PAPAD protest in forms of peace and democracy


काठमाण्डौ ,भदौ २९
राजा ज्ञानेन्द्रको निरंकुश कदमका विरुद्ध बुधबार बिहान ६ वटा विभिन्न पेशागत संगठनका प्रतिनिधिहरुले काठमाण्डौमा बृहत् र्यालीको आयोजना गरी निशेधाज्ञा तोडेका छन्।शान्ति र लोकतन्त्रको बहालीका लागि पेशागत संस्थाहरुको सञ्जाल (पापड) द्वारा आयोजित सो विरोध र्याली नया बानेश्वरबाट शुरु भई माइतीघरस्थित निशेषित क्षेत्रभित्र आएर कोणसभामा परिणत भएको थियो। बिहान ८ बजेबाट शुरु भएको रर्यालीमा पापडका सदस्य ६ वटै संगठनहरु नेपाल मेडिकल एशोसिएशन, नेपाल प्रध्यापक संघ, नेपाल शिक्षक युनियन, नेपाल बार एशोशिएसन, नेपाल इञ्जिनियरिङ एशोसिएसन र नेपाल पत्रकार महासंघको सहभागिता रहेको थियो। रर्यालीमा वकील, पत्रकार, शिक्षक, प्राध्यापक , इञ्जिनियर, डाक्टर तथा नर्सहरुको उल्लेख्य सहभागिता रहेको थियो।   more »

काठमाडौ, भदौ २८ आज दिउसो भएको आन्दोलनले उपत्यका अत्यन्त तातेपछि अहिले बेलुका कांग्रेस नेता गिरीजा प्रसाद कोइरालाको निबासमा बसेको बैठकले आन्दोलनलाई अझ चर्काएर लैजाने निर्णय गरेको छ।अहिले सांझ भएको यो निर्णले भोलीपनि उपत्यका तात्ने भएको छ। यसैगरि आजको यो बैठकले माओवादीद्धारा घोषित यूद्धबिराम र सात राजनीतिक पार्टी बिच भएका सहमती अनुगमन गर्ने एक समिती गठन गर्ने निर्णय पनि भएको छ। समितीकालागि पूर्व सहजकार पद्मरत्न तुलाधर , नागरिक समाजको नेतृत्व गरिरहेका देवेन्द्र राज पाण्डे, लेखक सि के लाल, पूर्व न्यायधीश लक्ष्मण अर्याल लगायत केही नागरिक समाजका प्रतिनिधीहरु र बार एसोसिएसनका प्रतिनिधीहरुलाई समितीमा रहन अनुरोध गर्ने निर्णय भएको छ । सवैभन्दा ठूलो प्रर्दशन राजाले माघ १९ मा देशको शासनभार लिएपछि आज राजधानीमा सात राजनीतिक दलले सबैभन्दा ठूलो बिरोध प्रर्दशन गरे। विरोध प्रर्दशनका क्रममा आज उपत्यकाबाट पाच शय भन्दा बढी नेता तथा कार्यकर्तालाई प्रहरीले आफ्नो सूरक्षामा लिएको छ। आजको प्रर्दशनमा सातै पार्टीका अधिकांश नेताहरु पक्राउ परेका छन् । आज दिउसो मात्र जुलुश प्रर्दशन हुने भनि सात पार्टीले पहिलेनै कार्यक्रम तय गरेको भएपनि राजधानीको ताहाचल क्याम्पस बिहानैदेखि तनावग्रस्त बन्न पुग्यो। बिद्यार्थीलाई लेखेट्ने क्रममा ताहाचल पुगेका प्रहरीहरुले आज गोली समेत फायर गरे। चिकित्कहरुको एक टोलीले हालै अश्रु ग्यास स्वास्थ्यकालागि खतरा हुने कुरा बताएपनि प्रहरीहरुले आजपनि जथाभावी अश्रु ग्यास हान्नुका साथै लाठी प्रहार गरेका थिए। आजको ...   more »

Protesters continuously defy the governments prohibitory order

निषेधाज्ञा तोड्ने क्रममा लेखक तथा पत्रकार र नागरिक समाजका प्रतिनिधीहरु तस्विर: अरुण बराल

काठमाण्डौ भाद्र २४
नेपालका परराष्ट्रमन्त्री रमेशनाथ पाण्डे संयुक्तराष्ट्र संघीय साधारणसभामा भाग लिन जाने दिन शुक्रबार काठमाण्डौमा नागरिकहरुले विरोध प्रर्दशन गर्दै निरंकुश सरकारका प्रतिनिधिलाई मान्यता नदिन माग गरेका छन। त्यस्तै रत्नपार्कमा राजनीतिक दल तथा साहित्यिक लेखकहरुले निषेधाज्ञा तोड्दै गिरफ्तारी दिएका छन्।
'लोकतन्त्र र शान्तिका लागि नागरिक आन्दोलन'को नेतृत्वमा दिउसो एक बजेदेखि बानेश्वरस्थित सडकको छेउ-छेउमा बसेर शाही सरकारका प्रतिनिधिलाई राष्ट्रसंघमा प्रवेश नदिन माग गर्दै ब्यानर र तुलहरु देखाइएको थियो। सो पर्दशनीमा मानव अधिकारकर्मी तथा नागरिक समाजका कृष्ण पहाडी, साहित्यकार खगेन्द्र संग्रौला, पूर्वमन्त्री तथा नागरिक आन्दोलनका नेता देवेन्द्रराज पाण्डे, नेपाल पत्रकार महासंघका सभापति विष्णु निष्ठुरीको पनि सहभागिता रहेको थियो।
त्यसै गरी दिउसो तीन बजे भोटाहिटी र रत्नपार्क आसपासमा निषेधित क्षेत्र तोड्ने कार्य शुरु भएको थियो। महिलाहरुले सबैभन्दा पहिला निषेधित क्षेत्र तोड्न खोज्दा एमालेकी विद्या भण्डारी, कांग्रेसकी सुजाता कोइराला, मिना पाण्डे लगायत दर्जनौं पक्राउ परेका थिए।
दोस्रो चरणमा लेखक, कलाकार तथा श्रष्टाहरुले निषेधित क्षेत्रमा प्रवेश गरे। यसक्रममा बैरागी काइला, खगेन्द्र संग्रौला, हरीगोविन्द लुइटेल लगायतका लेखकहरु पक्राउ परे।
त्यसैगरी तेस्रोचरणमा सात दलका तर्फबाट निषेधित क्षेत्र तोड्ने प्रयास गरिएको थियो। यसमा नेपाली कांग्रेसका खुमबहादुर खड्का, महन्त ठाकुरलगायतका दर्जनौं नेता तथा कार्यकर्ताहरु पक्राउ परे। उता एमालेका पूर्व सांसद जगन्नाथ खतिवडाको नेतृत्वमा निषेधित क्षेत्रमा कोणसभा गरिएको थियो। सो सभामा लेखक डा. बेञ्जु शर्मा र तीर्थ थापाले मन्तव्य व्यक्त गरेका थिए। उता विद्यार्थीहरुले प्रहरीले ३४ जनलाई गिरफ्तार गरेको विरोधमा शुक्रबार बिहानैदेखि बेलुकासम्म शंकरदेव क्याम्पस आसपासकाने पुतली सडक अवरुद्ध पारेका थिए भने प्रदर्शनीमार्गमा पनि रत्नराज्य क्याम्पसका विद्यार्थीहरुबाट केही घण्टा बाटो अवरुद्ध पारिएको थियो।

Capital heats up with the seven party movement
Dozens injoured,over 150 arrested



आइतबार सात राजनीतिक पार्टीहरुद्धारा आयोजनागरिएको सडक आन्दोलनको क्रममा निषेधाज्ञा तोड्ने क्रममा आन्दोलनकारीहरु । यसको लगत्तै सूरक्षाकर्मीले नेता तथा कार्यकर्ताहरुमाथि आक्रमण गरेका थिए। फोटो : सालोक्य/मेरो संसार

काठमाण्डौ, भाद्र १९
सात राजनैतिक दलहरुकले सञ्चालन गर्दै आएको राजधानी केन्द्रित आन्दोलनले एकाएक तीब्र रुप लिन थालेको छ। यसै शिलशिलामा आइतबार सडकमा उत्रिएका हजारौं पर्दशनकारीलाई सरकारले निर्मम कुटपिट गर्नुका साथै गिरिजाप्रसाद कोइराला र एमाले महासचिव माधवकुमार नेपालसहित सयभन्दा बढी नेता-कार्यकर्तालाई निषेधित क्षेत्र बाहिरैबाट पक्राउ गरेर निर्लज्ज व्यवहार देखाएको छ ।
आइतबार न्युरोड क्षेत्रमा प्रतिगमनविरुद्ध प्रदर्शन गर्नेक्रममा नेपाली कांग्रेसका नेताहरु सुशील कोइराला, रामचन्द्र पौडेल, अर्जुननरसिंह केसी, रामशरण महत, मीना पाण्डे, दीलबहादुर र्घर्ती, दिलेन्द्रप्रसाद बडू, डा. रामवरण यादव, दलदेब शर्मा मजगैया र महन्त ठाकुरलाई प्रहरीले गरिफ्तार गरी महेन्द्र पुलिस क्लबमा थुनेको थियो ।
त्यसैगरी एमाले नेता बामदेव गौतम, केशब बडाल, झलनाथ खनाल र संगठन विभाग प्रमुख विष्णु पौडेललाई पनि महेन्द्र पुलिस क्लबमा थुनिएको थियो। प्रहरीले गरेको लाठीचार्जबाट झलनाथ खनालको खुट्टामा चोट लागेको र बामदेव गौतमसमेत घाइते भएको एमाले नेता विष्णु पौडेलले महेन्द्र पुलिस क्लबबाटै बताउनुभयो। नेकपा मालेका महासचिव तथा संयुक्त बाममोर्चाका सीपी मैनाली पनि पुलिस क्लबमै थुनिनु भएको थियो।
पर्दशनकारीहरुले निषेधित क्षेत्र तोड्ने लक्ष्य राखेको भए पनि प्रहरीले निषेधित क्षेत्र बाहिरैबाट गिरफ्तार गरेर प्रजातान्त्रिक अधिकारलाई कुण्ठित पारेको आन्दोलनकारीहरुले बताएका छन्। बसन्तपुर दरबारबाट जुलुस निकाल्ने तरखर गरिरहेका बेला कसैलाई न्युरोड गेटबाट त कसैलाई जुद्ध समशेरको शालिक अगाडिबाट पक्राउ गरी गाडीमा हालिएको थियो। शीर्षस्थ नेताहरुलाई प्रहरीले पक्रन खोज्दा भएको तानातानमा परी कांगे्रस सभापति गिरिजाप्रसाद कोइराला सडकमै केहीबेर मूर्छा पर्नुभयो। उहांलाई प्रहरीहरुले उपचार गर्न लान्छौं भन्दै अन्त्यमा महाराजगञ्जस्थित निवासमा पुर्याएर छाडिदिएको थियो। त्यसै गरी एमाले महासचिव नेपाललाई प्रहरीले पक्राउ गर्ने कसरत गर्दा निकैबेर तानातान भएको थियो। प्रहरीले पक्राउ गरेका सबैजनालाई सांझमा थुनामुक्त गरिएको छ।
माघ १९ पछि आइतबार राजधानीमा भएको यो झडपलाई सबै भन्दा ठूलो मानिएको छ। विशेष गरी न्युरोड गेटमा दिउंसो ३ वजेदेखि ५ बजेसम्म यातायात र पसलहरु पूरै अवरुद्ध भएको थियो।प्रहरीले कुइरीमण्डल हुने गरी अश्रुग्यास प्रहार गरेको थियो।यसैबीच सात राजनैतिक दलहरुको बैठक पनि आइतबार नै बसेको छ। माओवादीसंग सात दलले वर्ता गर्ने निर्णय गर्नुका साथै निषेधित क्षेत्र तोड्ने निर्णय गरेको सहभागीहरुले जानकारी दिएका छन्।