Nepal Info :: Monarchy

नेपाली पत्रपत्रिकाहरु

नेपाली व्लग तथा वेभसाइटहरु

Main Page » Monarchy

« Previous 10 articles | Next 10 articles »

Wednesday, November 30

नेपालका राजा वीरेन्द्र !

by Nepal Info on Wed 30 Nov 2005 08:49 AM PST

Is Nepal's king Birendra ?

फ्रान्स, मंसिर १५
फरियाको साइनोपनि नभएका अफ्रिकी मुलुकहरुको भ्रमणमा निस्केका राजा ज्ञानेन्द्रको टोली यतिबेला इजिप्टको कायरो पुगेको छ। कतै वातावरणमन्त्री, कतै अर्थमन्त्रीको स्वागतमा मख्ख नेपाली राजा अस्ती सोमबार सम्म बुरुन्डीमा थिए। बुरुन्डीमा पत्रकारलाई हाम्रा राजाले त्यहाका मिडीया पर्सनहरुसंग नेपाल संधै शान्तिको पक्षमा भएको बताए रे। बुरुन्डीमा पुग्नु अघिल्लो दिन राजा तान्जानियामा थिए र त्यहाका अर्थमन्त्री संग हात फर्काइ फर्काइ रात्री भोजमा गफ चुटीरहेका थिए । यता भने उनका कर्मचारीहरुले रेडियो सगरमाथा बन्द गराउदै रेडियोका सामाग्रीहरु लुटेर लगेका थिए। अघिल्लोदिन राती रेडियो सगरमाथामा राज्य आतंक मच्चाएर मुलुकको शान्ती भत्काएका राजाले भोलीपल्ट बुरुन्डीमा नेपाल शान्तिको पक्षमा रहेकोभनि सरासर झुट कुरा बोले। नेपाली राजाको शान्तिप्रिय भाषणलाई बुरुन्डीका पत्रकारहरुले खुव मनपराएको हुनपर्छ भनेर बुरुन्डीको दैनिक पत्रिका 'बुरुन्डी दैनिक' (जो फ्रेन्च भाषामा निस्कन्छ) हेरेको त त्यहा राजाको नाम नै गलत पो रहेछ। राजाको नाम वीरेन्द्र रे अनि बुरुन्डी पुग्नुको उदेश्य शान्ति सेनामा कार्यरत नेपाली सिपाहीहरु भेट्नु रे। बुरुन्डीका राष्ट्रपति अघिल्लोदिन हल्यान्डका राजदूतलाई स्वागत गर्न विमानस्थल पुगेछन् तर हाम्रा राजालाई स्वागत गर्न भने द्धितीय उप राष्ट्रपति आलिस न्जोमुकुन्दा पुगिछन्। तपाइहरुपनि हेर्नसक्नुहुन्छ एट्याच्चमेन्टमा । या यहां क्लिक गरेर Diplomatie मा गएर le 28 Novembre 2005 को VISITE DU ROI DU NEPAL A BUJUMBURA शीर्षकको समाचार हेर्नसक्नुहुन्छ।

1 Attachments

Leave Comment | Permanent Link | Cosmos

Monday, November 28

नाराणहिटीभित्र 'आतंककारी'

by Nepal Info on Mon 28 Nov 2005 10:02 AM PST

'Terrorist at Royal Palace'

काठमाडौं, मंसीर १३
मानवअधिकारकर्मी कृष्ण पहाडीले नारायणहिटी राजदरबारभित्र बस्ने आतंकबादीले रेडियोमाथि हमला गरेको बताउनु भएको छ। सरकारले रेडियो सगरमाथामाथि आक्रमण गरी प्रसारण बन्द गरेको बिरोधमा नेपाल पत्रकार महासंघको आह्वानमा आयोजित विरोध र्‍यालीपछि आयोजित सभामा उहाले भन्नुभयो -'सरकारले रेडियो सगरमाथालाई आतंकको आरोप लगाउँदै प्रसारण बन्द गराए पनि नेपालमा कहिल्यै शान्ति नचाहने आतंकबादी नारायणहिटीको चार दिबारभित्र बसेको छ।' आतंकवादीहरु मानवअधिकार, स्वतन्त्र प्रेस, एफएमको समाचारदेखि डराउने गरेको उल्लेख गर्दै नेपालमा राज्यसत्ताले रेडियो सगरमाथामाथि आक्रमण गरेर त्यसलाई थप पुष्टि गरेको उहाले बताउनुभयो।

पहाडीले बिरामी मरेपछि औषधि काम नलाग्ने उल्लेख गर्दै सर्वोच्च अदालतले बिरामी मानवअधिकार र प्रेस स्वतन्त्रता वहाली गर्न सहयोगको गर्नुपर्ने बताउनुभयो। 'शाही सरकार मर्ने बेलामा कमिलाको प्वाँख पलाएको अवस्थामा छ' उहाले थप्नुभयो। स्वतन्त्रताका पक्षधरले ज्यानको पर्वाह नगर्ने भएकाले २५ मंसिरमा मानवअधिकार दिवसको अवसर पारेर रत्नपार्कमा 'आतंककारी बिरुद्ध' कार्यक्रम गरिने जानकारी पहाडीले दिनुभयो। उहाले पटक पटक राजालाई इंगित गर्दै आतंककारी भनेर लल्कार्नुभएको थियो।

पत्रकार महासंघका सभापति बिष्णु निष्ठुरीले प्रेस स्वतन्त्रतामाथि आक्रमण गर्नेको हात झर्ने भविष्यवाणी गर्दै प्रेसमाथि थप आक्रमण नगर्न शाही सरकारलाई चुनौती दिनुभयो। 'शाही सरकार भीरतिरको यात्रामा रहेको' दाबी पनि उहाले गर्नुभयो। more »

Leave Comment | Trackbacks (3) | Permanent Link | Cosmos

Monday, November 14

दरबारको आडमा वन फडानी

by Nepal Info on Mon 14 Nov 2005 08:15 AM PST

Forest being cut down with the support of Royal Palace

काठमाडौ ,कार्तिक २८
कुटी निर्माण गर्ने निहुँमा शिवपुरी निकुञ्जको तीनचुले क्षेत्रमा व्यापक वन फडानी भएको घट्नामाथि अनुसन्धान सुरु भएको छ।
निकुञ्ज सम्बद्ध एक उच्च अधिकृतका अनुसार, निकुञ्जले अहिले स्वामी चन्द्रेशलगायतसँग बयान लिने काम गरिरहेको छ। कुटी निर्माणका नाममा आठ सयभन्दा बढी रुख काटिएको जानकारी पाएर वन्यजन्तु तथा निकुञ्ज विभागले अनुसन्धानका लागि निर्देशन दिएपछि छानवीन थालिएको हो।बुढानीलकण्ठ आश्रमले निकुञ्जसँग राष्ट्रिय निकुञ्ज ऐन र नियमावलीको परिधिमा रहने गरी कुटी निर्माण गर्ने सम्झौता गरेको थियो । तर, भएको सम्झौता र कानून विपरित वन फडानी गरेको पाइएको छ। अनुसन्धान सुरु भएपछि अभियुक्तहरुलाई कुनै कारवाही गर्न नारायणहिटी राजदरबारले समेत दवाव दिइरहेको बुझिएको छ। 'तर, जो भए पनि हामी कानून मिच्नेलाई कसरी उन्मुक्ति दिन सक्छौ र !' वन मन्त्रालयका एक उच्च अधिकृतले भने।

Leave Comment | Trackbacks (189) | Permanent Link | Cosmos

Sunday, November 13

राजकुमारीको बोसो बढ्दा

by Nepal Info on Sun 13 Nov 2005 04:13 AM PST

काठमाडौ

भएको बोसोले जीउ भारी भयो भन्ने पिरलोमा विदेश धाएर पातलिन खोज्दा पनि बोसोमाथि बोसो थपिंदै जान थालेपछि कसको मन भरङ्ग नहोला? तपाईहरुलाई लाग्दो हो टन्न रक्सी र मासु खायो भने यसरी बोसो बढ्दछ। तर, राजकुमारी प्रेरणाको भने यतिखेर पानीमात्रै खादा पनि बोसो बढेको बढ्यै छ।
यसरी बोसो बढ्ने समस्याले सताइएकी अधिराजकुमारी प्रेरणा सिंहको यसरी बोसो बढ्दै जानथालेपछि राजा र रानी स्वंलाई चिन्ता पर्ने गरेको छ। राजारानीकी एकमात्र छोरी प्रेरणा यतिखेर बोसोको समस्याले गर्दा भात कचौरामा एक छाकमात्र खान थालेकी छन्। राजकुमारी प्रेरणालाई बोसोसम्बन्धी समस्या देखापरेको यो पहिलो घटना भने होइन। नेपालको संचार क्षेत्र कब्जा गर्ने र नेपाल दूरसंचार संस्थालाई टाट पल्टाउने उदेश्यमा लिप्ता राजबहादुर सिंहसग विबाह हुनुअघि बैंककमा लगेर उनको पाठेघरबाट ९ किलोको ट्युमर र बेलायतमा पनि पेटबाट त्यति नै मात्रामा बोसो निकालिएको थियो। अहिले फलफूल तथा सूपमात्रै ज्युनार गर्दा पनि समस्या सुल्झिनुको साटो झन्झन् बढेपछि उनले एक हप्ता अघिसम्मपनि चश्मा लगाउने दुब्लोदुब्लो मानिससग नियमित योगाभ्याससमेत सिकेकी थिइन्। तर, योगाभ्यास प्रभावकारी नभएको भन्दै कही दिनअघि ती योग गुरुलाई दक्षिणा दिएर बिदा गरिएको छ। गुरुको योगभ्यासेपनि प्रभावकारी नभएपछि प्रेरणाले बोसो घटाउने अन्य उपायहरु खोजीरहेको थाह हुन आएको छ।

Leave Comment | Trackbacks (20) | Permanent Link | Cosmos

Friday, November 11

महाराजकै अगाडि दुइ निन्द्रा

by Nepal Info on Fri 11 Nov 2005 07:49 AM PST

Vice-chairman Bista takes siesta at the king's meeting

काठमाण्डौ, कात्तिक २५
आफूलाई राम्रो साथ देलान् भनेर राजाद्वारा मन्त्रिपरिषद्को उपाध्यक्ष बनाइएका ८४ वर्षीय कीर्तिनिधि बिष्टलाई यतिखेर निदाउने रोग लागेको छ। तपाईहरु आफै अनुमान गर्नुहोस् न, महत्वपूर्ण राष्ट्रिय सरोकारका विषयमा छलफल भइरहेका बेला यस्तो रोग लागेको मान्छेको भूमिका के होला ? बिष्टलाई लागेको यो रोगका कारण मन्त्रिपरिषद्का अध्यक्षलाईसमेत रुलिङ्ग गर्न सकस परेको छ।
गत बुधबार क्याबिनेटको नियमित बैठकमा श्री ५ को तीन साताव्यापी बंगलादेश, अरब र अफ्रिकन राष्ट्रहरुको भ्रमणसम्बन्धी सेड्युलबारे छलफल भइरहेको थियो। ठीक त्यसैबेला अध्यक्ष श्री ५ ज्ञानेन्द्रको दृष्टि उपाध्यक्ष बिष्टतिर पर्यो। तर वयोवृद्ध बिष्ट घ्वार-घ्वार गर्दै घुरिरहनुभएको थियो। मन्त्रीपरिषदकै सदस्यहरुका अनुसार उहा more »

Leave Comment | Trackbacks (1) | Permanent Link | Cosmos

Tuesday, November 8

पश्चिममा भिषण दमनको तयारी

by Nepal Info on Mon 07 Nov 2005 11:51 PM PST

Government prepares a massive military operation in the west

काठमाडौ, कात्तिक २२
युद्धविरामको मौका छोपेर राजाले मध्य र सुदुर पश्चिममा भिषण अप्रेशनको तयारी गरेका छन्। त्यसकालागि उक्त क्षेत्रमा सुरक्षा अधिकारीहरुलाई ठूलो संख्यामा तैनाथ गरिरहेको थाह भएको छ। अप्रेशन तयारीकोलागि देशभरीका मेजरहरुलाई सैनिक मुख्यालयमा बोलाएर अस्ती आइतवारदेखि छलफल भइरहेको छ।माओवादी र राजनीतिक दलहरुको वार्ता र आन्दोलनकोलागि एकताको संभावना बारे खोजी भैरहकाबेला राजाले यो अप्रेशन गर्ने तयारी गर्नुले राज्य भिषण दमनमा उत्रन खोजीरहेको प्रष्ट भएकोछ।

Leave Comment | Trackbacks (4) | Permanent Link | Cosmos

Saturday, November 5

युवराजलाई चाहिँ नियम नलाग्ने?

by Nepal Info on Sat 05 Nov 2005 02:14 PM PST

Prince on the road without number plated Bike

Nepal Info special

काठमाडौ, कात्तिक १९

यो फोटोलाई ध्यान दिएर हेर्नुस्। बाइक हार्ली डेभिडसनको हो। महँगो बाइक। हेर्दा त्यति राम्रो देखिँदैन तर निकै महँगो भएकोले थोरै मात्र भित्रिएको छ नेपालमा यस्तो मोटरसाइकल। फेरि फोटो हेर्नुस्। यो कुनै शो रुमको फोटो हैन। सडकमा निस्कन तयार मोटरसाइकल हो। अब मोटरसाइकललाई पनि एकचोटी ध्यान दिएर हेर्नुस्- त्यहाँ नम्बर देख्नुभयो त तपाईँले ? अगाडि त छैन-छैन, पछाडि पनि नम्बर प्लेट छैन यो मोटरसाइकल। यो मोटरसाइकल एक्सिडेण्ट गर्यो भने के गर्ने नि ? चुपचाप लागेर बस्ने १ आखिर संगीतकार प्रवीण गुरुङ किचिएर मारिँदा पनि सबै चुपचाप बस्न बाध्य भएका थिए। प्रवीण गुरुङलाई किच्दा त उनी अधिराजकुमार मात्रै थिए। अहिले यो मोटरसाइकल चढ्नेको हैसियत त युवराजधिराज भइसक्यो। युवराजलाई नियम नलाग्ने रहेछ। जे गरे नि हुने रहेछ। यो फोटो भने काठमाडौंको दशरथ रंगशालमा भएको एउटा रक कन्सर्टको क्रममा खिचिएको हो। कन्सर्ट सकाएर युवराज फिर्ती सवारी हुँदै थिए नम्वर प्लेट नभएको आफ्नो भडभडे मोटरसाइकल चढेर।

Comments (1) | Trackbacks (17) | Permanent Link | Cosmos

Thursday, November 3

राजा रानीसमेत जुवामा मस्त

by Nepal Info on Thu 03 Nov 2005 09:59 AM PST

King and queen in the gambling

काठमाडौ ,कात्तिक १७

देशमा संकट छ गरिवी छ भोक त्रास र भय छ। जनता रातदिन तड्पेका छन्।मुलुकको राजनीतिक अबस्था झन झन संकटतर्फ धकेलिदै गएको छ । तर राज्यका हर्ताकर्ता राजा ज्ञानेन्द्र भने तिहारको निउ पारेर अहिले सांझ राजदरबारभित्रको भव्य जुवाको खालमा बसिरहेको समाचार प्राप्त भएको छ। थुप्रै रकम बाजी मारेर संचालित भैरहेको यो खालमा रानी कोमलका साथ राजपरिवारका अन्य सदस्यहरु तथा उनीहरुका अन्तरंग मित्रहरु सहभागी भैरहेका छन्। दशैं देखिनै महाराजगन्जस्थित निर्मल निवास जुवाघरमा परिणत भैसकेको समाचार यसअघिनै प्रकाशमा आइसकेको छ। यतिबेलाको जुवाको खाल भने नारायणहिटी दरबारमा चलिरहेको छ।

आजै सुरक्षा निकायहरुलाई माओवादीहरुले कुनैपनिबेला युद्धविराम भंग गर्न सक्ने भएकोले उच्च शतर्कतामा रहनु भन्ने निर्देशन राजाले दिएका थिए। नेकपा एमालेका नेता वामदेव गौतमले रोल्पा भ्रमण गरी माओवादीसंग सहकार्यबारे छलफलगरि फर्किनासाथ गौतमले दिएका अभिव्यक्तिबाट दरवार अघिल्लोहप्ता देखिनै दरवार केहि झस्केको हो। माओवादीले युद्धविराम गरेपछि सरकारलेपनि युद्धविराम गर्नुको सट्टा सरकारका तर्फबाट हत्या ,हिसा, सुराकी ,निगरानी र खोजतलास गर्ने कार्यलाई तिव्र पारेकोले कुनैपनि बेला माओवादीले युद्धविराम भंग गर्ने सक्ने संभावना रहेको गौतमले बताउनुभएको थियो। मुलुकको अबस्था यस्तो त्रासमय रहेको अबस्थामा दरवारीयाहरुभने राज्यको ढुकुटी रित्याएर मनोरन्जन गर्ने काममा लागेका छन्।

Leave Comment | Trackbacks (6) | Permanent Link | Cosmos

This Month

Month Archive

January 2006
December 2005
November 2005
October 2005
September 2005

Year Archive

2006
2005

Syndicate this category