि पोष्टरहरु एकहप्तासम्म टांसिनेछ।

राजाको कदमले प्रायोजित समाचार छाप्न बाध्य

Nepal Info — Thu, 22 Dec 2005 10:47:43 +0100

Government Imposes propoganda news

Hari Bhattarai, Independent News Service

सञ्चार फिचर

प्रजातन्त्र समाप्त पार्ने १९ माघको शाही कदमले अधिराज्यभर सञ्चार क्षेत्रमाथि बन्दुकको रजाइँ हुन थालेको थियो। समाचार र विचारको सम्पादनमा कलमको साटो बन्दुकको प्रयोग भएको थियो, पत्रकारको सट्टा समाचारमा बन्दुकधारी शाही नेपाली सेनाको प्रमुख भूमिका रहृयो। यही स्थितिबाट मुलुकको पर्यटकीय शहर पोखरा पनि अछुतो रहेन्। १९ माघपछि कास्की जिल्लाको सञ्चार क्षेत्रमा परेको प्रभावबारे स्वतन्त्र समाचार सेवाका पोखरा प्रतिनिधि हरि भट्टर्राईको रिपोर्टः

माघ १९ को शाही घोषणाबाट प्रभावित पोखराका सञ्चार माध्यमहरु र तिनमा कार्यरत विस्थापित सञ्चारकर्मीहरु सर्वोच्च अदालतको मंसिर १४ को अन्तरिम आदेशपछि पनि स्थापित हुन सकेका छैनन्। त्यसै त कम तलब तथा सेवा सुविधामा काम गर्न वाध्य पोखराका सञ्चारकर्मीहरु शाही घोषणापछि सिर्जना भएको स्थितिले झन् मर्कामा परेका छन्।
शाही घोषणा अगाडि पोखरामा पाँच वटा एफएम, चारवटा दैनिक, तीनवटा साप्ताहिक र एक पाक्षिक पत्रिकाहरु सञ्चालनमा रहेका थिए।

आँखा जुधाउने पत्रकारलाई सेनाको गोली

Nepal Info — Tue, 13 Dec 2005 18:06:30 +0100

Journalists who look at Army eyes receive bullets

संचार फिचर

सिराहा, मंसिर २८
जहाँ प्रजातन्त्र हुँदैन् त्यहाँ प्रेस स्वतन्त्रताको कुरा गर्नु नै व्यर्थ हुन्छ। प्रजातन्त्र अपहरण गर्ने १९ माघको शाही कदमपछि समग्र नेपालको स्थिति यही छ, नेपालीले अहिले 'तरबार भन्दा कलम बलियो' भन्ने लोकआख्यानलाई 'कलम भन्दा बन्दुक बलियो' भन्नु पर्ने दिन आएको छ। अहिले कलमलाई बन्दुकले नियन्त्रण गर्ने भरपुर प्रयास भईरहेको छ, तर लोकतन्त्रवादी र पेशागत समुदाय चाहिँ कलमै बलियो बनाउने आन्दोलनमा छ। जुन आन्दोलन १९ माघको कारण अनिवार्य बनेको छ। पत्रकारहरु पनि आन्दोलित छन्, उनीहरुले किन आन्दोलन गर्नुपर्‍यो भनेर १९ माघको शाही कदमपछि सञ्चार जगत्मा परेको प्रभावलाई मात्र हेरे पुग्छ। तीन जिल्ला सिरहा, सप्तरी र उदयपुरमा सञ्चारमा परेको प्रभावबारे पत्रकार रामप्रसाद भट्टर्राईले तयार पारेको रिपोर्ट

अन्यौलमा पत्रकार महासंघको आन्दोलन र पत्रकारहरु

Nepal Info — Wed, 07 Dec 2005 20:00:58 +0100

Journalists and the movement of FNJ in dilemma
Taranath Dahal, former FNJ president

तारानाथ दाहाल, पूर्व सभापती नेपाल पत्रकार महासंघ

विचार/ विवेचना
यतिबेला नेपालको स्वतन्त्र प्रेस अत्यन्तै संकटबाट गुज्रिरहेको छ। यसको स्वतन्त्र अस्तित्वमाथि राज्यले निरन्तर हमला गरिराखेको छ र प्रजातान्त्रिक कालमा सञ्चारको क्षेत्रमा हासिल भएको उपलब्धिहरूलाई संस्थागत रुपमै समाप्त गर्ने षड्यन्त्र राज्यबाट भइरहेको छ। स्वतन्त्र हुनुपर्ने सञ्चार क्षेत्र यतिखेर एकथरी प्रेस राज्यको निम्ति भाटगिरी गर्ने साधनका रुपमा परिणत हुदै गएको छ भने अर्कोथरी निर्भिक र निष्पक्ष भएर जनताको पक्षमा, सत्यको पक्षमा अगाडि बढ्न चाहेर पनि मृत्युको संघारमा छ। यसमाथि र्सवत्रबाट हमला भएको छ। आर्थिक रुपमा पनि हमला भएको छ। स्वतन्त्र प्रेसलाई साहसका साथ जनताका पक्षमा लेख्न नसक्ने गरी कानूनहरूको संशोधन गरेर त्रास सिर्जना गरिएको स्थिति विद्यमान छ। प्रत्यक्ष रुपमा राज्यले पत्रकारहरूलाई दमन गरेर, सम्पूर्ण सञ्चार साधनलाई नियन्त्रण गरेर स्वतन्त्र प्रेसमाथिको अस्तित्वलाई निस्तेज गर्ने काम गरिरहेको छ। यी सबै घटनाहरूबाट के भन्न सकिन्छ भने यतिबेलाको नेपाली प्रेस आम नेपाली नागरिकहरूको आवाजलाई निर्भिकता साथ प्रतिनिधित्व गर्न सक्ने अवस्थामा छैन । तथापि संर्घषशील एउटा जमातले नेपालको स्वतन्त्र प्रेसको अस्तित्वलाई बचाइराखेको छ।

अदालतद्धारा समाचार प्रसारण अनुमती प्रदान

Nepal Info — Wed, 30 Nov 2005 16:30:28 +0100

FM Radios can broadcast news: Supreme Court

काठमाडौं,मंसीर १५
निरंकुश सरकारले नचाहँदा नचाहँदै पनि एफएम रेडियोहरुमा समाचार प्रसारण गर्नबाट बञ्चित नगर्न आज दिउँसो सर्वोच्च अदालतले सरकारलाई अन्तरिम आदेश दिएको छ।न्यायाधीश मीन बहादुर रायमाझी र अनुपराज शर्माको संयुक्त इजलासले समाचार प्रसारण गर्ने कर्तव्य एफएम रेडियोहरुको भएको ठहर गरी मुद्दाको अन्तिम टुंगो नलागेसम्म समाचार प्रसारण गर्न रोक नलगाउन सरकारलाई आदेश दिएको हो।सरकारले गत कात्तिक २ गते एक सूचना जारी गरी समाचारमूलक कार्यक्रमको सट्टा सूचनामूलक कार्यक्रम मात्र प्रसारण गर्नका लागि सम्पूर्ण रेडियोहरुलाई आदेश दिएको थियो।
सरकारको यो सूचना कानून विपरित भएको दाबी गरी अधिवक्ता तुलसीराम निरौलाले कार्तिक ११ गते सर्वोच्च अदालतमा रिट निवेदन दायर गर्नुभएको थियो। मुद्दाको सुनुवाइ गर्दै कार्तिक २० गते न्यायाधीश हरिजंग सिजापतीको एकल इजलासले सरकारका नाममा कारण देखाउ आदेश जारी गर्दै अन्तरिम आदेश दिने कि नदिने भन्ने विषयमा छलफल गर्नका लागि आज वादी प्रतिवादी दुवै पक्षलाई बोलाएको थियो। यो मुद्दामा आज अधिवक्ताहरु सुभाष नेम्वाङ, सतिशकृष्ण खरेलले बहस गर्नुभयो। सरकार पक्षबाट उपन्यायाधिवक्ता ब्रजेश प्याकुरेलले अदालतसमक्ष आफ्नो भनाइ राख्नु भएको थियो ।
यसैगरी अदालतको निर्णयको स्वागत गर्दै रिपोटर्स विथआउट बोर्डरले ( Reporters without borders) ले एक प्रेस विज्ञप्ती प्रकाशित गरेको छ। विज्ञप्तीमा प्रेस स्वतन्त्राको रक्षा अब अदालतबाट हुनुपर्ने बताइएको छ।

सर्वोच्चको निर्णयपछि सगरमाथा सुचारु

Nepal Info — Tue, 29 Nov 2005 15:03:16 +0100

Sagarmatha FM on air following court order

काठमाडौ, मंसिर १४

सर्वोच्चको आदेश अनुसार आजबाट रेडियो सगरमाथा सुचारु भएको छ। आज अपरान्ह सवा चार बजे सर्वोच्च अदालतका न्याधिश बद्री बहादूर बस्नेतले दिनुभएको आदेश अनुसार रेडियो सगरमाथा अर्को निर्णय नभैन्जेलकालागि सुचारु हुन पाएको हो। यो आदेश जारी हुनासाथ रेडियो सगरमाथाले अपरान्ह ४.४५ बाट आफ्नो कार्यक्रम सुचारु गरेको थियो।यो आदेश अनुसार अब रेडियो सगरमाथा मंसिर २२ सम्म संचालन हुनेछ। सरकारी हस्तक्षेपका बाबजुदपनि रेडियो सगरमाथाले बिवीसी नेपाली सेवाबाट प्रसारीत सबै कार्यक्रमहरु यथावतै राख्ने निर्णय गरेको थाह भएको छ।

रेडियो सगरमाथा अदालतमा

Nepal Info — Mon, 28 Nov 2005 21:25:05 +0100

Sagarmatha FM moves to the court

अपडेट

काठमाडौ, मंसीर १३
रेडियो सगरमाथाका उपकरण कब्जा गरी अर्को आदेश नभएसम्म प्रसारण बन्द गर्ने सरकारी कदमका विरुद्ध सगरमाथा रेडियोको संस्थापक संस्था नेपाल वातावरण पत्रकार समूहले आज सर्वोच्च अदालतमा रिट निवेदन दायर गरेको छ।समूहका अध्यक्ष लक्ष्मण उप्रेतीद्वारा दायर रिटमा गैरकानूनी रुपमा कब्जामा लिइएको सामग्री फिर्ता दिन र १२ मंसिरको उपकरण जफत तथा प्रसारण बन्द गर्ने दुबै पत्र र कामकारवाही उत्प्रेषणको आदेशबाट बदर गर्न माग गरिएको छ।

सरकारद्धारा रेडियो सगरमाथा बन्द

Nepal Info — Sun, 27 Nov 2005 21:45:22 +0100

सगरमाथा क्षेत्री
काठमाडौ, मंसिर १२

Goverment closes down Radio sagarmatha
Sagarmatha kshetry

माघ १९ मा राजाले शासन सत्ता हत्याएलगत्तै समाचारमाथि सरकारीअधिपत्य जमाउन रेडियो सगरमाथामा धर्ना कसेका राइफलधारी सूरक्षाकर्मी । तस्विर साभार: आइएनएसएन ( उषा )

काठमाडौ, मंसिर १२

वार्ता र सवादको ढोका खुला रहेको राष्ट्रिय मुलधारको राजनीतिमा र्फकन सवैलाई आव्हान गर्ने बर्तमान शाही सरकारको नैतिक बल कतिसम्म स्खलन भइसकेको रहेछ भन्ने उदाहरण आइतबार बेलुका नेकपा माओवादीका अध्यक्ष प्रचण्डको अन्तरवार्ता बजाउन खोजेको आरोपमा दक्षिण एसियाकै पहिलो सामुदायिक एफ एम रेडियो सगरमाथाका आइतबार राती नै विभिन्न सामान लुट्नुका साथै प्रशारण बन्द गरेर प्रस्तुत गरेको छ।
आइतबार बेलुकाको वीवीसी नेपाली सेवाकोप्रशारणमा नेकपा माओवादीका अध्यक्ष प्रचण्डको अन्तरवार्ता आइरहेको थियो । तर रेडियो सगरमाथाले भने उक्त प्रसारणको सट्टा गीतको धुन बजाउने तयारि गरिरहेको थियो।

पत्रकारद्वारा बीरगन्ज घोषणा पत्र जारी

Nepal Info — Sat, 19 Nov 2005 21:30:57 +0100

काठमाडौ, मंसिर ४
विवादास्पद सञ्चार अध्यादेशको खारेजी र शाही सत्ताको अन्त्यका लागि सञ्चारकर्मीहरुले कलम सत्याग्रहको घोषणा गरेका छन्। नारायणी अञ्चलका सञ्चारकर्मीहरुको भेलाले शनिबार जारी गरेको सात बुँदे बीरगन्ज घोषणा पत्र-२०६२ मार्फत् यस्तो घोषणा गरिएको हो। भेलापछि जारी घोषणा पत्रमा व्यवसायक एकता र पेशागत मर्यादाको रक्षाका लागि जुनसुकै मूल्य चुकाउन सदैव तयार रहने प्रतिबद्धता व्यक्त गरिएको छ।नेपाल पत्रकार महासंघलगायत विभिन्न पेशागत संगठनसँग आबद्ध सञ्चारकर्मीको सहभागिता रहेको सो भेलाले जनताको सर्वोच्चता तथा विधिको शासन स्थापित गर्न सञ्चालित प्रत्येक अभियानका निम्ति पत्रकारहरु समर्पित रहने घोषणा गरेको छ।

सूचनामूलक कार्यक्रम पनि बन्द गर्न पत्र

Nepal Info — Thu, 17 Nov 2005 13:56:16 +0100

Local administration urges Birgunj FM to close the informative programme

काठमाडौ, मंसीर २
निरंकुश सरकारले ल्याएको सञ्चारसम्बन्धी केही नेपाल ऐन संशोधन गर्न बनेको अध्यादेशकै अपव्याख्या गर्दै रेडियो वीरगंजलाई 'सूचनामूलक' कार्यक्रम समेत बन्द गर्न स्थानीय प्रशासनले हिजो पत्र पठाएको छ।कात्तिक २९ गते नारायणी अञ्चल प्रशासक प्रजापति कोइरालाको अध्यक्षतामा बसेको अञ्चल सुरक्षा समितिको बैठकले 'वीरगंजस्थित वीरगंज रेडियो एवं एफएमले हाल पनि समाचारमूलक समाचार प्रसारण गरिरहेको पाइएकाले सञ्चार अध्यादेश अनुसार सूचनाहरुमात्र प्रसारण गर्ने व्यवस्था मिलाउन जिल्ला प्रशासन पर्सालाई निर्देशन दिने' निर्णय गरेको थियो। यही निर्णयका आधारमा सूचनाहरु मात्र प्रसारणको व्यवस्था तत्काल मिलाउन जिल्ला प्रशासन रेडियो वीरगंजलाई अनुरोध गरेको जनाएको छ ।
यसरी पत्र पठाइएकोमा ब्रोडकास्टिङ एशोसियसन अफ नेपाल, स्वतन्त्र रेडियो बचाउ आन्दोलन केन्द्रिय ...

पेरिसमा पाठकका वित्तचित्रहरु

Nepal Info — Mon, 14 Nov 2005 21:54:34 +0100

अनुराधा पोडेल
Documentaries of Pathak Come to Paris

पेरिस, कात्तिक २८
तस्विर सबै आफै

नेदरल्यान्डको आम्सटर्डममा भएको हिमालयन फिल्म फेस्टिभलमा भाग लिन यूरोप आएका कान्तिपुर टेलीभिजनका पत्रकार दिलभूषण पाठक र शिखा पाठकका तिन वित्तचित्रहरु फ्रान्सको राजधानी पेरिसमापनि आइतवार प्रदर्शन गरियो। फ्रान्समा बसोबास गर्दै आएका ददिराम सापकोटा, विनोद खकुरेल र सुकबहादूर तामागंको सहयोगमा उनीहरुका वित्तचित्रहरु राजधानी पेरिसको सगरमाथा भोजनालाय नामको

संचारऐन बहसका क्रममा अदालतमा बिबाद

Nepal Info — Tue, 01 Nov 2005 10:00:44 +0100

Lawyers dispute over new press law

काठमाडौ, कात्तिक १५

सरकारले बलपूर्वक लागू गर्न खोजेको सञ्चार सम्बन्धी केही नेपाल ऐन बारे सर्वोच्च अदालतमा हिजो बहसका साथ साथ बिबादपनि भयो। बिबादले चर्कोरुप लिन थालेपछि अधिवक्ता शंभू थापा देखि गोपाल शिवाकोटी चिन्तन र अन्य वकिलहरुले समेत न्याधिशको चित्त बुझाउन हम्मे हम्मे पर्यो।

वर्तमान अध्यादेश र कान्तिपुर एफएममाथि कारवाहीका निम्ति चालिएको कदम वदर गर्न माग गर्दै परेका रिटमाथि अन्तरिम आदेश जारी गर्नुपर्ने/नपर्ने भनी सर्वोच्च अदालतमा चलिरहेको सुनुवाईको दोस्रो दिन हिजो अभिवक्ता गोपाल सिवाकोटी 'चिन्तन'ले वहस गरिरहँदा यस्तो विवाद शुरु भएको हो। विशेष इजलासमा रहेका न्यायाधीश केदार प्रसाद गिरीले वहस लामो भएको भन्दै आपत्ति गरेका थिए। वकिलहरुको लामो र तर्कपूर्ण बहस सुनिरहेका प्रधानन्याधिश स्वंयले वकिलहरुलाई बहस छोटो गर्न दवाव दिए। न्यायधीश केदारप्रसाद गिरी अन्तरिम आदेश जारी गर्नु पर्ने या नपर्ने विषयमा चलिरहेको छलफलमा लामो वहस नगर्न भन्दै आफ्नो बेञ्चबाट जुरुक्क उठेका थिए।

सोह्र सञ्चारकर्मी पक्राउ

Nepal Info — Sat, 29 Oct 2005 21:44:22 +0200

Sixteen journalist arrested

तस्विर: बिबीसी

काठमाडौ, कार्तिक १२

प्रेस चौतारी नेपालको आयोजनामा शनिबार रत्नपार्कमा सञ्चारसम्बन्धी कालो अध्यादेश जलाउन भेला भएका १६ जना सञ्चारकर्मीहरुलाई प्रहरीले गिरफ्तार गरेको छ । गिरफ्तार पत्रकारहरुलाई रातिसम्म महेन्द्र पुलिस क्लबमा थुनिएको थियो।
दिउसो ३ बजे रत्नपार्कमा अध्यादेश जलाइसकेपछि प्रहरीले पत्रकारहरुलाई पक्राउ गरेको हो। पक्राउ पर्नेहरुमा प्रेस चौतारी नेपालका केन्द्रीय अध्यक्ष बालकृष्ण चापागाई, उपाध्यक्ष भरत पोख्रेल, सचिव गगन विष्ट, सदस्य

कान्तिपुर एफएमप्रति एक्यवद्धता जारी

Nepal Info — Thu, 27 Oct 2005 19:47:21 +0200

A huge mass of civil society, democratic leaders and media persons protect Kantupur FM

सर्वोच्च अदालतले कान्तिपुर एफ एममाथि कुनैपनि प्रकारको कार्वाही नगर्नु नगराउनु भन्ने आदेश दिएपनि कान्तिपुर एफ एमको कार्यालयलाई आज फेरि सूरक्षाकर्मीहरुले घेराउ गरेका थिए। कान्तिपुर एफएमको इजाजतपत्र रद्द गर्ने सरकारी चेतावनी विरुद्ध बिहीबार बिहान एफएमको कार्यलय पुल्चौकमा सञ्चारकर्मीहरु, नागरिक समाज, मानव अधिकारकर्मी, र्सवसाधारण र राजनैतिक दलका शिरस्थ नेताहरुले धर्ना दिएका थिए। कार्यक्रममा नेपालीकांग्रेसका सभापति गिरिजाप्रसाद कोइरालासमेत पार्टीको बैठक स्थगित गरी केन्द्रीय नेताहरुसगै आउनु भएको

कोफी अन्नानद्धारा पत्रकारहरुलाई समर्थन

Nepal Info — Thu, 27 Oct 2005 19:41:35 +0200

काठमाण्डौ, कात्तिक १०

UN General Secretary Annan expresses solidarity to Nepali Journalists

संयुक्त राष्ट्र संघका महासचिव कोफी अन्नानले हालै नेपाल सरकारद्वारा जारी सञ्चार अध्यादेशको बैधानिकता र अन्तरराष्ट्रिय मानवीय कानूनको मापदण्डअनुरुप भए नभएको बारे सचेततापूर्वक हेरिरहेको बताउनु भएको छ।महासचिवले नेपाल पत्रकार महासंघका सभापति विष्णु निष्ठुरीका नाममा लेख्नुभएको पत्रमा सो कुरा बताउनुभएको हो।

अन्नानका तर्फबाट उहाका क्याविनेट प्रमुखद्वारा लिखित सो पत्र राष्ट्र संघका आवासीय प्रतिनिधि माथ्यु कहानेले विहीबार एक कार्यक्रममार्फत निष्ठुरीलाई बुझाउनुभयो। पत्रमा प्रजातन्त्र संकटमा परेको समय नेपाली सञ्चार जगतले खेलेको भूमिकाप्रति अन्नान जानकार रहेको उल्लेख छ। पत्रकार महासंघले प्रजातन्त्र र प्रेस स्वतन्त्रता हनन भएको सम्बन्धमा डेढ महिना अघि महासचिव अन्नानलाई लेखेको पत्रको जवाफमा सो पत्र प्राप्त भएको हो। राष्ट्रसंघीय मानवअधिकार उच्चायोगको कार्यालयले नेपालमा भएको प्रेस स्वतन्त्रता उल्लंघनबारे अनुगमन गरिरहेको पनि अन्नानको पत्रमा उल्लेख छ।

कान्तिपुर एफएमको अनुमति खारेज गरिने

Nepal Info — Wed, 26 Oct 2005 19:39:54 +0200

Government to cancel Kantipur FM's license !

अपडेट

काठमाडौ , कात्तिक १०
सर्वोच्च अदालतले सरकारलाई आइतवार सम्म कान्तिपुर एफएम माथि कुनैपनि प्रकारको कार्वाही नगर्न आज एक आदेश दिएको छ। प्रधान न्यायाधीश दिलिपकुमार पौडेल र न्ययाधीशद्वय शारदा श्रेष्ठ तथा तपबहादुर मगरको विशेष इजलासले अन्तरिम आदेश जारी गरेको हो । यसबाट कान्तिपुर एफएमलाई अलिकति भएपनि राहत मिलेको छ। संचार सम्वन्धि केही नेपाल एेन अध्यादेश मार्फत आउनुअघि भने सर्वोच्च अदालतले एफ एमहरुले समाचार प्रसारण गर्न सक्ने गरी फैसला गरेको

कान्तिपुरमाथि आक्रमणको घोर निन्दा

Nepal Info — Wed, 26 Oct 2005 15:35:37 +0200
Immediate return of all of Kantipur FM equipments urged
फ्रान्स, कात्तिक ८

कान्तिपुर एफ एममाथि सरकारद्धारा गरिएको लुटपाटको भर्त्सना गर्दै रिपोटर्स विदआउट बोडर्स (आरएसएफ) र अमेरिकामा रहेको नेपाली पत्रकारहरु ले लुटिएका सामाग्री तुरुन्त फिर्तागरि प्रेस स्वतन्त्रताको रक्षा गर्न सरकारसंग माग गरेको छ।

हिजो एक प्रेस बिज्ञप्ति सार्वजनिक गर्दै बिश्वभरी प्रेस स्वतन्त्रताको निगरानी गर्ने यो संस्थाले भनेको छ कान्तिपुर एफ एम माथिको आक्रमण सरकारको आलोचना गर्ने सम्पूर्ण एफ एम रेडियोहरुको   शिरच्छेदन गर्ने र सरकारी बन्धक बनाउने षडयन्त्र हो।यसविरुद्ध सामुदायिक रेडियोहरुले प्रेस स्वतन्त्रताकालागि गरेको आन्दोलनमा आरएसएफका तर्फबाट पूर्ण समर्थन र सहयोग रहेकोपनि जनाएको छ।

यसैगरी अमेरिकामा बसोबास गर्दै आएका नेपाली पत्रकारहरुलेपनि आज एक प्रेस बिज्ञप्ति जारी गर्दै अहिलेको प्रेस कानुन देशलाई २०४६ साल पू‍र्वको स्थितिमा पुर्याउन ल्याइएको सुनियोजित षडयन्त्र भएको बताएकाछन्। कान्तिपुर एफमाथि भएको आक्रमणलाई सत्तापक्षको घोर अप्रजातान्त्रिक आक्रमण भन्दै नेपालमा भैरहेको प्रेस स्वतन्त्राको आन्दोलनमा आफ्नो पूर्ण समर्थन रहेको जनाएका छन्।

प्रेस बिज्ञप्तिहरु एट्याच्मेन्ट फाइलमा जस्ताको तस्तै।

कान्तिपुरको पूर्वान्चल प्रसारण बन्द

Nepal Info — Sat, 22 Oct 2005 01:51:12 +0200
Kantipur FM equipments looted by government


काठमाण्डौ, कार्तिक ५
दिनभर प्रहरीले घेराबन्दी गरेपछि गएराति सवा ११ बजे दर्जनौं प्रहरी जबर्जस्ती आएर कान्तिपुर एफएमको कार्यालयमा प्रवेश गरी पूर्वाञ्चल प्रसारणमा प्रयोग हुने सामान लगेका छन्। यसरी कान्तिपुर एफएमको प्रसारण पूर्वाञ्चलमा बन्द भएको छ। काठमाडौंमा भने प्रसारण यथावत छ। आज दिउसो राजा ज्ञानेन्द्रको निरंकुश शाही सरकारले ललितपुरको पुल्चौकस्थित कान्तिपुर एफ.एम.को कार्यालयमा शुक्रबार पुलिस पठाएर घेराबन्दी गरेको थियो। कथित सञ्चार नियन्त्रण अध्यादेशको आड लिएर गरिएको सो कुकृत्यको प्रहरी घेरावन्दी बिरुद्ध तत्कालै मानव अधिकारवादीहरु, पत्रकार महासंघ, बार एशोसिएसन र राजनैतिक दलहरुले निन्दा गरेका थिए ।

एफ.एम. व्यवस्थापनका अनुसार शुक्रबार दिउसो ३ बजेपछि सञ्चारमन्त्री टंक ढकालको निर्देशनमा सञ्चार मन्त्रालयका ३ जना अधिकृतसहितको टोली कार्यालयमा प्रवेश गरेको थियो। 'प्राविधिक निरीक्षणका लागि'

कालो अध्यादेशविरुद्ध संपादकहरु

Nepal Info — Thu, 20 Oct 2005 16:25:18 +0200
Editors to fight the black press ordinance jointly
काठमाडौ, कार्तिक ३
आज देशका प्रमुख साप्ताहिक-पाक्षिक लगायतका पत्रिकाका सम्पादक-प्रकाशकहरुको भेलाले २०६२ असोज २३ गते षड्यन्त्रपूर्वक जारी गरिएको प्रेस स्वतन्त्रता विरोधी कथित संचार सम्बन्धी केही नेपाल ऐन संशोधन अध्यादेशप्रति तीब्र विरोध र आपत्ती प्रकट गर्दै उक्त कालो अध्यादेश अविलम्व खारेज गर्न माग गरेको छ ।

   भेलाले यस अध्यादेश विरुद्ध साप्ताहिक पाक्षिक पत्रिकाहरुको संयुक्त प्रतिवाद र संर्घषलाई व्यवस्थित रुपमा अघि बढाउन देशान्तर साप्ताहिकका कविर राणाको संयोजकत्वमा सूर्य थापा (बुधबार), गोपाल वुढाथोकी (साँघु), केशव खनाल (छलफल), दामोदरप्रसाद दवाडी (नयाँ विकल्प), परशु घिमिरे (तरुण), जयप्रकाश त्रिपाठी (घटना र विचार), तेजप्रकाश पण्डित (नव युगवाणी), शम्भु ...

माओवादीद्धारा पत्रकारलाई चेतावनी

Nepal Info — Wed, 19 Oct 2005 17:41:17 +0200

Maoists' threatening letter to Journalist Neupane to quit job

काठमाडौ, कात्तिक २

पत्र आफै बोल्छ:
माओवादी जिल्ला कमिटी दैलेख सदस्य लक्षीरामले नेपाल समाचारपत्र दैनिकका संवाददाता कमल न्यौपानेलाई पत्रकारिता पेसा छोड्न आग्रह गर्दै असोज ३० गते लेखेको पत्र। पत्रमा उनलाई 'फाँसिवादी राज्यसत्ता' लाई सघाएको आरोप लगाइएको छ । गत वर्ष माओवादीद्धारा मारिएका पत्रकार डेकेन्द्र थापासँगै माओवादीले उनलाईपनि कब्जामा लिई दुई साता बन्दी बनाएका थिए। उनले माओवादी आरोप झूटो भएको बताएका छन् । उता सूरक्षा फौजले भने उनलाई माओवादीसंग सांठगांठ गरिरहेको आरोप लगाउंदैआएको छ।

मन्डले पत्रकारहरु कालो कानुनको पक्षमा

Nepal Info — Mon, 17 Oct 2005 21:25:21 +0200
Some so called senior journalists support the black press ordinance
काठमाडौ , असोज ३१

निरंकुश राजाले अध्यादेशद्धारा ल्याएको नयां प्रेस कानुनको नेपाल पत्रकार महासंघ लगायत अधिकांश स्वदेशी तथा विदेशी संघसंस्थाहरुले तिब्र विरोध गरिरहेकै बेला आफूलाई बरिष्ठ भनाउने केहि मन्डले पत्रकारहरुले भने उक्त कानुनको समर्थन गरेका छन्।

आइतवार राजधानीमा संचार समूह नेपालद्धारा आयोजित कार्यक्रममा मन्डले पत्रकारहरु पि खरेल ,हरी लम्साल, गोरखापत्रका सम्पादक विजय चालिसे, श्रीषसमशेर जवरा लगायत नेपाल समाचारपत्रका प्रधान सम्पादक पुष्कारलाल श्रेष्ठले समेत उक्त

माओवादीको छुट्टै पत्रकार संघ

Nepal Info — Sun, 16 Oct 2005 19:59:54 +0200

Maoists open their own Journalist Association

काठमाडौ , असोज ३०
नेपाल पत्रकार महासंघको छाताभित्र अटाउन नसकेपछि नेकपा माओवादी समर्थक पत्रकारहरुले छुट्टै महासंघ खोलेको रहस्य सार्वजनिक भएको छ।यसअघि राजाको कदमलाई समर्थन गर्ने पि खरेल र हरी

कानुनी राज्यको पुरै उपहास

Nepal Info — Thu, 13 Oct 2005 07:43:50 +0200
Media censorship: evidence of the complete absence of rule of law

काठमाडौ ,असोज २७

सरकारद्धारा केहिदिन अगाडी ल्याइएको प्रेस कानुनले प्रजातन्का राष्ट्रिय तथा अन्तराष्ट्रिय प्रावधानहरुको पुरै हनन भएको भन्दै यसका बिरुद्ध आन्दोलन उठाउन आब्हान गरिएको छ। "यसले नागरिक अधिकार र राजनीतिक हक, प्रेस अभिव्यक्ति स्वतन्त्रता र प्रजातन्त्रका राष्ट्रिय तथा अन्तराष्ट्रिय मान्यताको उल्लघंन गरेको छ।" तानाशाही राज्यद्धारा जारी अस्विकार्य प्रेस कानुन शिर्षकमा एक प्रेस बिज्ञप्ती प्रकाशित गर्दै डिफेन्ड ह्युमन राइट मुभमेन्ट नेपालले भनेको छ -"यो अध्यादेशले केवल राजाद्धारा संचालन गरिएको तानाशाही शासनको प्रवर्द्धन गर्छ र सूचना माथिको अंकुशले तिनीहरुका कामकार्वाहीहरुको ढाकछोप हुन्छ।"

अन्तरराष्ट्रिय जगत समक्ष सैनिक सहायता रोक्का गर्नुका साथै सरकारलाई ...