Student movement rises up




आर आर क्याम्पस अगाडी प्रहरीले फालेको अश्रुग्यास तस्विर: अरुण बराल

काठमाण्डौ, भदौ ९

राजा ज्ञानेन्द्रको नेतृत्वमा रहेको शाही सरकारले पेट्रोलियम पदार्थमा मूल्यवृद्धि गरेपछि प्रतिगमनविरोधी आन्दोलनमा आगोमा ध्यू थपेसरह भएको छ । यतिखेर राजधानीमा विधार्थी आन्दोलन यति धेरै चर्किएको छ कि प्रहरीहरु दिउसै सडकमा भागाभाग गर्न थालेका छन् । विद्यार्थीले दिनहुंजसो राजधानीका क्याम्पस वरपर सडक अवरुद्ध पारिरहेका छन् ।काठमाण्डौमा चारदिन यता विद्यार्थी आन्दोलन सबैभन्दा बढी उत्कर्षमा पुगेको छ । राजधानीबाट सल्किएको विद्यार्थी आन्दोलनको रांको बनेपा, पोखरा, हेटौडा र बिराटनगर हुंदै राजधानी बाहिर पनि फैलन थालेको छ । आज राजधानीको त्रि चन्द्र क्याम्पस र शंकरदेव क्यम्पसबाट बिद्यार्थीहरुको जुलुस निस्क्यो भने नेकपा एमालेलेपनि पेट्रोलियम पदार्थमा मूल्यवृद्धिको बिरुद्धमा सुनधाराबाट जुलुस निकाल्यो ।
सोमबार विद्यार्थीले नयां वानेश्वर चौक केही घण्टा कब्जा गरेर राजा ज्ञानेन्द्रको पुत्ला जलाए । प्रहरीले विद्यार्थीहरु, पत्रकार र बाटो हिंड्ने र्सवसाधारण माथि पनि लाठी चार्ज गरेर भीड हटाउने प्रयास गरे पनि सकेन । मीनभवनस्थित कमर्श क्याम्पस र निषेधित क्षेत्रभित्र पर्ने त्रिचन्द्र, आरआर र ल क्याम्पस वरिपरि टायर बालेर सडक अवरुद्ध पार्नुका र्सार्थ ज्ञानेन्द्को पुत्ला जलाउने, प्रहरीलाई ढुंगा र गुलेली हानेर लखेट्ने तथा मसाल जुलुस प्रदर्शन गर्ने कार्य विद्यार्थीहरुले सफल गरेका छन् ।मंगलबार पद्मकन्या क्याम्पसका छात्राहरुले बागबजार हुदै चारखालसम्म जुलुस पर्दर्शन गरेका थिए । मंगलबार र बुधबार दुबै दिन राजधानीका प्रमुख क्याम्पस शंकरदेव, पशुपति, आरआर, त्रिचन्द्र, सरस्वती, पद्मकन्या, पाटन, इञ्जिनियरिङ्ग, अस्कल र ल क्याम्पस आदिमा प्रहरी र विद्यार्थीबीच मुठभेड भएका छन् । मुठभेडमा दर्जनौ विद्यार्थीहरु घाइते हुने र गिरफ्तारीमा परे पनि प्रहरीहरुलाई क्याम्पस परिसरबाट विद्यार्थीले लघारिरहेका छन् । प्रहरीले फालेको अश्रुग्यास विद्यार्थीले टिपेर उतै फालिदिने गरेका छन् ।

Nepalis are organizing a big protest against the King in the US
वासिंङटन डीसी अमेरिका, भदौ ७
राजा संयुक्त राष्ट्रसंघको महासभामा भाग लिन न्युयोर्क आउने कुरा जति अघि बढ्दै छ उति नै अमेरिकामा रहेका लोकतन्त्रप्रेमी नेपालीहरु संगठितरुपमा राजाको विरोधमा शसक्त रुपमा उत्रिने तयारी गरिरहेका छन् । अमेरिकाका विभिन्न भागमा रहेका प्राध्यापक, डा. बुद्धिजीवी तथा र्सवसाधारण नेपालीहरुले ज्ञानेन्द्रलाई अन्तराष्ट्रिय जगतका सामुन्ने वेइज्जीत गर्नुपर्ने भन्दै विशेष किसिमले आफ्ना कार्यक्रमलाई अगाडि बढाउन लागिपरेका छन् । यसरी विरोध कार्यक्रममा सहभागीका लागि कोलोराडो स्तरका मानवअधिकारवादीहरु, अमेरिकी सिनेटर तथा कंग्रेसम्यानहरुसमेतलाई सहभागी गराउने प्रयासमा नेपालीहरु रहेका छन् । नेपालमा पूर्ण प्रजातन्त्र स्थापना हुन पर्ने मागमा अडिग रहेका कोहीपनि नेपालीहरु नछुटुन् भन‌ेर अहिले नेपालीहरुबिच संचार संवन्धलाइ प्रगाढ पारिदै लगिएको छ ।
आगामी सेप्टेम्बर १६ का दिन न्युयोर्कमा हुन लागेको विरोध पर्दर्शनमा सहभागी हुनका लागि स्वतःस्फर्तरुपले अमेरिकाका फ्लोरिडा, एटलान्टा, न्युजर्सी; भर्जिनिया, वासिंङटन डीसी, बाल्टिमोर, पेन्सिलभेनिया लगायतका विभिन्न भागबाट लोकतन्त्रप्रेमी नेपालीहरुको विशेष सहभागीता रहने भएको छ ।हालै नेपालमा नागरिक समाजद्धारा सम्पन्न विरोध जुलुसमा सहभागीहरुले बोकेका ज्ञानेन्द्रको तस्वीरमा मस्ट वान्टेड, क्रिमिनल लेखिएका प्लेकार्डहरु देखेपछि विदेशमा बस्ने नेपालीहरु अझ शसक्त रुपमा ज्ञानेन्द्रको अमेरिकामा विरोध गर्नुपर्ने बताउन थालेका छन् ।



नागरिक समाजद्धारा हालै नेपालमा आयोजना गरिएको कार्यक‍ममा राजा ज्ञानेन्द्रलाई अपराधि भनेर लेखिएको प्लेकार्ड बोकेका प्रदर्शनकारीहरु

उता न्युयोर्कस्थित केही मण्डलेहरु भने ज्ञानेन्द्रलाई नेपालको राष्ट्राध्यक्षका रुपमा हैन एउटा धार्मिक आस्थाका रुपमा लिनुपर्ने भन्दै हिन्दू धर्मको नाम भजाएर स्वागत तथा अभिनन्दनका लागिपरेका छन् । यसकालागि राजाका विशेष दूतहरु नेपालबाट खर्च लिएर न्युयोर्कमा रहेका नेपालीहरु बटुल्न थालेका छन् । मण्डलेहरुले शाहको अभिनन्दनका लागि हलको बन्दोबस्तो गर्न भने अहिलेसम्म सकेका छैनन् ।राजाको स्वागतकालागि कोलोराडोदेखि न्युयोर्क बाहिर रहेका केही मण्डलेहरुलाई पनि अभिनन्दन कार्यक्रममा सहभागी हुन बोलाइएको छ ।उता अमेरिकाकै न्युयोर्क तथा डीसीका मण्डलेहरुलाई नेपालबाट आइपुगेका मण्डलेहरुले मान्छे जुटाउने काममा परिचालन गरिरहेका छन् । त्यस्तै मान्छे जुटाउने क्रममा न्युयोर्कस्थित एक नेपालीकोमा पुगेका एक मण्डलेलाई मान्छे मार्ने राजालाई के को हिन्दू राजा भनेर अभिनन्दन गर्ने भन्दै ठाडो जवाफ दिएर पठाएका छन् ।
राजाका अभिनन्दनकालागि अमेरिकामा राजनीतिक शरणार्थी लिएर बसेका मण्डलेहरुको चुर्तीफूर्ती विशेष रहेका छ ।उनीहरु न्युयोर्कमा शरणार्थी भएर बसेका तिब्बतीयनहरुलाई विशेष गरेर भेलामा भीड देखाउनका लागि स्थानीय शेर्पा समुदायलाई परिचालन गर्न लागिपरेका छन् ।त्यसो त केही दोधार चरित्रका तर आफूलाई बुद्धिजीवी भन्नेहरु बाहिर बाहिर ज्ञानेन्द्रको विरोध गर्नुपर्ने पनि भन्ने र भित्र भित्रै दर्शनभेट पाउन पायो हुन्थ्यो भन्दै राजदूतमार्फत भेटघाटको समय मिलाउने दाउमा लागि परेका छन् ।
त्यसैगरी उता लसएन्जलसमा www. randa.org भन्ने एक गैरसरकारी संस्थाले भने ज्ञानेन्द्रका लागि एक कार्यक्रमको आयोजना गरिदिनेभएको छ जसका लागि संस्थाले आमन्त्रण गरिसकेको तर उताबाट कुनै जवाफ आइनसकेको कुरा थाहा भएको छ । उक्त संस्थाले विभिन्न देशमा जवरजस्ती शक्ति हात लिएर शासन गरिरहेका व्यक्तिहरु अमेरिका आएको मौकापारेर त्यसक्षेत्रका राजनीतिक ज्ञाताहरुलाई उपस्थिति गर्राई प्रश्नोत्तर कार्यक्रम गर्ने गर्दै आएको छ । विगतमा पाकिस्तानका राष्ट्रपति परवेज मुर्सरफ, स्पेनका प्रधानमन्त्री लगायतका विभिन्न व्यक्तिहरुलाई उक्त संस्थाले उपस्थिति गराइसकेको छ ।

यो समाचार हामीहरुलाई अमेरिकाबाट संचालित नेपाली पोष्टका साथीहरुबाट प्राप्त भएको हो ।

Civil society suggests to the political parties: go directly Republic




काठमाण्डौको बानेश्वरमा शुक्रबार लोकतन्त्र र शान्तिका लागि नागरिक आन्दोलनद्धारा आयोजित विशाल सभामा नागरिकहरुको भाषण   more »