चिवतन, मसिर १४
Koirala urges king to decide where his status is
Chintamani Poudel, Chitwan
निरंकुश राजतन्त्रको अन्त्य, पूर्ण प्रजातन्त्र र शान्तिका लागि नेपाली कांग्रेसले चितवनबाट जनजागरण अभियानको शुरुआत गरेको छ।यसैक्रममा नेपाली कांग्रेसले आज चितवनमा एक आमसभा आयोजना गर्यो। सभामा बोल्दै नेपाली काँग्रेसका सभापति गिरीजा प्रसाद कोइरालाले नेपाली काँग्रेस अझैसम्म गणतन्त्रमा नपुगेको तर निरंकुश राजतन्त्रको अन्त्य, पूर्ण प्रजातन्त्र र शान्ति नै काँग्रेसको लक्ष्य भएको बताउनुभयो। पूर्ण प्रजातन्त्रको परिभाषा दिदै कोइरालाले भन्नु भयो, "पूर्ण प्रजातन्त्र भनेको गणतन्त्रको बोर्डर हो, जहाँ राजा अधिकारविहीन हुन्छन्" अब राजाले आफु कस्तो बन्ने भन्ने निर्णय आफै गरुन, उनी अधिकारविहीन सेरेमोनियल राजा भएर बस्ने कि एकादेशमा राजा थिए भनेर इतिहासको किताब बन्ने। सभामा नेपाली कांग्रेसका उपासभापति शुसील कोइराला, महामन्त्री रामचन्द्र पौडेललेपनि बोल्नुभएको थियो।