Nepal Info

उनी को थिइन मैले चिनिन

Nepal Info — Wed, 29 Mar 2006 00:36:44 +0200

Photo feature of Paris Protest
Text and photos by Anuradha Poudel

तस्विर र आलेख सबै अनुराधा पौडेल

पारसको भ्रमण अर्थहिन । एक साता भन्दा बढी कर्मचारीलाई दिन ठीक्क पारेको ६ करोड रुपैया बोकेर झन्डै आधा महिना मुलुकबाहिर बिताउने पारसको भ्रमण के उदेश्यले महत्वपूर्ण भयो ? थप तस्विरहरु यहा क्लिग गरेरपनि हेर्न सक्नुहुन्छ भने यहा नभएका तस्विरहरु भित्र हेर्न सक्नुहुन्छ।

पेरिस चैत १६
पेरिसमा पारस विरुद्ध प्रदर्शन भएकोपनि तीन दिन वितिसकेछ। व्लगमा हुन्छ नि तस्विरहरु राख्दै गरौला भन्दा भन्दै फुर्सद नमिलेर मैले आज ढीलो गरि केही तस्विरहरु राखेको छु। बरु अरु मिडीयाका साथिहरुले पाएजति समाचार र तस्विरहरु दिइसक्नुभो जसले गर्दा अव बाकी के नै रह्यो र जस्तो लाग्यो । तर फेरि क्यामेरा हेर्दै जादा केहि नया तस्विरहरु फेला पारेकोले आज प्रकाशित गरेको छु। बाकी तस्विरहरु भित्र

कालो झन्डा देखाउदाका दृष्यहरु

Nepal Info — Mon, 27 Mar 2006 10:46:30 +0200

आलेख र तस्विरहरु अनुराधा पौडेल
Text and photos by Anuradha Poudel

हाम्रा राजाबाट भाषण गर्दा सधै पशुपतिनाथले रक्षा गरुन् भन्ने बाक्य प्रयोग गरिन्छ। पशुपतिनाथको अर्थ पशुकापति। त्यसैले हिजोपनि राजाको उक्त बाक्यलाई शिरोधार्य गर्दै पशुकापति बनाइयो । पशुकापतिले नै राजा र राजपरिवारका सदस्यको रक्षा गर्छन् र पशुपतीलाई राजपरिवारले खुव माया गर्छ भन्ने कुरा त राजा रानी नै पशुपतिनाथका हर्ताकर्ता भएबाट पुष्टि हुन्छ।

पेरिस, चैत १४
गत माघ १९ गते नेपालको निरंकुश राजसत्ताका बिरुद्ध संसारभर प्रदर्शन हुदा पेरिसमा हुन सकेन । त्यसको अर्थ पेरिसका नेपालीहरुले राजाको शासनलाई मन पराएर हो भन्ने होइन । बास्तवमा यहाका नेपालीहरु झन विद्रोही रहेछन् र निरकुश सत्ताका बिरुद्ध तिब्र आक्रोश पोख्दा रहेछन् भन्ने कुरा हिजोको प्रदर्शनले देखायो। बाकी तस्विरहरु भित्र हेर्नुहोस

पेरिसका नेपालीहरुले पारसलाई कालो झन्डा देखाए

Nepal Info — Sun, 26 Mar 2006 22:25:04 +0200

Nepal Prince enjoys black flag welcome in Paris

पेरिस चैत १३
फ्रान्सको राजधानी पेरिसमा आज नेपालीहरुले उत्साह पूर्वक पारसलाई कालो झन्डा देखाउने काम सम्पन्न गरेका छन्। पारसलाई कालो झन्डा देखाउन आज बेल्जियम र जर्मनीबाट समेत नेपालीहरु आइपुगेका थिए।
प्रदर्शनकाबेला झरीले चुट्ने भो भनि गरिएको पूर्वअनुमान विपरीत आजको मौसमले समेत नेपालीहरुलाई साथ दियो। सोचेको संख्यामा भन्दा बढी नेपालीहरु कार्यक्रममा भाग लिन आएपछि त्यहाको रौनक आज रत्नपार्कको भन्दा कम थिएन। समाचार र तस्विरहरु बिस्तृत रुपमा भोली बिहान हेर्न सकिनेछ।

पारसलाई कालो झन्डा देखाउने तयारी पुरा

Nepal Info — Sun, 26 Mar 2006 00:20:15 +0100

No autocract in the democratic country

पेरिस, चैत १२
अष्ट्रियाबाट आज मात्र पेरिस आइपुगेका यूवराज पारसलाई पेरिसबासी नेपालीहरुले कालो झन्डा देखाउने कामको पूर्ण तयारी पूरा भएको छ । कालो झन्डा देखाउने अन्तिम तयारी स्वरुप आज कालो झन्डा तयार पार्ने, कार्टुन चित्रहरु बनाउने ,व्यानर तथा पोष्टरहरु तयार पार्ने र नाराहरु लेख्ने काम पूरा भएको छ।
व्यानरहरु र पोष्टर पाम्पलेटहरु तयार पार्न आज यहाका केहि नेपालीहरुको उत्साहपूर्वक सहयोग रह्यो। फ्रान्समा सप्ताहन्तमा मात्र धेरै नेपालीहरुलाई फूर्सद हुनेभएकोले सबै तयारी आज गर्नुपरेको हो। नेपाल बारे तहल्कापूर्ण रिपोर्टिग गरिहने एक फ्रान्सेली पत्रकार भिन्सेन्ट प्राडो पोष्टर पाम्पेलिटग तयार पारेको दृष्य कैद गर्न आज नेपालीहरुसंग तिन घन्टा समय विताए । भोलीको प्रदर्शनमा उनी सहित यहाका केहि पत्रकारहरुसमेतले भाग लिनेछन्।
फ्रान्समा नेपाली प्रजातान्त्रिक ‌आन्दोलनको समर्थनमा निस्केको यो पहिलो जुलुश हो । फ्रेबुअरी एकमा संसारभर राजाको शासनको विरोध भएपनि फ्रान्समा यसको विरोध हुन सकेको थिएन । राजाको शासनको भित्र भित्र विरोध भइरहेपनि अन्तत एउटा मन्च गठन भएपछि धेरै नेपालीहरुलाई यसमार्फत विरोध जनाउन सजिलो परेको छ।
फ्रान्सको राजधानी पेरिसमा जम्मा जम्मी पाचशय नेपालीहरु बसेको अनुमान गरिन्छ । तर यि मध्ये जम्मा तिनशय नेपालीहरुमात्र संपर्कमा रहेका कारण धेरै नेपालीहरुलाई चाहेरपनि संपर्क गर्न नसक्ने अवस्था आइपरेको छ। र संपर्कमा रहेका नेपालीहरुलाईपनि दूतावासले कतिपय अवस्थामा प्रलोभन बांडेर र कतिपय अवस्थामा धम्काएर सकेसम्म विरोध कार्यक्रममा सहभागी नवन्न कोशिष गरिरहेको छ।
दूतावासको नजिक रहेका तर यहा बस्ने अनुमती नमिलीसकेका नेपालीहरुलाई दूतावासले त्यहा गइस भने तेरो पोल खोल्दिन्छु भन्दै धम्की दिएको कारण केहि नेपालीहरु भोलीको प्रदर्शनीमा सहभागी हुन नसक्ने अवस्था रहेको छ। तर ठीक यसको उल्टो नेपाल प्रेमी फ्रान्सेलीहरुको भोली उल्लेख्य सहभागिता रहेने भएको छ भने जर्मनी र बेल्जियमबाट समेत केहि नेपालीहरु यो कार्यक्रममा भाग लिन आउनेछ्न।
उता भोली सांझ युनेस्कोको केन्द्रिय कार्यालय भवनमा यूवराजलाई डिनर दिने कार्यक्रम राखिएको छ। केही नेपालीहरुको गोजी र राजदूतावासको कोषबाट खर्च व्यहोर्ने गरी दिन लागिएको उक्त भोज कार्यक्रममा सहभागी बन्न केहि भारतीय पाकिस्तानी भुटानी र अन्य मुलुकका नागरिकहरुलाई आमन्त्रण गरिएको छ। आज चलेको काइकुइ अनुसार यूवराजको उक्त भोज विरोधका कारण बन्द गरिने भन्ने हल्ला चलाइएको छ । तर भोली मात्रै के हुनेछ भन्ने थाह हुनेछ किनभने दुतावासले यूवराजको भ्रमण सम्वन्धि सारा कार्यक्रम अत्यन्त गोप्य राखेको छ।

के यूवराज दम्पत्तीको इच्छा मूर्ती हेर्ने मात्र हो ?

Nepal Info — Fri, 24 Mar 2006 09:46:54 +0100

You are interested only in the Statues? ( satire on Paras shah)

गणतन्त्र नेपालद्धारा प्रकाशित यूवराज पारसबारेको अर्को व्यग्य चित्र। अरु हेर्न मन भए यहा क्लिक गर्नुहोस।

लागू पदार्थको कारोबारमा यूवराज पारस

Nepal Info — Fri, 24 Mar 2006 00:52:40 +0100

Nepal Prince is involved in the drug trafficing, says Indian media
काठमाडौ , चैत १०
राष्ट्रिय ढुकूटीमा ब्रह्मलुट मच्चाएर यूरोपको भ्रमणमा आएका यूवराज पारसले लागू औषध कारोबार गरेकोले भारतलाई फेरि एकपटक समस्या परेको भारतबाट निस्कने एक पत्रिकाले जनाएको छ। पारस लागू औषध कारोबारमा अन्तराष्ट्रिय रुपमै परिचित रहेको पनि उक्त पत्रिकाले उल्लेख गरेको छ। न्यूज इन साइट भन्ने पत्रिकाले २००५ को जुलाइ ६ मा "सि वी आइ, डि ई ए प्रोबे नेपाल प्रिन्सस ड्रग लिङ्क" भनेर एउटा समाचार प्रकाशित गरेकोथियो । त्यसपछि सोही पत्रिकाले अर्को दिन जुलाइ ६ मा "नेपाल क्राइसिस" भन्दै दोस्रो समाचार दिएको छ। लागू औषधको कारोबार अनुसन्धान गर्न प्रसिद्ध अमेरिकी स‌स्था ड्रग इन्फोर्समेन्ट एजेन्सी र अमेरिकी गूप्तचर संस्था फेडरल व्यूरो अफ इन्भेस्टिगेशनले भारतीय गुप्तचर संस्था सिवीआइलाई पारसको लागू औषध व्यपारबारे अनुसन्धान गर्न ‍आग्रह गरेको थियो।
अङ्रेजी भाषाका ती समाचार पढ्न यहा क्लिक गर्नुहोस।
एक
दूइ
तीन

दरवार हत्याकाण्डको छानबिन गर्न दरवारबाटै बनाईएको छानबीन समीतिलाइ पारसले आफुले लागूऔषध तत्कालिन यूवराज दिपेन्द्रलाई दिने गरेको समीति समक्ष बयान दिएका थिए। यूवराज पारसको लागू औषधको सम्लग्नता त उनैको बयानले पनि देखाउछ। स्मरणरहोस, दरबारबाटै गठित त्यस्तो समीतिले निश्पक्ष छनविन गर्न नसक्ने भन्दै नेकपा (एमालेका) महासचिव माधव कुमार नेपालले उक्त समीतिमा बस्न इन्कार गरेका थिए। राजकुमार पारसले तत्कालिन यूवराज दीपेन्द्रलाई लागू पदार्थ दिएको समाचार हेर्नुहोस ।

आउ नाचौं पियारी पेरिसको डिस्कोमा

Nepal Info — Wed, 22 Mar 2006 08:25:17 +0100

Lets have a naked dance in the Paris discos (Satire on Nepal prince and Princess)

डिस्को र रात्री जीवनको स्वप्न नगरी पेरिसमा लुगा रहित भएर नाच्ने कि ? हाम्रा एक सहयोगीले इमेलमार्फत पठाएको एक व्यंग्य। गत बर्ष बैकक जादा राजकुमारीले एक रात एक डिस्कोमा एक बित्ताको मिनीस्कट लगाएर नाचेको र राजकुमार पारसले यस्तो पोषाकमा नाचेको नेपाली नागरिकले देख्यो भने राम्रो हुन्न भनेर संझाएको सुनिएको थियो । तर राजकुमारको यो आग्रहलाई राजकुमारीले तिमी ठाउ अनुसारको पोषाक लगाउन नजान्ने पाखे भनेर उडाएकी थिइन भन्ने चर्चापनि भित्र भित्र चलेको थियो।

पेरिसमा पारसलाई कालो झन्डा

Nepal Info — Tue, 21 Mar 2006 18:52:55 +0100

Nepalese prepare to show black flag to Nepal prince in Paris

पेरिस चैत्र ८
देशको ढुकुटीको ६ करोड सिध्याएर यूरोप भ्रमणमा आउन लागेका यूवराज दम्पत्तीलाई पेरिसबासी नेपालीहरुले कालो झन्डाले स्वागत गर्ने भएका छन्।
मुलुक संकटमा धकेलिएका बेला हुन लागेको यो व्यक्तिगत भ्रमणले नेपालीहरुलाई कुनै उपलब्धि नहुने भन्दै पेरिस स्थित नेपाली लोकतान्त्रिक मन्चले यूवराजलाई कालो झन्डा देखाउने भएको हो। मन्चले हिजो प्रकाशित गरेको प्रेस विज्ञप्तीमा गैडा दिएर हतियार भित्र्याउन खोज्ने र निरंकुश राजतन्त्रको समर्थन प्राप्त गर्ने प्रयत्नमा जुटेका यूवराज दम्तीको यो कदमको विरोध स्वरुप कालो झन्डा देखाइन लागेको हो ।
विज्ञप्तीमा नेपालीहरु एक चक्की सिटामल खान नपाएर मरिरहेको अवस्थामा दरवारीयाहरु राष्ट्रको सम्पती उडाएर भ्रमणमा निस्केकोमापनि विरोध गरिएको छ। विरोध कार्यक्रम पेरिसको स्थानिय समयअनुसार दिउसोको तीन बजे पेरिसको थ्रोकादेरो भन्ने ठाउमा आयोजना हुदैछ। जुन ठाउ संसारप्रसिद्ध आइफल टावर अगाडी पर्छ। बाकी जस्ताको तस्तै एट्टायच्चमेन्ट फाइलमा ।

डा. गिरीको कुतर्कशास्त्रले राजतन्त्र खतम हुने

Nepal Info — Fri, 10 Mar 2006 17:11:19 +0100

Dr Giri's nonsense logic risks Monarchy, says Thapa

काठमाडौं, फागुन २६
पूर्व प्रधानमन्त्री सूर्यबहादुर थापाले शाही मन्त्रिपरिषदका उपाध्यक्ष डा. तुलसी गिरीको हिजोको भनाइलाई कुतर्कशास्त्र भन्दै यस्तो कुतर्कशास्त्रले मुलुकमा अन्यौलता बढाएको टिप्पणी गर्नुभएको छ। गिरीको बहुलठ्ठीपूर्ण कूतर्कले निरंकुशतन्त्रलाई ठेगान लगाउने परिस्थिती निर्माण भइरहेको भन्दै थापाले 'गिरी मुलुकको समस्या समाधानका प्रमुख पात्र नभई प्रमुखपात्रका सहयोगी रहेको तर्क गर्नुभयो।
आफ्नै पार्टी स्थापनाको एक वर्षपुगेको अवसरमा पार्टी कार्यालय कमलपोखरीमा आयोजित कार्यक्रममा बोल्दै उहाँले राजाका सहयोगीको कुतर्कले राजसंस्थाको भविश्य संकटमा पर्दै गएको विश्लेषण गर्दै उहाले कुतर्कको भरमा सत्ताको आयु लम्ब्याउने ब्यक्तिलाईपनि तह लगाउने परिस्थितिको निर्माण भइरहेको' बताउनुभयो।सरकारले संसदीय निर्वाचन गराउने भनी चलाएको हल्लालाई उहाँले 'सुगा रटाइँ'को संज्ञा दिनुभयो।
स्रोत: स्वतन्त्र समाचार सेवा

आफ्नै मन्त्रिपरिषद्संग राजा असन्तुष्ट

Nepal Info — Wed, 01 Mar 2006 09:29:16 +0100

King's dissatisfaction over his own ministarial council
हरि भट्टर्राई
पोखरा, फागुन १६
राप्रपा राष्ट्रवादीका अध्यक्ष राजेश्वर देवकोटाले श्री ५ वर्तमान मन्त्रीपरिषद्प्रति असन्तुष्ट रहेको बताउनुभएको छ। श्री ५ संगको दर्शनभेटपश्चात सञ्चारकर्मीसंग कुरा गर्दै देवकोटाले श्री ५ मन्त्रिपरिषद् सुधार गर्ने पक्षमा रहेको खुलासा गर्नुभयो। देवकोटाले श्री ५ सात राजनीतक दलहरुसँग सम्वाद गर्न इच्छुक रहिबक्सेको र सोको वातावरण तयार गर्न हुकुम बक्सेको उल्लेख गर्दै देवकोटाले सोको लागि आफूहरुले तयारी गरिरहेको जानकारी दिनुभयो। दल र माओवादीबीच भएको १२ बुँदे सहमति टुट्ने देवकोटाको भविष्यवाणी थियो। अनौपचारिक भ्रमणमा पोखराको रत्न मन्दिर दरबारमा रहेका श्री ५ ज्ञानेन्द्रवीर विक्रम शाहदेवले मङ्गलबार राती मन्त्री परिषद्का उपाध्यक्षद्वय लगायत पश्चिमाञ्चल विकास क्षेत्रका ११ जिल्लाका ३२ जना ब्यक्तिहरुसँग राजनीतिक परामर्श गरिबक्सेको थियो।दर्शन भेट पाउनेमा राष्ट्रिय प्रजातन्त्र राष्ट्रवादीका अध्यक्ष राजेश्वर देवकोटा, विश्ववन्धु थापा, रविन्द्रनाथ शर्मा, श्रीकान्त अधिकारी, नेपाल उद्योग वाणिज्य महासंघका तृतीय उपाधयक्ष आजाद श्रेष्ठ, पत्रकार केशव भण्डारी, अधिवक्ता भूपनिधि पन्त, भूपू राजयमन्त्री लक्ष्यबहादुर गुरुङ, पश्चिमाञ्चल विकास क्षेत्र अन्तरगतका राजपरिषद सदस्यहरु, वालिङ, पुतलीबजार, व्यासनगर, वागलुङ र पृथ्वीनारायण नगरपालिकाका नगर प्रमुखहरु रहनुभएको छ। राती ८ बजेदेखि ११.३० बजेसम्म ३२ जनालाई दर्शनभेट दिइबक्सेको थियो। स्वससे

दरबारद्वारा कानून विपरित बाघ र चितुवाको छाला वितरण

Nepal Info — Tue, 28 Feb 2006 09:58:12 +0100

Palace distributes Tiger and leopard skins illigally
केपी ढुंगाना
काठमाडौं/फागुन १५
बाघ र चितुवाको छाला वितरण गर्न दूर्लभ वन्यजन्तु र वनस्पतिको व्यापार सम्बन्धी अन्तराष्ट्रिय महासन्धी (साइटिस) ले निषेध गरेको छ। विगतमाझै यस पटक पनि दरबारको प्रत्यक्ष संलग्नतामा शिवरात्री मेलामा सहभागी हुन आएका सन्तलाई उपहारको नाममा बाघ र चितुवाको छाला वितरण गरिँदैछ।प्रतिष्ठित सन्तलाई दरबारले प्रत्येक वर्षउपहारको नाममा चिताम्बर र बाघाम्भर वितरण गर्दै आएको थियो। दरबारले यस वर्षा बाघाम्बर र चिताम्बर वितरणका लागि चार जना सन्तको छनोट गरेको सूत्रले जनाएको छ ।
मंगलवार गुठी संस्थानले विदाई कार्यक्रमको आयोजना गरी ती सन्तलाई बाघाम्भर र चिताम्बर वितरण गर्ने कार्यक्रम बनाएको छ । गत वर्षपाँच ...

मेयरलाई सुरक्षादिदै सुरक्षाकर्मी हैरान

Nepal Info — Sat, 18 Feb 2006 14:36:54 +0100

Authorities get tired of giving enough security to newly elected mayors
काठमाडौं/ फागुन ६
निरंकुशतालाई टिकाउन राजाको सरकारमा गएर मेयर बनेकालाई सुरक्षा दिन सुरक्षाकर्मी नै हैरान परेका छन। काठमाडौं महानगरपालिकाका नवनिर्वाचित मेयर राजाराम श्रेष्ठ असुरक्षाका कारण आफ्नो निवासलाई छोडेर प्रहरी प्रशिक्षण केन्द्र महाराजगञ्ज नजिकै सर्नुभएको छ। महानगरसुत्रका अनुसार श्रेष्ठ फागुन १ देखी सामाखुसीमा रहेको आफ्नो घर छोडेर महाराजगञ्ज सर्नुभएको हो।
सुरक्षाकर्मीले सामाखुसीमा रहेको श्रेष्ठको घर सुरक्षा प्रवन्धको दृष्टिले अनुपयुक्त रहेकोले कालिकास्थनमा रहेको मेट्रो एफएमको भवनमा क्वाटर बनाउने तयारी गरिएपनि सो स्थानसमेत अशुरक्षित भएकोले प्रहरी प्रशिक्षणसंगै राखिएको हो । श्रेष्ठसंगै सरकारी राप्रपाका तर्फबाट उपमेयरमा विजयी विमला राणा भने क्षेत्रपाटीमा रहेको आफ्नै निवासमा हुनुहुन्छ।
महानगरपालिकाका पदाधिकारीहरुको सुरक्षार्थ महानगरको आफ्नै नगर प्रहरी भएपनि सरकारले मेयर र उपमेयरको शुरक्षार्थ शाही नेपाली सेना खटाएको छ। सुत्रका अनुसार मेयरको सुरक्षार्थ चार जना र उप मेयरको लागि दुई जना सुरक्षाकर्मी खटाइएको छ।
माघ २६ गते सम्पन्न नगर निर्वाचनमा श्रेष्ठ राप्रपा थापा पक्षधरबाट महानगरको मेयर पदमा विजयी हुनुभएको थियो। यसअघि सूर्य बहादुर थापा सरकारको पालामा श्रेष्ठ महानगरको उपमेयरमा मनोनीत हुनुभएको थियो। माओवादीको दवावका कारण तत्कालिन मनोनीत मेयर केशव स्थापितसंगै श्रेष्ठले पनि आफ्नो पदवाट राजीनामा दिएका थिए। स्वससे

राजा भाग्ने सुरमा !

Nepal Info — Fri, 17 Feb 2006 22:33:58 +0100

Nepal King plans exile !

काठमाडौ,फागुन ६
चुनावमा डर, धाकधम्की, त्रास र लाखौं रकमको खोलो बगाउँदा पनि २० प्रतिशतभन्दा बढी जनता आफ्नो पक्षमा नदेखिएपछि राजा देशबाट भागेर अन्यत्र शरण लिन जनलागेको खबर हिजो एउटा बिदेशी पत्रिकाले प्रकाशित गरेको छ। एसियन ट्रिब्युन नामको उक्त पत्रिकामा काठमाडौं बाइलाइनमा (नेपालका राजा शरण लिने तयारीमा:अमेरिकी दूतावासलेउद्धार गर्ने) 'नेपाल किङ प्लान्स एग्जिल: यू एस एम्वेसी एक्सपेक्टेड टू एभाक्येट' शिर्षकमा डि माइकल बन्दिविरले यस्तो समाचार लेखेका छन। सात राजनीतिक दलको आन्दोलन बलियो हुँदै गएको र माओवादीहरुले लडाईंको मैदानमा सफलता हासिलगर्दै जादा राजा र राजापरिवारका सदस्यहरु भाग्ने तरखरमा रहेको उनले उल्लेख गरेका ...

दरबारियाका नाममा करोडौको हिनामिना

Nepal Info — Wed, 15 Feb 2006 10:34:24 +0100

Millions of state property misused on the name of king and his supporters

काठमाडौ, फागुन ३
देशमा निरन्कुश शासन चलाईरहेको दरबारले राष्ट्रको सम्पती कति हिनमिना गरेको रहेछ भन्ने तथ्य एकपछि अर्को गरि फेला पर्दै गएको छ।vदेशमा जनताद्वारा निर्बाचित सरकार नभएको मौका पारेर भ्रष्टाचारको अन्त्यको राप अलाप्ने राजा स्वंयले बिभिन्न शिर्षकमा लाखौ रकम हिनमिना गरेको तथ्य अर्थमान्त्रलयबाट प्राप्त भएको छ।
नेकपा एमालेको अङ्रेजी मुखपत्र द डेमोक्रेसीका अनुसार राजा स्वयं प्रधानमन्त्री रहेको सरकारले आर्थिक बर्ष २०६१/२०६२ मा ३२ करोड भन्दा बढी रुपैयाँ हिनमिना गरेको छ । जुन हाम्रो जस्तो गरीब मुलुकाका लागि ज्यादै ठुलो रकम हो। कतिपय रकम त कुन शिर्षकमा खर्च गरिएको हो भन्ने केहि खुलाईएको समेत छैन। राजाको स्वास्थ्य परिक्षणकालागि तीन करोड रकम खर्च गरिएको छ तर राजालाई के भएर कहाँ जानु परेकाले खर्च भएको हो भन्ने उल्लेख छैन। नव यूवराज्ञीको पास्निका लागि १० लाख खर्च गरिएको उल्लेख छ भने यूवराज्ञीको विवाहका लागि एक करोड खर्च गरिएको पनि आर्थमन्त्रालयबाट प्राप्त सूचिमा उल्लेख छ।
यसैगरी दरवारले एक करोड ४० लाख रुपैयाँ खर्च गरेर दरबारिया सोखकालागि जर्मनीमा निर्मित बिलासी बिएमडब्लु खरिद गरेको छ। घरले जा जा र बनले आइज आइज भन्ने उमेरका दरबारिया प्रिय हेलेन शाहको उपचारका नाममा राजाको मन्त्री परिषदले ४२ लाख भन्दा बढी रकम दिएको छ तर त्यसको पूर्ण विवरणपनि खुलाईएको छैन।
दरवारीयाहरुले राष्ट्रको सम्पती नवराजकुमारको न्वारन र पास्नी देखी शाहज्यादिको विवाहमा गहना किन्नका लागि पनि प्रयोग गरेका छन्। यतिले मात्र नपुगेर वितेका ७ महिनामा राष्ट्रको झन्डै २० करोड रकम दरवारद्धारा हिनमिना भएको छ। देशको सम्पती कहाँ कति ब्रम्हलुट भएछ भन्ने सुची भित्र हेर्नुहोस। यसैगरी दरवारले गरेको जथाभावी खर्चको थप विवरण यहा हेर्न सक्नुहुन्छ।

प्रजातन्त्रबादी मास्ने राजाको योजना चकनाचुर

Nepal Info — Mon, 13 Feb 2006 20:52:28 +0100

A blow to king, Royal comission is dissolved
काठमाडौं, फागुन १
सर्वोच्च अदालतले भ्रष्टाचार नियन्त्रण शाही आयोग खारेज गरिदिएको छ। गत बर्ष राजा ज्ञानेन्द्रले भ्रष्टाचार नियन्त्रण गर्ने भन्दै कानुनमा व्यवस्था नभएको भ्रष्टाचार नियन्त्रण शाही आयोग गठन गरेका थिए। शुरु देखिनै यसको कानूनी आधारबारे प्रश्न उठ्दै आइरहेको थियो।यो फैसलाबाट राजा ज्ञानेन्द्रको शाही आयोग मार्फत मुलुकको भ्रष्टाचार नियन्त्रण गर्ने भन्दै प्रजातन्त्रबादीहरुलाई सखाप पार्ने योजनामा धक्का पुगेको छ। बाकी एट्याच्मेन्टमा।

जनताले राजालाई विश्वास गरेनन

Nepal Info — Wed, 08 Feb 2006 23:10:32 +0100

Where are the king's voters?

काठमाडौको बसन्तपूर क्षेत्रमा रहेको मतदान केन्द्रमा दिउसोको पौने चार बज्दा लिइएको तस्विर। जहा भोट हाल्न मानिस लाम लाग्न त परै जाओस कुकुर हिडेकोपनि देखिएन। उपत्यकामा जम्मा १५ प्रतिशत मतदान भएकोले मतदान केन्द्रहरु लगभग यस्तै शुन्य थिए। तस्विर: सालोक्य /मेरो संसार

काठमाडौं,माघ २६
निर्वाचन गराएर पार्टीहरुको शेखी झार्ने दाउमा रहेका राजाले जम्मा २० प्रतिशत मतमा चित्त बुझाउन परेको छ।यो निर्वाचनलाई नेपालको इतिहासमै सबै भन्दा कम मत खसेको निर्वाचनको रुपमा लिइएको छ।निर्वाचन आयोगका अनुसार सबैभन्दा कम मत कास्कीको लेखनाथ नगरपालीकामा एक प्रतिशत र गौर नगरपालिकामा ७१ प्रतिशत मतदान भएको छ।लेखनाथ नगरपालिकामा ४४ हजार मतदाता रहेकामा जम्मा पाचशय मात्र मत खस्यो।
मतगणनाको परिणाम बिहीबार साँझसम्ममा आइसक्ने बताइएको छ। निर्वाचन आयोगका अनुसार अधिराज्यभरका नगरपालिकामा एक लाख ४२ हजार ९४ मत मात्र खसेको छ । तीन लाख ९ सय ३५ मतदाता रहेको काठमाडौं महानगरपालिकामा ४५ हजार मात्र मत खसेको छ । कर्ीर्तिपुरमा आठ हजार नौ सय मत खसेको आयोगले जनाएको छ । किर्तिपुरमा ३० हजार आठ सय ३१ मतदाता रहेका छन ।
ललितपुर उपमहानगरपालिकामा १६ हजार ६ सय २६ र मध्यपुर ठिमी नगरपालिकामा २ हजार ७ सय ६६ मत खसेको निर्वाचन आयोगले जनाएको छ । भक्तपुर नगरपालिकाका सबै उम्मेदवार निर्विरोध भइसकेका छन। विराटनगरमा ३० हजार ६ सय ६२ मत खसेको छ भने विरगञ्जमा २१ हजार ६ सय ३४ मत मात्र खसेको आयोगले जनाएको छ। लाहान, कलैया, रौतहटलगायतका तराइका केही जिल्लामा अन्य क्षेत्रको तुलनामा बढी मत खसेको छ।
रौतहडको गौर नगरपालीकामा ७० प्रतिशत मत खसेको छ। उता कास्कीको लेखनाथ नगपालिकाको मतदाता संख्या ४४ हजार रहेको भएपनि करिव पाँच सय मात्र मत खसेको छ। कैलालीको धनगढीमा चार सय मत खसेको छ। सो नगरपालिकाको मतदाता संख्या ३३ हजार रहेको छ । नगर निर्वाचनमा १४ लाख ८० हजार २ सय ३८ मतदाता संख्या रहेका छन। पोखरा उप-महानगरपालिकामा ७३ हजार मतदाता रहेको भएपनि पाँच हजार मत मात्र खसेको छ । विरगञ्जमा २१ हजार ६ सय ३४ मत खसेको थियो भने विराटनगरमा ३० हजार ६ सय ६२ मत खसेको छ।
निर्वाचन आयोगले तोकेको समयावधी अनुसार बिहान आठ बजेबाटै मतदान शुरु भएको थियो। उपत्यकामा नगरपालिकामा रहेको मतदान केन्द्रमा मध्यान्हसम्म पनि झिनो संख्यामा मतदाता उपस्थित भएका थिए। निर्वाचनको चहलपहल हर्ेन मतदान केन्द्र अगाडि राम्रै भिड जम्मा भएपनि उनीहरु मतदान गर्न भने गएका थिएनन।

पूजापाठ र भोजमा व्यस्त राजा

Nepal Info — Fri, 03 Feb 2006 18:08:39 +0100

The king is busy in the worship while the country is burning
Anuradha Paudel

काठमाडौ, माघ २१
अनुराधा पौडेल, फ्रान्स

विचार /विवेचना
अरु देशमा प्रसासन तथा राजनीतिलाई धर्मबाट विल्कुल अलग राखिन्छ। जस्तो कि फ्रान्समा क्रिश्मसको दिन प्रधानमन्त्री दोमिनिक दोभिल पां चर्चमा थिए। तर उनको साथमा सूरक्षा गार्ड थिएन। उनी सर्वसाधारण नागरिकहरुसंग बसिरहेका थिए। म आफै उनको सिटको ठीक अघिल्लो ठाउमा बसेको रहेको छु भन्ने कुरा निकै पछि चाल पाएको थिए। चुपचाप पादरीको स्तुतीगानमा सरीक भैरहेका उनको न त कुनै पत्रकारले तस्विर खिचेर प्रचार प्रसार गर्यो न त उनी चर्चमा गए भनेर कसैले टीका टिप्पणी गर्यो। न त उनले त्यहा बेकसुरको भाषण ठोके। फ्रान्समा प्रसासन र धर्मलाई विलकूल अलग गरिएको छ। यस्ता कार्यक्रममा प्रसासनिक तथा राजनीतिज्ञहरु सरिक हुन पाउछन् तर तिनले राज्यले दिएको सुविधा र राज्यका तर्फबाट भाग लिन पाउन्नन । यतिसम्म की अरु दिन विजुलीको बेगमा गाडीमा दगुर्ने प्रधानमन्त्रीले त्यतिबेला सुरक्षा गार्डहरुलाई समेत प्रयोग गर्न नपाउने रहेछन्।

राजाको लाइन स्पष्ट, थोत्रा कुराहरुप्रति प्रतिवद्धता

Nepal Info — Wed, 01 Feb 2006 06:36:40 +0100

Gyanendra commits his dictator path

तस्विर : नेपाल टेलिभिजन
काठमाडौ ,माघ १९
राजाले आज देशवासीका नाममा संवोधन गरेर के के न भन्लान् भनि गरिएको आशा निरर्थक सावित भएको छ। गत बर्ष प्रस्तुत गरेको आफ्नै रोडम्यापमा उनी अडिग देखिएका छन्। राजाको यो संवोधनले जनतालाई ढाटेपनि पार्टीहरुको आन्दोलनलाई तुहाउने शाहस गरेन। देशमा छिटफूट अपराधिक कार्य बाहेक शान्ति सूरक्षामा महत्वपूर्ण सुधार आएको जनाउदै राजाले नागरिकहरुलाई ढाट्ने काम गरेका छन् ।

युद्धविराम भंग हुनुमा राज्य पक्ष जिम्मेवार

Nepal Info — Mon, 02 Jan 2006 18:34:45 +0100

'Government is responsible in the break of ceasefire'

काठमाडौ, पुस १८
आन्दोलनरत सात दलले सशस्त्र विद्रोही माओवादीले चार महिना पुरानो एकतर्फी युद्धविराम भंग गर्नु दुखद भएको उल्लेख गर्दै भावी युद्धको सम्पूर्ण जिम्मेवारी राजाले लिनुपर्ने भन्दै युद्धविराम भंग हुनुमा राज्य पक्षको मूल दोष भएको बताएका छन्। बैठकबारे जानकारी दिदैं एमाले महासचिव माधवकुमार नेपालले युद्धविरामको भंग हुनुमा वर्तमान सत्ता नै दोषी रहेको ठहर गरिएको बताउनुभयो। 'आगामी दिनमा माओवादीलाई शान्तिपूर्ण बाटोमा ल्याउन पहल गर्र्छौ, आमनागरिकको रक्षाका लागि जनेभा सन्धी र मानवअधिकारको सम्मान गर्न हामी विद्रोहीलाई आहृवान गर्दछौ' उहाले थप्नुभयो।

यूवराज पारसले डिआइजी कुटे

Nepal Info — Sat, 03 Dec 2005 21:45:21 +0100

Nepal Prince beats up Police officers

काठमाडौ, मंसिर १८
नानीदेखिको बानी किन छुट्थ्यो र ? पटक पटकको गुन्डागर्दीका कारण कुख्याती कमाएका यूवराज पारसले आज दिउसो फेरि सैनिक मुख्यालयदेखि प्रहरीप्रधान कार्यालय सम्म उत्तपात मच्चाएका छन्। हिजो आफ्ना माता पिताको स्वदेश फिर्ती कार्यक्रम स्वरुप विमानस्थलमा स्वागत गर्न पुगेका यूवराज लगायत राजाको गाडी र राजाको सुरक्षार्थ खटिएको टोलीमाथि भएको ढुंगामुढा बारे रिस पोख्दै पारसले उक्त उत्तपात मच्चाएका हुन्।
रिसले भुनभुनीका पारस आफ्नो परिवारको सूरक्षा किन भएन भन्दै पहिला शाही नेपाली सेनाको प्रधान कार्यालय गएका थिए। प्रधान कार्यालयको भित्तामा गाडी ठोक्काएपछि भित्र पसेका थिए। आर्मी कार्यालयबाठ चुर हुदै फर्केका पारस त्यसपछि प्रहरी प्रधान कार्यालय गएर सवारीमा ढुंगा प्रहार भएको घटनाबाट क्रुध्द भई युवराज आज बिहान प्रहरी प्रधान कार्यालयमा गई प्रहरी प्रमुख श्यामभक्त थापा, सशस्त्र प्रहरीका प्रमुख सहवीर थापा र उपत्यका प्रहरी प्रमुख कृष्ण न्यौपानेलाई कर्मचारीकै अगाडि लात्ती र चड्कन हानेका थिए। यसैक्रममा गृह मन्त्रीले प्रहरी प्रमुखसंग सोधपुछ गरेको र सरकारले एक छानविन समिती गठन गरेको थाह हुन आएको छ। यसैगरि राजाका समर्थकहरुले एमाले कार्यालयमा आक्रमण गर्ने धम्की दिएपछि एमाले महासचिव सहित पत्रकारहरु बल्खुतिर लागेकोपनि जानकारी प्राप्त भएको छ।

नेपालका राजा वीरेन्द्र !

Nepal Info — Wed, 30 Nov 2005 17:49:35 +0100

Is Nepal's king Birendra ?

फ्रान्स, मंसिर १५
फरियाको साइनोपनि नभएका अफ्रिकी मुलुकहरुको भ्रमणमा निस्केका राजा ज्ञानेन्द्रको टोली यतिबेला इजिप्टको कायरो पुगेको छ। कतै वातावरणमन्त्री, कतै अर्थमन्त्रीको स्वागतमा मख्ख नेपाली राजा अस्ती सोमबार सम्म बुरुन्डीमा थिए। बुरुन्डीमा पत्रकारलाई हाम्रा राजाले त्यहाका मिडीया पर्सनहरुसंग नेपाल संधै शान्तिको पक्षमा भएको बताए रे। बुरुन्डीमा पुग्नु अघिल्लो दिन राजा तान्जानियामा थिए र त्यहाका अर्थमन्त्री संग हात फर्काइ फर्काइ रात्री भोजमा गफ चुटीरहेका थिए । यता भने उनका कर्मचारीहरुले रेडियो सगरमाथा बन्द गराउदै रेडियोका सामाग्रीहरु लुटेर लगेका थिए। अघिल्लोदिन राती रेडियो सगरमाथामा राज्य आतंक मच्चाएर मुलुकको शान्ती भत्काएका राजाले भोलीपल्ट बुरुन्डीमा नेपाल शान्तिको पक्षमा रहेकोभनि सरासर झुट कुरा बोले। नेपाली राजाको शान्तिप्रिय भाषणलाई बुरुन्डीका पत्रकारहरुले खुव मनपराएको हुनपर्छ भनेर बुरुन्डीको दैनिक पत्रिका 'बुरुन्डी दैनिक' (जो फ्रेन्च भाषामा निस्कन्छ) हेरेको त त्यहा राजाको नाम नै गलत पो रहेछ। राजाको नाम वीरेन्द्र रे अनि बुरुन्डी पुग्नुको उदेश्य शान्ति सेनामा कार्यरत नेपाली सिपाहीहरु भेट्नु रे। बुरुन्डीका राष्ट्रपति अघिल्लोदिन हल्यान्डका राजदूतलाई स्वागत गर्न विमानस्थल पुगेछन् तर हाम्रा राजालाई स्वागत गर्न भने द्धितीय उप राष्ट्रपति आलिस न्जोमुकुन्दा पुगिछन्। तपाइहरुपनि हेर्नसक्नुहुन्छ एट्याच्चमेन्टमा । या यहां क्लिक गरेर Diplomatie मा गएर le 28 Novembre 2005 को VISITE DU ROI DU NEPAL A BUJUMBURA शीर्षकको समाचार हेर्नसक्नुहुन्छ।

नाराणहिटीभित्र 'आतंककारी'

Nepal Info — Mon, 28 Nov 2005 19:02:50 +0100

'Terrorist at Royal Palace'

काठमाडौं, मंसीर १३
मानवअधिकारकर्मी कृष्ण पहाडीले नारायणहिटी राजदरबारभित्र बस्ने आतंकबादीले रेडियोमाथि हमला गरेको बताउनु भएको छ। सरकारले रेडियो सगरमाथामाथि आक्रमण गरी प्रसारण बन्द गरेको बिरोधमा नेपाल पत्रकार महासंघको आह्वानमा आयोजित विरोध र्‍यालीपछि आयोजित सभामा उहाले भन्नुभयो -'सरकारले रेडियो सगरमाथालाई आतंकको आरोप लगाउँदै प्रसारण बन्द गराए पनि नेपालमा कहिल्यै शान्ति नचाहने आतंकबादी नारायणहिटीको चार दिबारभित्र बसेको छ।' आतंकवादीहरु मानवअधिकार, स्वतन्त्र प्रेस, एफएमको समाचारदेखि डराउने गरेको उल्लेख गर्दै नेपालमा राज्यसत्ताले रेडियो सगरमाथामाथि आक्रमण गरेर त्यसलाई थप पुष्टि गरेको उहाले बताउनुभयो।

पहाडीले बिरामी मरेपछि औषधि काम नलाग्ने उल्लेख गर्दै सर्वोच्च अदालतले बिरामी मानवअधिकार र प्रेस स्वतन्त्रता वहाली गर्न सहयोगको गर्नुपर्ने बताउनुभयो। 'शाही सरकार मर्ने बेलामा कमिलाको प्वाँख पलाएको अवस्थामा छ' उहाले थप्नुभयो। स्वतन्त्रताका पक्षधरले ज्यानको पर्वाह नगर्ने भएकाले २५ मंसिरमा मानवअधिकार दिवसको अवसर पारेर रत्नपार्कमा 'आतंककारी बिरुद्ध' कार्यक्रम गरिने जानकारी पहाडीले दिनुभयो। उहाले पटक पटक राजालाई इंगित गर्दै आतंककारी भनेर लल्कार्नुभएको थियो।

पत्रकार महासंघका सभापति बिष्णु निष्ठुरीले प्रेस स्वतन्त्रतामाथि आक्रमण गर्नेको हात झर्ने भविष्यवाणी गर्दै प्रेसमाथि थप आक्रमण नगर्न शाही सरकारलाई चुनौती दिनुभयो। 'शाही सरकार भीरतिरको यात्रामा रहेको' दाबी पनि उहाले गर्नुभयो।

दरबारको आडमा वन फडानी

Nepal Info — Mon, 14 Nov 2005 17:15:44 +0100

Forest being cut down with the support of Royal Palace

काठमाडौ ,कार्तिक २८
कुटी निर्माण गर्ने निहुँमा शिवपुरी निकुञ्जको तीनचुले क्षेत्रमा व्यापक वन फडानी भएको घट्नामाथि अनुसन्धान सुरु भएको छ।
निकुञ्ज सम्बद्ध एक उच्च अधिकृतका अनुसार, निकुञ्जले अहिले स्वामी चन्द्रेशलगायतसँग बयान लिने काम गरिरहेको छ। कुटी निर्माणका नाममा आठ सयभन्दा बढी रुख काटिएको जानकारी पाएर वन्यजन्तु तथा निकुञ्ज विभागले अनुसन्धानका लागि निर्देशन दिएपछि छानवीन थालिएको हो।बुढानीलकण्ठ आश्रमले निकुञ्जसँग राष्ट्रिय निकुञ्ज ऐन र नियमावलीको परिधिमा रहने गरी कुटी निर्माण गर्ने सम्झौता गरेको थियो । तर, भएको सम्झौता र कानून विपरित वन फडानी गरेको पाइएको छ। अनुसन्धान सुरु भएपछि अभियुक्तहरुलाई कुनै कारवाही गर्न नारायणहिटी राजदरबारले समेत दवाव दिइरहेको बुझिएको छ। 'तर, जो भए पनि हामी कानून मिच्नेलाई कसरी उन्मुक्ति दिन सक्छौ र !' वन मन्त्रालयका एक उच्च अधिकृतले भने।

राजकुमारीको बोसो बढ्दा

Nepal Info — Sun, 13 Nov 2005 13:13:32 +0100

काठमाडौ

भएको बोसोले जीउ भारी भयो भन्ने पिरलोमा विदेश धाएर पातलिन खोज्दा पनि बोसोमाथि बोसो थपिंदै जान थालेपछि कसको मन भरङ्ग नहोला? तपाईहरुलाई लाग्दो हो टन्न रक्सी र मासु खायो भने यसरी बोसो बढ्दछ। तर, राजकुमारी प्रेरणाको भने यतिखेर पानीमात्रै खादा पनि बोसो बढेको बढ्यै छ।
यसरी बोसो बढ्ने समस्याले सताइएकी अधिराजकुमारी प्रेरणा सिंहको यसरी बोसो बढ्दै जानथालेपछि राजा र रानी स्वंलाई चिन्ता पर्ने गरेको छ। राजारानीकी एकमात्र छोरी प्रेरणा यतिखेर बोसोको समस्याले गर्दा भात कचौरामा एक छाकमात्र खान थालेकी छन्। राजकुमारी प्रेरणालाई बोसोसम्बन्धी समस्या देखापरेको यो पहिलो घटना भने होइन। नेपालको संचार क्षेत्र कब्जा गर्ने र नेपाल दूरसंचार संस्थालाई टाट पल्टाउने उदेश्यमा लिप्ता राजबहादुर सिंहसग विबाह हुनुअघि बैंककमा लगेर उनको पाठेघरबाट ९ किलोको ट्युमर र बेलायतमा पनि पेटबाट त्यति नै मात्रामा बोसो निकालिएको थियो। अहिले फलफूल तथा सूपमात्रै ज्युनार गर्दा पनि समस्या सुल्झिनुको साटो झन्झन् बढेपछि उनले एक हप्ता अघिसम्मपनि चश्मा लगाउने दुब्लोदुब्लो मानिससग नियमित योगाभ्याससमेत सिकेकी थिइन्। तर, योगाभ्यास प्रभावकारी नभएको भन्दै कही दिनअघि ती योग गुरुलाई दक्षिणा दिएर बिदा गरिएको छ। गुरुको योगभ्यासेपनि प्रभावकारी नभएपछि प्रेरणाले बोसो घटाउने अन्य उपायहरु खोजीरहेको थाह हुन आएको छ।

महाराजकै अगाडि दुइ निन्द्रा

Nepal Info — Fri, 11 Nov 2005 16:49:19 +0100

Vice-chairman Bista takes siesta at the king's meeting

काठमाण्डौ, कात्तिक २५
आफूलाई राम्रो साथ देलान् भनेर राजाद्वारा मन्त्रिपरिषद्को उपाध्यक्ष बनाइएका ८४ वर्षीय कीर्तिनिधि बिष्टलाई यतिखेर निदाउने रोग लागेको छ। तपाईहरु आफै अनुमान गर्नुहोस् न, महत्वपूर्ण राष्ट्रिय सरोकारका विषयमा छलफल भइरहेका बेला यस्तो रोग लागेको मान्छेको भूमिका के होला ? बिष्टलाई लागेको यो रोगका कारण मन्त्रिपरिषद्का अध्यक्षलाईसमेत रुलिङ्ग गर्न सकस परेको छ।
गत बुधबार क्याबिनेटको नियमित बैठकमा श्री ५ को तीन साताव्यापी बंगलादेश, अरब र अफ्रिकन राष्ट्रहरुको भ्रमणसम्बन्धी सेड्युलबारे छलफल भइरहेको थियो। ठीक त्यसैबेला अध्यक्ष श्री ५ ज्ञानेन्द्रको दृष्टि उपाध्यक्ष बिष्टतिर पर्यो। तर वयोवृद्ध बिष्ट घ्वार-घ्वार गर्दै घुरिरहनुभएको थियो। मन्त्रीपरिषदकै सदस्यहरुका अनुसार उहा

पश्चिममा भिषण दमनको तयारी

Nepal Info — Tue, 08 Nov 2005 08:51:22 +0100

Government prepares a massive military operation in the west

काठमाडौ, कात्तिक २२
युद्धविरामको मौका छोपेर राजाले मध्य र सुदुर पश्चिममा भिषण अप्रेशनको तयारी गरेका छन्। त्यसकालागि उक्त क्षेत्रमा सुरक्षा अधिकारीहरुलाई ठूलो संख्यामा तैनाथ गरिरहेको थाह भएको छ। अप्रेशन तयारीकोलागि देशभरीका मेजरहरुलाई सैनिक मुख्यालयमा बोलाएर अस्ती आइतवारदेखि छलफल भइरहेको छ।माओवादी र राजनीतिक दलहरुको वार्ता र आन्दोलनकोलागि एकताको संभावना बारे खोजी भैरहकाबेला राजाले यो अप्रेशन गर्ने तयारी गर्नुले राज्य भिषण दमनमा उत्रन खोजीरहेको प्रष्ट भएकोछ।

युवराजलाई चाहिँ नियम नलाग्ने?

Nepal Info — Sat, 05 Nov 2005 23:14:11 +0100

Prince on the road without number plated Bike

Nepal Info special

काठमाडौ, कात्तिक १९

यो फोटोलाई ध्यान दिएर हेर्नुस्। बाइक हार्ली डेभिडसनको हो। महँगो बाइक। हेर्दा त्यति राम्रो देखिँदैन तर निकै महँगो भएकोले थोरै मात्र भित्रिएको छ नेपालमा यस्तो मोटरसाइकल। फेरि फोटो हेर्नुस्। यो कुनै शो रुमको फोटो हैन। सडकमा निस्कन तयार मोटरसाइकल हो। अब मोटरसाइकललाई पनि एकचोटी ध्यान दिएर हेर्नुस्- त्यहाँ नम्बर देख्नुभयो त तपाईँले ? अगाडि त छैन-छैन, पछाडि पनि नम्बर प्लेट छैन यो मोटरसाइकल। यो मोटरसाइकल एक्सिडेण्ट गर्यो भने के गर्ने नि ? चुपचाप लागेर बस्ने १ आखिर संगीतकार प्रवीण गुरुङ किचिएर मारिँदा पनि सबै चुपचाप बस्न बाध्य भएका थिए। प्रवीण गुरुङलाई किच्दा त उनी अधिराजकुमार मात्रै थिए। अहिले यो मोटरसाइकल चढ्नेको हैसियत त युवराजधिराज भइसक्यो। युवराजलाई नियम नलाग्ने रहेछ। जे गरे नि हुने रहेछ। यो फोटो भने काठमाडौंको दशरथ रंगशालमा भएको एउटा रक कन्सर्टको क्रममा खिचिएको हो। कन्सर्ट सकाएर युवराज फिर्ती सवारी हुँदै थिए नम्वर प्लेट नभएको आफ्नो भडभडे मोटरसाइकल चढेर।

राजा रानीसमेत जुवामा मस्त

Nepal Info — Thu, 03 Nov 2005 18:59:07 +0100

King and queen in the gambling

काठमाडौ ,कात्तिक १७

देशमा संकट छ गरिवी छ भोक त्रास र भय छ। जनता रातदिन तड्पेका छन्।मुलुकको राजनीतिक अबस्था झन झन संकटतर्फ धकेलिदै गएको छ । तर राज्यका हर्ताकर्ता राजा ज्ञानेन्द्र भने तिहारको निउ पारेर अहिले सांझ राजदरबारभित्रको भव्य जुवाको खालमा बसिरहेको समाचार प्राप्त भएको छ। थुप्रै रकम बाजी मारेर संचालित भैरहेको यो खालमा रानी कोमलका साथ राजपरिवारका अन्य सदस्यहरु तथा उनीहरुका अन्तरंग मित्रहरु सहभागी भैरहेका छन्। दशैं देखिनै महाराजगन्जस्थित निर्मल निवास जुवाघरमा परिणत भैसकेको समाचार यसअघिनै प्रकाशमा आइसकेको छ। यतिबेलाको जुवाको खाल भने नारायणहिटी दरबारमा चलिरहेको छ।

आजै सुरक्षा निकायहरुलाई माओवादीहरुले कुनैपनिबेला युद्धविराम भंग गर्न सक्ने भएकोले उच्च शतर्कतामा रहनु भन्ने निर्देशन राजाले दिएका थिए। नेकपा एमालेका नेता वामदेव गौतमले रोल्पा भ्रमण गरी माओवादीसंग सहकार्यबारे छलफलगरि फर्किनासाथ गौतमले दिएका अभिव्यक्तिबाट दरवार अघिल्लोहप्ता देखिनै दरवार केहि झस्केको हो। माओवादीले युद्धविराम गरेपछि सरकारलेपनि युद्धविराम गर्नुको सट्टा सरकारका तर्फबाट हत्या ,हिसा, सुराकी ,निगरानी र खोजतलास गर्ने कार्यलाई तिव्र पारेकोले कुनैपनि बेला माओवादीले युद्धविराम भंग गर्ने सक्ने संभावना रहेको गौतमले बताउनुभएको थियो। मुलुकको अबस्था यस्तो त्रासमय रहेको अबस्थामा दरवारीयाहरुभने राज्यको ढुकुटी रित्याएर मनोरन्जन गर्ने काममा लागेका छन्।

निर्मल निवासभित्रै जुवाको खाल

Nepal Info — Sun, 30 Oct 2005 13:00:07 +0100

Gambling at Nirmal Niwas

काठमाडौ, कात्तिक १३

यसपालिको दशैंमा काठमाण्डौबासीहरुले युवराज पारसको तडक-भडक र आतंक देख्नु परेन। संभवत तिहारमापनि देख्नु नपर्ला। यसो हुनुको कारण पारसको बानी-व्यहोरा सुध्रिएर चाहि पटक्कै होइन। बरु, यसपालिको दशैं र तिहारभरका लागि निर्मल निवासमै जुवाका खालहरु लडाउने व्यवस्था मिलाइएकाले युवराज पारसले ग्यालेक्सी या हायत होटलको डिस्कोतिर धाउनु नपरेको हो। दरबारभित्रको स्रोतअनुसार यसपालिको दशैंभर युवराज पारस निर्मल निवासभित्रै जुवा खेल्नमा व्यस्त रहे। उनलाई बाबुले निवासभित्रै जुवाको व्यवस्था गरिदिएर बाहिर जान नदिएको थाहा भएको छ। उनका साथीहरुको अहिलेसम्म त्यही भीड लाग्ने गरेको थाहा भएको छ।

युवराज पारस मध्यरातमा होटलहरुमा गएर मात्ने, गुण्डागर्दी गर्ने र जथाभावी सवारी चलाएर मान्छे किच्नेमा निकै विख्यात रहदै आएका छन्। गत वर्षबानेश्वरस्थित एक होटलमा उनले मातेका सुरमा हिमानी र गोरखलाई लक्षित गरेर गोलीसमेत चलाएका थिए। यो घटनाले उनको अन्तरराष्ट्रिय चर्चासमेत भएको थियो। गायक प्रवीण गुरुङ्गलाई गाडीले किचेर हत्या गरेको आरोप लगाउदै उनलाई युवराज घोषणा गर्न नहुने माग जनस्तरबाट आइरहेकै बेला दशैको मौका पारेर युवराज बनाइएका पारसलाई सुधार्न राजा ज्ञानेन्द्रलाई अहिलेसम्म हम्मे परिरहेकै छ। यही बाध्यताले गर्दा निर्मल निवासलाई जुवाघरमा परिणत गर्नुपरेको स्रोत बताउछ।