Nepal Info

जनताको जितपछि नयां अनुहारमा मण्डले

Nepal Info — Thu, 27 Apr 2006 15:56:00 +0200

Punishment to royalist

साभारः गणतन्त्र नेपाल

उठे जापानका नेपाली पनि निरङ्कुशतालाइ पछार्न

Nepal Info — Wed, 29 Mar 2006 01:26:00 +0200

Nepalis in Japan prepare to protest Nepal King's autocratic rule
जापान, चैत १६
जापानमा बसोबास गरिरहेका केहि नेपालीहरु मिलेर नेपालको प्रजातान्त्रिक आन्दोलनलाई समर्थन गर्ने उदेश्य राखि विरोध प्रदर्शनको तयारि भइरहेको खवर प्राप्त भइरहेको छ। तर उक्त विरोध कार्यक्रम कुन दिन हुने भन्ने कुरा अहिले सम्म गोप्य राखिएको जनाउदै हाम्रा सहयोगीले थपे निश्चयनै जापानमापनि यस्तो कार्यक्रम हुनेछ। त्यसकालागि हामीहरुले नेपालीहरुबिच संपर्क बढाउने काम गरिरहेका छौं। पहिला देखिनै विरोध कार्यक्रम गर्ने भन्दा भन्दै त्यहा केहि महिना पहिला युवाराज पारस दम्पतीको सवारी भएको र मै हु भन्ने नेपालीहरु पारसका पाउमा पर्न गएका कारण धेरैपछि मात्र शान्ति तथा लोकतान्त्रिक मन्च गठन भएको जनाइएको छ। नेपाली आन्दोलनलाई सहयोग गर्ने भन्दै अहिले जापानबाटपनि लोकतन्त्र व्लग स्पोट भन्ने व्लगपनि संचालन गरिएको छ।

उनी को थिइन मैले चिनिन

Nepal Info — Wed, 29 Mar 2006 00:36:00 +0200

Photo feature of Paris Protest
Text and photos by Anuradha Poudel

तस्विर र आलेख सबै अनुराधा पौडेल

पारसको भ्रमण अर्थहिन । एक साता भन्दा बढी कर्मचारीलाई दिन ठीक्क पारेको ६ करोड रुपैया बोकेर झन्डै आधा महिना मुलुकबाहिर बिताउने पारसको भ्रमण के उदेश्यले महत्वपूर्ण भयो ? थप तस्विरहरु यहा क्लिग गरेरपनि हेर्न सक्नुहुन्छ भने यहा नभएका तस्विरहरु भित्र हेर्न सक्नुहुन्छ।

पेरिस चैत १६
पेरिसमा पारस विरुद्ध प्रदर्शन भएकोपनि तीन दिन वितिसकेछ। व्लगमा हुन्छ नि तस्विरहरु राख्दै गरौला भन्दा भन्दै फुर्सद नमिलेर मैले आज ढीलो गरि केही तस्विरहरु राखेको छु। बरु अरु मिडीयाका साथिहरुले पाएजति समाचार र तस्विरहरु दिइसक्नुभो जसले गर्दा अव बाकी के नै रह्यो र जस्तो लाग्यो । तर फेरि क्यामेरा हेर्दै जादा केहि नया तस्विरहरु फेला पारेकोले आज प्रकाशित गरेको छु। बाकी तस्विरहरु भित्र

कालो झन्डा देखाउदाका दृष्यहरु

Nepal Info — Mon, 27 Mar 2006 10:46:00 +0200

आलेख र तस्विरहरु अनुराधा पौडेल
Text and photos by Anuradha Poudel

हाम्रा राजाबाट भाषण गर्दा सधै पशुपतिनाथले रक्षा गरुन् भन्ने बाक्य प्रयोग गरिन्छ। पशुपतिनाथको अर्थ पशुकापति। त्यसैले हिजोपनि राजाको उक्त बाक्यलाई शिरोधार्य गर्दै पशुकापति बनाइयो । पशुकापतिले नै राजा र राजपरिवारका सदस्यको रक्षा गर्छन् र पशुपतीलाई राजपरिवारले खुव माया गर्छ भन्ने कुरा त राजा रानी नै पशुपतिनाथका हर्ताकर्ता भएबाट पुष्टि हुन्छ।

पेरिस, चैत १४
गत माघ १९ गते नेपालको निरंकुश राजसत्ताका बिरुद्ध संसारभर प्रदर्शन हुदा पेरिसमा हुन सकेन । त्यसको अर्थ पेरिसका नेपालीहरुले राजाको शासनलाई मन पराएर हो भन्ने होइन । बास्तवमा यहाका नेपालीहरु झन विद्रोही रहेछन् र निरकुश सत्ताका बिरुद्ध तिब्र आक्रोश पोख्दा रहेछन् भन्ने कुरा हिजोको प्रदर्शनले देखायो। बाकी तस्विरहरु भित्र हेर्नुहोस

पेरिसका नेपालीहरुले पारसलाई कालो झन्डा देखाए

Nepal Info — Sun, 26 Mar 2006 22:25:00 +0200

Nepal Prince enjoys black flag welcome in Paris

पेरिस चैत १३
फ्रान्सको राजधानी पेरिसमा आज नेपालीहरुले उत्साह पूर्वक पारसलाई कालो झन्डा देखाउने काम सम्पन्न गरेका छन्। पारसलाई कालो झन्डा देखाउन आज बेल्जियम र जर्मनीबाट समेत नेपालीहरु आइपुगेका थिए।
प्रदर्शनकाबेला झरीले चुट्ने भो भनि गरिएको पूर्वअनुमान विपरीत आजको मौसमले समेत नेपालीहरुलाई साथ दियो। सोचेको संख्यामा भन्दा बढी नेपालीहरु कार्यक्रममा भाग लिन आएपछि त्यहाको रौनक आज रत्नपार्कको भन्दा कम थिएन। समाचार र तस्विरहरु बिस्तृत रुपमा भोली बिहान हेर्न सकिनेछ।

पारसलाई कालो झन्डा देखाउने तयारी पुरा

Nepal Info — Sun, 26 Mar 2006 00:20:00 +0100

No autocract in the democratic country

पेरिस, चैत १२
अष्ट्रियाबाट आज मात्र पेरिस आइपुगेका यूवराज पारसलाई पेरिसबासी नेपालीहरुले कालो झन्डा देखाउने कामको पूर्ण तयारी पूरा भएको छ । कालो झन्डा देखाउने अन्तिम तयारी स्वरुप आज कालो झन्डा तयार पार्ने, कार्टुन चित्रहरु बनाउने ,व्यानर तथा पोष्टरहरु तयार पार्ने र नाराहरु लेख्ने काम पूरा भएको छ।
व्यानरहरु र पोष्टर पाम्पलेटहरु तयार पार्न आज यहाका केहि नेपालीहरुको उत्साहपूर्वक सहयोग रह्यो। फ्रान्समा सप्ताहन्तमा मात्र धेरै नेपालीहरुलाई फूर्सद हुनेभएकोले सबै तयारी आज गर्नुपरेको हो। नेपाल बारे तहल्कापूर्ण रिपोर्टिग गरिहने एक फ्रान्सेली पत्रकार भिन्सेन्ट प्राडो पोष्टर पाम्पेलिटग तयार पारेको दृष्य कैद गर्न आज नेपालीहरुसंग तिन घन्टा समय विताए । भोलीको प्रदर्शनमा उनी सहित यहाका केहि पत्रकारहरुसमेतले भाग लिनेछन्।
फ्रान्समा नेपाली प्रजातान्त्रिक ‌आन्दोलनको समर्थनमा निस्केको यो पहिलो जुलुश हो । फ्रेबुअरी एकमा संसारभर राजाको शासनको विरोध भएपनि फ्रान्समा यसको विरोध हुन सकेको थिएन । राजाको शासनको भित्र भित्र विरोध भइरहेपनि अन्तत एउटा मन्च गठन भएपछि धेरै नेपालीहरुलाई यसमार्फत विरोध जनाउन सजिलो परेको छ।
फ्रान्सको राजधानी पेरिसमा जम्मा जम्मी पाचशय नेपालीहरु बसेको अनुमान गरिन्छ । तर यि मध्ये जम्मा तिनशय नेपालीहरुमात्र संपर्कमा रहेका कारण धेरै नेपालीहरुलाई चाहेरपनि संपर्क गर्न नसक्ने अवस्था आइपरेको छ। र संपर्कमा रहेका नेपालीहरुलाईपनि दूतावासले कतिपय अवस्थामा प्रलोभन बांडेर र कतिपय अवस्थामा धम्काएर सकेसम्म विरोध कार्यक्रममा सहभागी नवन्न कोशिष गरिरहेको छ।
दूतावासको नजिक रहेका तर यहा बस्ने अनुमती नमिलीसकेका नेपालीहरुलाई दूतावासले त्यहा गइस भने तेरो पोल खोल्दिन्छु भन्दै धम्की दिएको कारण केहि नेपालीहरु भोलीको प्रदर्शनीमा सहभागी हुन नसक्ने अवस्था रहेको छ। तर ठीक यसको उल्टो नेपाल प्रेमी फ्रान्सेलीहरुको भोली उल्लेख्य सहभागिता रहेने भएको छ भने जर्मनी र बेल्जियमबाट समेत केहि नेपालीहरु यो कार्यक्रममा भाग लिन आउनेछ्न।
उता भोली सांझ युनेस्कोको केन्द्रिय कार्यालय भवनमा यूवराजलाई डिनर दिने कार्यक्रम राखिएको छ। केही नेपालीहरुको गोजी र राजदूतावासको कोषबाट खर्च व्यहोर्ने गरी दिन लागिएको उक्त भोज कार्यक्रममा सहभागी बन्न केहि भारतीय पाकिस्तानी भुटानी र अन्य मुलुकका नागरिकहरुलाई आमन्त्रण गरिएको छ। आज चलेको काइकुइ अनुसार यूवराजको उक्त भोज विरोधका कारण बन्द गरिने भन्ने हल्ला चलाइएको छ । तर भोली मात्रै के हुनेछ भन्ने थाह हुनेछ किनभने दुतावासले यूवराजको भ्रमण सम्वन्धि सारा कार्यक्रम अत्यन्त गोप्य राखेको छ।

बिरोध प्रदर्शनमा मिडीया मिसन

Nepal Info — Wed, 22 Mar 2006 23:48:00 +0100

International Media Mission in Kathmandu

तस्विर: सालोक्य/ मेरो संसार
काठमाडौ ,चैत ९
बुधबार राजधानीमा भएको संचारकर्मीहरुको प्रदर्शनमा सम्मिलित अन्तराष्ट्रिय मिसनका सदस्यहरु । गत बर्षको कार्यक्रमलाई निरन्तरता दिदै यस बर्षपनि अन्तराष्ट्रिय मिसन नेपालको प्रेसको स्थिति बुझ्न नेपाल पुगेको छ। आजको काठमाडौ प्रदर्शनमा मिसनको तर्फबाट ज्याकुलिन पार्कले बोल्दै प्रेस स्वतन्त्रताको विरुद्ध सरकारले गरेको ज्यादतीको आलोचना गर्नुभयो। मिसनका केहि सदस्यहरु यतिबेला मुलुकका विभिन्न भेगमा प्रेसको स्थिति बुझ्न पुगेको छ।

नेविसङ्का विध्यार्थिद्वारा सुशिल कोइरालामाथि कुटपिट

Nepal Info — Sat, 18 Mar 2006 17:17:00 +0100

NSU students attack Sushil Koirala
काठमाडौं, चैत्र ५
नेपाली कांग्रेसको भातृ विद्यार्थी संगठन नेपाल विद्यार्थी संघका असन्तुष्ट पक्षले उपसभापति सुशील कोइरालामाथि हातपात गरेका छन्। विहिवार नेविसंघको कार्यालयमा तोडफोड गरेको आरोपमा कार्वाहीमा परेका विकास कोइराला लगायतका करिव एक सय जनाको समुहले आफुहरुमाथिको कार्वाही पूर्वाग्रहपूर्ण रहेको गुनासो नसुनेको भन्दै उपसभापतिमाथि हातपात गरेका थिए। गुनासो गर्न बुद्धनगरमा रहेको कोइराला निवास पुगेका विद्यार्थीलाई नेता कोइरालाले 'तिमीहरु सवै मण्डले हौं' भनेपछि विद्यार्थी नेता नारायण भारतिले कोइरालाको छातिमा मुक्का प्रहार गरेका थिए। कोइरालाले अशन्तुष्ट विद्यार्थीको समुहलाई दरवारवाट सञ्चालीत भएको र विदेशीको इसारामा डलर खाएर पार्टीको अहितमा लागेको आरोप लगाउनुभएको एक विद्यार्थी नेताले बताए।
भारतीले आफुलाई अपमानजनक ढंगले मण्डलेको आरोप लगाएपछि सहन नसकेर हातपात गरेको स्वीकार गर्नुभयो । उहाँले राजाका विरुद्ध आफु आन्दोलनमा लागि रहदा पनि कोइरालाले मण्डले भनेर आफुलाई अपमानीत गरेको भारतिले बताउनुभयो। कोइरालामाथि जाइलागेका भारतीलाई कांग्रेस पार्टी कार्यालायका सचिव दिवाकर गौतमले छुट्याउनु भएको थियो ।
नेविसंघको कार्यालयमा तोडफोड गरेको आरोपमा नेविसंघले शुक्रवार सात जना विद्यार्थी नेतालाई संघको साधारण सदस्य समेत नरहने गरी कार्वाही गरेको थियो। संघको निर्वाचित कार्यकालमा अध्यक्ष गुरुराज घिमिरे, महासचिव गगन थापाको निस्कासन संगै कोइराला विद्यार्थी नेताविच अलोचनाको पात्र बन्दै आउनुभएको छ। विवादका कारण नेविसंघको पोखरा महाधिवेशन स्थगित भएपछि संघमा गरिएको मनोनयनसंगै कोइराला विद्यार्थी माझ झन् अलोकप्रिय बन्नुभएको थियो। विद्यार्थीहरुले आफ्नो आसोपासेलाई संघमा मनोनयन गरेको कोइरालामाथि आरोप लगाउँदे आएका छन्। स्वतन्त्र समाचार सेवा

नेपालमा प्रजातन्त्र हुनैपर्छ: चीन

Nepal Info — Fri, 17 Mar 2006 19:51:00 +0100

Democracy should be reinstalled in Nepal: China
काठमाडौं, चैत्र ४
"लाटो खान्छ एक् बल्ड्याङ, बाठो खान्छ सय बल्ड्याङ" यो नेपाली उखान यतीखेर निरङ्कुश सरकारलाई ठ्याक्कै मिलेको छ। निरन्कुश राजादेखि उनका टिके मन्त्री र सैनिक प्रमुख प्यारजङ थापा सम्मले चीनको भ्रमण गरे पानी पधेरो गरेझै। जनतामाथि डोजरले पेलेझै गरेर सर्बसाधारण जनतालाइ मार्दै र सार्वजनिक ठाउमा आतङ्क फैलाउदै हिड्ने पारश शाहले समेत चीनको भ्रमण गरेर चीन नेपाली निरङ्कुश राजतन्त्रसङ्ग सतीनै जान तयार छ जस्तै गरेका थिए। जनताको रकममा चलेका सरकारी सन्चार माध्यमले तिललाइ पहाड बनाएर प्रचार प्रसार गरे चीन दाहिना भय कसैको केहि लाग्दैन भनेर। जनताको रकम खाएर भए नभएका कुरा दिदै जनतालाईनै ढाट्नु सम्म ढाटे तीनले।

गृहमन्त्रीले टेकेपछि इलाममा गउत छर्कियो

Nepal Info — Thu, 09 Mar 2006 08:27:00 +0100

स्वतन्त्र समाचार सेवा
इलाम ,फागुन २५
गृहमन्त्री कमल थापाले टेक्दा इलाम बजारनै अपवित्र भएको ठहर गर्दै आज इलामका महीलाहरुले इलाम बजारमा गउत र्छर्के। माओबादी आक्रमणबाट भएको क्षतिको अबलोकनका लागि गृहमन्त्री थापा इलाम पुगे लगत्तैदेखि इलामका महिलाहरुले नाराबाजी सहित गउत र्छकर्न थालेका थिए। महिलाहरुले टुडिखेलदेखि प्रकासपथ, मालापथ हुदै चौक बजार सम्म गउत र्छर्केका हुन।
अन्तराष्ट्रिय नारी दिबस मुल आयोजक समितिले गउत र्छकन थाले पछि स्थानीय महीला संघ संगठन, स्ववियु लगायतका बिभिन्न संघ संस्थामा आबद्ध महीलाहरुले अभियानमा सहभागीता जनाएका थिए।साढे दश बजेबाट सुरु भएको गउत र्छकने अभियानको अघुवाई महीला जागरण संघकी अध्यक्ष बिष्णु दाहालले गर्नु भएको थियो।
गृहमन्त्री कमल थापा भने स्थानीय सुरक्षा निकायका प्रमुख संगको कुराकानी पछि परिबार नियोजन संघ इलामले आयोजना गरेको अर्न्तकृया कार्यक्रमको उद्घाटन गरेर खोटाङंको सुरक्षा स्थितीका बारेमा जानकारी लिन खोटाङं जानु भयो।

नेता व्यूताउंन नागरिक सभा

Nepal Info — Sat, 25 Feb 2006 00:24:00 +0100

Respect seven party-maoist understanding: civil society

तस्विर: उमेश श्रेष्ठ
काठमाडौ फागुन १२
अमेरिकी राजदूतले आन्दोलनकारी दलहरुलाई माओवादी संझौताबाट एक्लाउन गरेको प्रयत्नपछि सेलाएको आन्दोलनलाई तताउन आज फेरि राजधानीमा नागरिक समाजका मानिसहरु बोले। माओवादीलाई एक्लाउने कामको विरोध गर्दै बक्ताहरुले माओवादी समझदारीदेखि खुट्टा नकमाउन पार्टीहरुलाई आग्रह गरे। कार्यक्रममा प्राध्यापक कृष्ण खनाल, निलाम्बर आचार्य, नेपाल पत्रकार महासंघका सभापति बिष्णु निष्ठुरी र नेपाल कम्युनिष्ट पार्टी एमालेका प्रदीप ज्ञवाली लगायतकाले बोलेका थिए भने विभिन्न कवि तथा कवयत्रीहरुले लोकतान्त्रिक कविताहरु वाचन गरेका थिए।

चैत २१ बाट अनिश्चितकालीन नेपाल बन्द

Nepal Info — Sun, 19 Feb 2006 14:33:00 +0100

Indefinite strike from April third
काठमाडौं/ फागुन ७
नेकपा माओबादीले आगामी चैत २१ गतेबाट अनिश्चितकालीन देशव्यापी राजनीतिक हड्तालको घोषणा गरेको छ।जस अनुसार यातयात, कलकारखाना, वजार, शिक्षणसंस्था र कार्यालयहरु वन्द रहने माओबादीले जनाएको छ ।यसैगरी चैत्र १ गतेवाट राजधानी काठमाण्डौं उपत्यका र जिल्ला/अञ्चल/क्षेत्रीय सदरमुकामहरूको नाकावन्दी र चक्काजाम गर्ने पनि माओबादीले उल्लेख गरेको छ ।माओबादीका अध्यक्ष प्रचण्ड र वृहद राष्ट्रिय राजनीतिक सम्मेलन आयोजक समितिका संयोजक बाबुराम भट्र्राईद्धारा आज जारी विज्ञप्तीमा सो कुरा उल्लेख छ। बक्तब्य हेर्ने भए अट्याच्मेन्ट फाइलमा क्लिक गर्नुहोस।

स्ववियु निर्वाचन फेरी भाडिने सङ्केत

Nepal Info — Fri, 17 Feb 2006 14:49:00 +0100

Lets use students election as a toll of revolution: maoists' student wing
काठमाडौं,फागुन ५
नेकपा (माओवादी)को भातृ सँगठन अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) ले शाही सत्ताले विद्यार्थी आन्दोलनमाथि तीव्र दमन गरिरहेको, कैयौं विद्यार्थीहरुको हत्या गरेको, कैयौंलाई बेपत्ता बनाएको र सयौं सयौंलाई क्याम्पस-क्याम्पसबाटै गिरफ्तार गर्ने र थुन्ने काम गरेकोले गिरफ्तार सम्पूर्ण विद्यार्थीहरु रिहा नहुदासम्म स्ववियु निर्वाचनको कुनै औचित्य नभएको बताएकोछ ।
उक्त विद्यार्थी सँगठनका तर्फबाट अध्यक्ष लेखनाथ अधिकारिद्बारा आज जारी बिज्ञप्तिमा विद्यार्थी नेता-कार्यकर्ताहरु रिहा नहुदासम्म तीनको रिहाइकै लागि सङ्घ्रष गर्न आग्रह गरिएकाले निर्वाचन भाडिन सक्ने सम्भावना बढेको हो ।
स्ववियु निर्वाचनको बलियो प्रतिस्पर्धी संगठन अखिल (क्रान्तिकारी) माथि प्रतिबन्ध लगाएको अवस्थाका कारण पनि क्याम्पसभित्र मुख्यतः निर्वाचनमा खुला ढंगले सहभागी बन्न सक्ने स्थिति नभएको दाबी गर्दै बिज्ञेप्तिमा धम्किदिदै भनिएको छ- यो अवस्थामा निर्वाचन गराउनु भनेको घोर अवैधानिक काम गर्नु हो । त्यसकारण संबन्धित प्रशासनले अखिल (क्रान्तिकारी) ले निर्वाचनमा जाने सहज वातावरण निर्माण नगर्दै निर्वाचनको प्रक्रिया अगाडि बढाउछ भने उसका लागि यसको मूल्य निकै महंगो बन्ने निश्चित छ ।

राजतन्त्र विरुद्ध भारतमा बिशाल प्रदर्शन

Nepal Info — Sun, 12 Feb 2006 23:42:00 +0100

Thousands marched against Nepali autocratic monarchy in India
Rewati Sapkota, New Delhi
माओवादीलाई हतियार नत्याग्न आग्रह

रेवती सापकोटा
नयाँ दिल्ली,माघ ३०

तस्विरहरु सबै: अरुण जोशी

नेपालमा जारी लोकतान्त्रिक आन्दोलन प्रति समर्थन जनाउदै भारतको राजधानी नयाँ दिल्लीमा आईतबार फेरि बिशाल प्रदर्शन भएको छ। राजतन्त्रको बिरुद्ध अन्तिम जनबिद्रोहको दिशामा अघि बढौ भन्ने नारा दिईएको सो प्रदर्शनमा ५० हजार भन्दा बढीको उपस्थिति रहेको दावी गरिएको छ। नयाँ दिल्लीमा नेपाली लोकतान्त्रिक आन्दोलनको पक्षमा यस अघि निस्केको जुलुस भन्दा यो सबै भन्दा ठुलो हो। सधै नयाँ दिल्लीको जन्तरमन्तरमा हुने धर्ना जुलुस र सभा यसपटक भने बढी उपस्थितिका कारण दिल्लीको रामलीला मैदानमा आयोजना गरिएको थियो।

जेलभित्रै गणतन्त्रको बहस !

Nepal Info — Sat, 11 Feb 2006 17:19:00 +0100

Political discussion for Republican set up in the prison !
Nepal Info

नेपाल इन्फो
काठमाडौ,माघ २९
जेल हालेर मुख थु्न्ने प्रयत्न गरेपनि नेता तथा कार्यकर्ताले बोल्न छाड्दैनन भन्ने कुरा महिला विकास प्रशिक्षण प्रतिष्ठान जावलाखेलमा राखिएका बन्दीहरुले सरकारलाई देखाइदिएका छन्। महिला बिकास प्रशिक्षण प्रतिष्ठानमा अहिले करिव दूइ शय जना नेता कार्यकर्ता र मानवअधिकारकर्मीहरु थुनिएका छन्। सरकारको नगरपालिका निर्वाचन अगावै थुनिएका यि कार्यकर्ता तथा नेताहरुले अहिले दैनिक भावी नेपालको संरचना बारे दैनिक बहस चलाइरहेका छन्।
हरेकदिन बेलुका ४ बजेदेखि ७ बजेसम्म चल्ने उक्त बहस महिला बिकास प्रशिक्षण प्रतिष्ठानको हलमा संचालन हुने गर्छ। रातमा लस्करै लाइन लागेर भूइमा सुत्ने नेता तथा कार्यकर्ता दिउसो भने छलफल कार्यक्रममा व्यस्त हुने गरेका छन्। 'हामी यहाबाट बाहिर निस्कदा गणतन्त्र नेपाल कस्तो हुनुपर्छ भन्ने खाका बोकेर निस्कने छौं' उक्त थुनामा रहेका मानवअधिकारकर्मी वासु देवकोटाले हामीलाई टेलिफोनमा जानकारी दिनुभयो। उक्त ठाउमा नेपाली कांग्रेसका महन्थ ठाकूर, नेकपा एमालेका नेता रघु पन्त, मानबअधिकारकर्मी गोपाल शिवाकोटी चिन्तन, प्राध्यापक संघका अध्यक्ष भूपती ढकाल, चरण प्रसाइ, लोक गायक नन्दकृष्ण जोशी लगायतका व्यक्तित्वहरु रहेका छन्। उनीहरुसंग दैनिक त्यहा रहेका अन्य कार्यकर्ताहरुले आ आफ्ना जिज्ञासाहरु राख्ने र नेताहरुलाई गणतन्त्रको दिशा समात्न आव्ह्वान गर्ने गरेका छन्।

विराटनगरमा गोली चल्यो

Nepal Info — Wed, 08 Feb 2006 07:21:00 +0100

Government opens fire in Biratnagar
काठमाडौं,माघ २६
निर्वाचन वहिष्कार गर्न गएका राजनीतिक दलका नेता तथा कार्यकर्तामाथि सुरक्षाकर्मीले विराटनगरमा गोली चलाएको छ। १०.३० बजे बिहान एमाले नेता राजेन्द्र पाण्डेले दिएको जानकारी अनुसार, विराटनगर उपमहानगरपालिका-१५ मा रहेको मतदान केन्द्रमा एमाले कार्यकर्ता भानुराज कोइरालाले मतदान केन्द्रभित्रै छिरेर मतदान वहिष्कार गरौं भन्ने नारावाजी गरेपछि सुरक्षाकर्मीले गोली चलाएका हुन। गोली चलेपछि त्यहाँ भागदौड मच्चिएको छ।कोइरालालाई पक्राउ गरिएको छ। कोइराला मतदाताको हैसियतमा केन्द्रमा छिरेका थिए। उनले त्यहाँ रहेको मतदाता नामावली समेत कब्जामा लिएका थिए।बिस्तृत विवरण भने अाउन बांकी छ।
स्वतन्त्र समाचार सेवा

राजधानीमा बिहानैदेखि धरपकड

Nepal Info — Wed, 08 Feb 2006 07:19:00 +0100

मतदान गर्ने भन्दा वहिष्कार गर्नेको चहलपहल
Dozens arrested from Kathmandu

स्वतन्त्र समाचार सेवा
काठमाडौ,माघ २६
नगर निर्वाचन वहिष्कारवादीको पकड देखेर तर्सिएको सरकारले सरकारले सात दलका नेता कार्यकर्तालाई बुधबार बिहानैदेखि ब्यापक घरपकड गरेको छ। नेपाल विद्यार्थी संघका नेता रमेश रायमाझीलाई बिहानै कंलकीस्थित घरबाट पक्राउ गरिएको छ।

मतदान बिथोले गोली हानिनेछः गृह मन्त्री

Nepal Info — Tue, 07 Feb 2006 21:15:00 +0100

Authority will shoot those trying to disrupt the polls: Home minister Thapa

स्वतन्त्र समाचार सेवा
काठमाडौं माघ २५
बुधबार हुने नगर निर्वाचनको वहिष्कार अभियान चर्किरहँदा अत्तालिएको सरकारले मतदान बिथोल्नेमाथि गोली हान्ने धम्की दिएको छ।मंगलबार अकस्मात गृह मन्त्री कमल थापाले पत्रकार सम्मेलन गरी मतदान बिथोल्न खोज्नेहरुलाई सुरक्षाकर्मीलाई गोली हान्ने अधिकार दिइएको जानकारी दिनुभयो।सात दलले निर्वाचन वहिष्कारका लागि शान्तिपूर्ण आन्दोलन गरिरहेका छन भने माओवादीले नेपाल बन्द गरेको छ। राष्ट्रिय र अन्तराष्ट्रिय स्तरबाट यो निर्वाचनको वैधानिकतामाथि ठूलो प्रश्न उठिरहेको छ। नगर निर्वाचनमा पुरै राज्यशक्ति प्रयोग हुँदा समेत आधा भन्दा बढी स्थानमा उम्मेदवारी परे। बलपूर्वक उम्मेदवारी बनाई निर्विरोध भएकाहरुले समेत पदबाट धमाधम राजीनामा दिदै निर्वाचनको विरोध गर्न थालेका छन।सात दल र माओवादीको रणनीतिबाट अत्तालिएको मन्त्रिपरिषद्को हालै बसेको बैठकले पनि निर्वाचन बिथोल्न खोज्नेमाथि कारवाही गर्न सुरक्षाकर्मीलाई असिमिति अधिकार दिने निर्णय लिएको थियो।

देशैभरी विष्फोट, दोहोरो फाइरिग र भिडन्त जारी

Nepal Info — Tue, 07 Feb 2006 08:18:00 +0100

Clash in Kavre and Udayepur, over half dozen killed
काठमाडौ, माघ २५
नेकपा माओवादीले राखेको सात दिने नेपाल बन्दका क्रममा देशैभरी विष्फोट दोहोरो फाइरिग र भिडन्त जारी छ। नगर निर्वाचनालाई पूर्ण रुपले असफल पार्ने भन्दै माओवादीहरुले यो बन्दको आयोजना गरेका हुन् । नेकपा माओवादीसंग १२ बुदे संझौता गरेका पार्टीहरुले भने यसअघिनै नगर निर्वाचन कार्यक्रम असफल भैसकेकोले नेपाल बन्दको अौचित्य समाप्त भएको भन्दै मांओवादीहरुलाई नेपाल बन्द फिर्ता लिन आव्ह्वान गरिसकेका छन्।
नेपाल बन्दको आज तस्रो दिन जनजिवन क्रमश सामान्यिकरण बन्दै गएपनि काभ्रे र उदयपूरमा दोहोरो भिडन्त भएको छ। हिमाल खवरका अनुसार त्रियुगा नगरपालीका वडा न. १ कदमगाछी हुदै सदरमुकाम आईरहेको माओबादी समुह र गस्तिमा रहेको सुरक्षाफौज बीच राती साँढे ८ वजेबाट सुरु भएको भिडन्तमा परि सुरक्षाफौज तर्फ जमदार बालकुमार पौडेल सहीत ५ जनाको ज्यान गएको छ । यसैगरी पछिल्लो पटक पनौतिमा भएको आक्रमणमा परि १ सर्वसाधारण २ सुरक्षाकर्मी तथा २ माओवादीको मृत्यू भएको छ। स्थानिय पत्रकार भोजराज तिमल्सिनाले हिमालखबरलाई बताए अनुसार मृत्यु हुने सर्वसाधारणमा पनौती–५ का गणेशलाल श्रेष्ठ, प्रहरी जवान राजेश सिलवाल तथा दोलखा घर भएका सैनिक जवान रविन श्रेष्ठ रहेका छन्।बाकी यहा हेर्नुहोस।

उपसचिवद्धारा निर्वाचन वहिष्कार गर्न आहृवान

Nepal Info — Mon, 06 Feb 2006 20:09:00 +0100

अपडेट
मूख्य सचिव लोकमान शिह कार्कीले जथाभावी बोलेको अारोप लगाउदै कर्मचारी प्रसन्नकुमार कोइरालालाई कार्वाहीको प्रक्रिया अगाडी सारिएको बताएका छन्।
Government's asst. secretary calls to boycott the election

स्वतन्त्र समाचार सेवा
काठमाडौं,माघ २४
मुख्यसचिव लोकमानसिंह कार्कीले राष्ट्रिय तथा अन्तराष्ट्रिय रुपमा वहिष्कृत नगर निर्वाचनमा अनिवार्य मतदान गर्न निजामती कर्मचारीलाई निर्देशन दिएको एक साता नबित्दै कृषि तथा सहकारी मन्त्रालयका उपसचिव प्रशन्नकुमार कोइराला र्सार्वजनिक रुपमै निर्वाचन वहिष्कारका पक्षमा उभिनुभएको छ। 'साथीहरु म जागिरको माया मारेर निर्वाचन वहिष्कारको घोषणा गरेको छु, मलाई आशा छ अन्य साथीहरुले पनि पक्कै निर्वाचन वहिष्कार गर्नुहुनेछ' उहाँले भन्नुभयो। उहाँले नगर निर्वाचनले मुलुकको समस्यालाई सम्बोधन गर्न नसक्ने भएकाले यसको कुनै औचित्य नरहेको बताउनुभयो।
मुख्यसचिवले निर्वाचनमा परिवारसहित मतदानमा जान कर्मचारीलाई दिएको निर्देशनप्रति कोइरालाले कडा आपत्ति जनाउँदै मुख्य सचिवले निजामती सेवा नियमावलीको उल्लंघन गरेको बताउनुभयो। कार्कीको निर्देशन पूर्वाग्रही भएको उल्लेख गर्दै कोइरालाले सोमबार राजधानीको एक साक्षात्कारमा भन्नुभयो-निसेनीको कुनै पनि बुँदामा सरकारले जस्तोसुकै निर्वाचन गराए पनि कर्मचारी सपरिवार भोट दिन जानर्ुपर्छ भन्ने लेखिएको छैन, कार्कीको निर्देशन आफैंमा राजनीतिक पूर्वाग्रहबाट प्रेरित छ।' 'मैले कार्यालयको समयभित्र तोकिएको काम पूरा गरेँ कि गरिनँ, त्यसको मूल्यांकन गर्ने अधिकार मुख्य सचिवको हो, तर उहाँले मेरो ब्यक्तिगत स्वतन्त्रतामा दख्खल दिने अधिकार राख्नुहुन्न' उहाँले भन्नुभयो।
पञ्चायतकालमा समेत कर्मचारीले यस्तो 'कु' शासनको सामना गर्नु नपरेको बताउँदै सरकारी कर्मचारीतन्त्रलाई राजनीतिबाट अक्षुण राख्ने बहानामा भक्ति गानको मण्डलीका रुपमा विकास गर्ने प्रयत्न भइरहेकोमा कोइरालाले आपत्ति जनाउनुभयो। निजामती कर्मचारी सरकारी कर्मचारी भन्दा पहिला राष्ट्रको नागरिक रहेकोले उसले पनि प्रजातान्त्रिक प्रणालीको पक्षमा जनमत निर्माण गर्नुपर्नेमा जोड दिँदै कोइरालाले 'मुलुक नै लोकतन्त्र र निरंकुशतन्त्रमा विभाजित भइरहेको वर्तमान अवस्थामा निजामती कर्मचारीले मौन बस्न नहुने'मा जोड दिनुभयो।
मुख्यसचिव कार्कीको अभिव्यक्तिप्रति आपत्ति जनाउँदै नेपाल बार एशोसिएसनले सोमबार जारी गरेको विज्ञप्तिमा 'मतदान गर्ने वा नगर्ने भन्ने ब्यक्तिको आत्मनिर्णयको अधिकारसँग गाँसिएको विषय भएको र मतदानको अधिकार कुनै कर्मचारी भएकोले नभई राष्ट्रको नागरिक भएको हैसियतले पाएकोले कर्मचारी प्रशासनलाई प्रभावित पार्न सो निर्देशन जारी गरेको' जनाएको छ। यसप्रति बारले खेद व्यक्त गरेको छ। मुख्य सचिवको निर्देशन प्रचलित कानुन विपरित रहेकाले निजामती कर्मचारीलाई निर्भिकतापूर्वक आफ्नो आत्मनिर्णयको आधारमा निर्वाचनको विषयमा निर्णय गर्न अनुरोध बारले गरेको छ।

हिरासतका नेतालाई यातना

Nepal Info — Sun, 05 Feb 2006 18:11:00 +0100

Political leaders are tortured in the custody

स्वतन्त्र समाचार सेवा
काठमाडौं, माघ २३
सुरक्षाकर्मीले हिरासतमा राखीएका विद्यार्थिलाई चर्को यातना दिएका छन्। कमलपोखरी, किर्तिपुर २ नम्बर गणमा महाराजगञ्ज र सशस्त्र प्रहरी बल दुवाकोटमा हिरासतमा राखिएका नेतालाई प्रहरीले चर्को शारिरिक तथा मानसिक यातना दिएको राजनीतिक दलहरुले बताएका छन्।प्रजातान्त्रिक कांग्रेसले यातनाका कारण पार्टीका कार्यवाहक सभापति गोपालमान श्रेष्ठ र नेपाल महिला संघकी केन्द्रीय कोषाध्यक्ष छली कुमारी शर्मा कारण विरामी हुनुभएको जनाएको छ।
एमालेका अनुसार अनेरास्ववियुका आनन्द श्रेष्ठ, सुनिता रोक्का, होमराज मैनाली, नविन गौतम लगायतका विद्यार्थी नेताहरुलाई दुबै हातमा हत्कडी लगाएर राखिएको छ। हनुमान ढोकामा राखिएका ती विद्यार्थी नेताहरुलाई औषधी उपचार समेत नगराएर चिसो छिँडिमा राखिएकोले विरामी रहेका एमालेले विज्ञप्तिमा मार्फत जनाएको छ।
अनेरास्ववियुले पनि वडा प्रहरी कार्यालय कमल पोखरीमा थुनामा रहेकानेताहरुको स्वास्थ्य स्थिति नाजुक रहेको बताएको छ। विरामी बन्दिलाको उपचारको लागि गएका चिकित्सकलाई उपचार गर्न नदिई फर्काइएको अनेरास्ववियुले जनाएको छ। कीर्तीपुर थुनामा राखिएका विद्यार्थी नेतालाई शारीरिक र मानसिक यातना दिने गरेको पनि संगठनले दावि गरेको छ।

प्रजातान्त्रिक आन्दोलनबारे पेरिसमा बहस

Nepal Info — Sun, 05 Feb 2006 09:48:00 +0100

A discussion helds in Paris for Nepal's democratic movement

बहस कार्यक्रममा बोल्दै सायमी र अनुवाद गर्दै कल्पना घिमिरे

पेरिस, माघ २२
नेपालमा चलिरहेको प्रजातान्त्रिक आन्दोलनलाई समर्थन गर्ने तथा आन्दोलनले समातेको दिशाबारे जानकारी लिने उदेश्यले पेरिसमा एक राजनीतिक बहस कार्यक्रमको आयोजना गरियो। सप्ताहन्तमा आयोजना गरिएको उक्त बहस कार्यक्रममा ट्रान्सपरेन्सी इन्टरनेशनल नेपाल शाखाका कोषाध्यक्ष स्नेह सायमीले नेपालमा चलिरहेको प्रजातान्त्रिक आन्दोलनले लिइरहेको गतिबारे आफ्ना भनाइ राख्नु भएको थियो। केही तस्विरहरु भित्रपनि छन्।

सक्रिय शासनको विरोधमा जुलुस निस्कने क्रम शूरु

Nepal Info — Wed, 01 Feb 2006 02:00:00 +0100

People come to the street against royal proclamation

काठमाडौं, माघ १९
आन्दोलनरत राजनीतिक दल तथा लोकतन्त्र पक्षधर संस्थाहरुले राजाको प्रत्यक्ष शासन शुरु भएको दिन माघ १९ लाई कालो दिनको रुपमा मनाउँदै आज देशभरी विरोध प्रदर्शन गर्ने काम शूरु भएको छ। सात राजनीतिक दलले उपत्यकाका विभिन्न कुनावाट एकैपटक विरोध जुलुस निकाल्ने र सभाका लागि वसन्तुपरमा भेला हुने जनाए अनुसार अहिले बिहान सडकका चोक र गल्लीहरुबाट जुलुस निस्कने काम शुरु भएको छ। काग्रेसले टेकु, एमालेले इन्द्रचोक, प्रजातान्त्रिक काग्रेसले कालिमाटी क्षेत्रबाट अपरान्ह विरोध जुलुस निकाल्ने योजना बनाएका थिए।
आजै आठ विद्यार्थी संगठनले देशभरका शैक्षिक संस्थाहरुमा कालो झण्डा गाड्ने कार्यक्रम तय गरेका छन। कालोझन्डा गाडेपछि उनीहरु अपरान्ह सात दलको प्रदर्शनमा सहभागी हुनेछन। यसैगरी मानव अधिकार संगठनको संयोजनमा विभिन्न संस्थाहरुले बुधवार अपरान्ह निशेधित क्षेत्र रत्नपार्कमा विरोध प्रदर्शन गरी आम गिरफ्तारी दिने कार्यक्रम बनाएका छन। यो गिरफ्तारीको क्रम भने विरोध प्रदर्शनको पूर्व सन्ध्यामै शुरु भैसकेको छ। त्यसैले दलका अधिकास नेताहरु अहिले अर्धभूमिगत र भूमीगत अवस्थामा छन्। नेपाल पत्रकार महासंघ समेत त्यसमा सामेल हुनेछ। नेपाल प्राध्यापक संघले अपरान्ह ११ बजे त्रिचन्द्र क्याम्पसमा विरोध सभा आयोजना गर्नेछ।
नेपाल इन्जिनियर्स एशोसिएसनले इन्जिनियरिङ्ग क्याम्पस पुल्चोकबाट अपरान्ह ११:३० मा विरोध जुलुस प्रदर्शन गर्ने जनाएको छ। नेपाल बार एशोसिएसनले माघ १९ लाई नेपालको संबैधानिक इतिहासमा कालो दिन घोषणा गर्दै बार एसोसिएसनको कार्यालय सिंहदरबारमा विरोध सभा गर्ने भएको छ। उता महाराजगञ्ज प्रहरी प्रशिक्षण प्रतिष्ठानमा हिरासतमा रहेका राजबन्दीहरुले भोजन बहिष्कार गर्ने भएका छन्। लोकतन्त्रको वहालीको माग गर्दै दिनभरी हातमा कालो पट्टी बाँध्ने र एक छाक खाना बहिष्कार गर्ने उनीहरुले जनाएका छन। यसैगरी अमेरिका, बेलायत, ब्रसेल्स, अष्ट्रिया, थाइल्यान्ड, अष्ट्रेलिया लगायत सयौं मुलुकमा छरिएर रहेका नेपालीहरुले राजा ज्ञानेन्द्रको कदम विरुद्ध आज नारा जुलुस गर्नेछन्। स्वतन्त्र समाचार सेवाको सहयोगमा तयार पारिएको ।

चार दर्जन अन्तराष्ट्रिय संघसंस्थाद्धारा राजाको विरोध

Nepal Info — Tue, 31 Jan 2006 22:34:00 +0100

Present Regime completely failed: World civil society organizations

काठमाडौ , माघ १८
राजा ज्ञानेन्द्रको शाही कदम विरुद्ध संसारभरका ४८ वटा गैह्यसरकारी संघ संगठनहरुले आज एक संयुक्त अपिल जारी गर्दै मुलुकमा विधिको शासन शूरुवात गर्न राजा ज्ञानेन्द्रलाई अनुरोध गरेका छन्। बर्तमान सरकारद्धारा अबलम्वन गरिएका कदमहरुले मुलुकका समस्याहरुको समाधान हुन नसकेको भन्दै प्रजातन्त्र शान्ती र विधिको शासन नभै मुलुकमा नागरिकहरुका मौलीक हकहरु सुनिश्चित नहुने कुरा उक्त अपिलमा उल्लेख गरिएको छ। नागरिकका यि अधिकारहरु वहाली गराउन राजाले तुरुन्त शाही घोषणा फिर्तागरी बहुदलीय प्रजातन्त्र पून स्थापना गर्न माग गरिएको उक्त अपिलमा भनिएको छ यो बर्ष राजाले जारी गरेका कम्तीमा ३५ वटा अध्यादेशहरु विधिको शासन अनुरुप छैनन। यि अध्यादेशहरु मुलत अधिनायकवादी शासन सत्ता स्थापना गर्न अभिव्यक्ति र संगठीत हुने अधिकार खोस्न ल्याइएका हुन्। बांकी एट्टयाच्मेन्टमा।

चितवनमा हलो र कोदालोको जुलुस

Nepal Info — Mon, 30 Jan 2006 21:44:00 +0100

Demonstration with spade & plough
Chintamani Poudel, Chitwan

चिन्तामणी पौडेल (तस्विर सहित )
चितवन माघ १८
चितवनको माडीमा आईतबार लोकतन्त्रको माग र माघ २६गते हुने भनिएको नगरपालिका चुनावको बहिस्कारको आहृवान गर्दै हलो र कोदालोको जुलुस निकालिएको छ। जनमोर्चा नेपालको चितवन जिल्ला समितिले आयोजना गरेको उक्त जुलुसमा माडी क्षेत्रका चारवटै गाउँ विकास समितिका बासिन्दाहरु आफुसंग भएका औजार बोकेर, परंपरागत भेषभुषामा उपस्थित थिए। माडीको मुख्य बजार बसन्तपुरमा सम्पन्न उक्त साँस्कृतिक प्रदर्शनीसहितको झाँकीमा सयौ किसानहरुले हलो, कोदालो, र हसिँया बोकेका थिए।महिलाहरु रातो बस्तत्रमा प्लेकार्ड सहित पिठ्युमा डोको बोकेर र्‍यालीमा सहकभागी थिए। चितवनका आदिवासी थारु महिलाहरु परंपरागत पहिरनमा टाउँकोमा घैंटो बोकेर साँस्कृतिक झाँकीमा सजिएका थिए। यसैगरी थारु पुरुषहरु माछामार्ने जाल, माछा राख्ने फुलुंङ लिएर जुलुसमा सहभागी भएका थिए।कार्यक्रममा थारु, बोटे, मुसहर, माझी लगायतका आदिवासीका साथै स्थानीय जनसमुदायको उपस्थिति रहेको थियो। जनमोर्चा नेपालका अनुसार यस्तो प्रकारको गाउँ जागरण कार्यक्रम नेपालमा नै यो पहिलो कार्यक्रम हो। र्‍याली पछि बसन्तपुरमा एक आमसभा भएको थियो। मोर्चाका जिल्ला सदस्य पदमबहादुर श्रेत्रीको सभापतित्वमा सम्पन्न उक्त कार्यक्रममा जनमोचाका केन्द्रीय सदस्य भीमप्रसाद गौतम, जिल्ला अध्यक्ष ठाकुर ढकालले बोल्नु भएको थियो।

भारतका बिभिन्न शहरमा नेपाली प्रदर्शन

Nepal Info — Sun, 29 Jan 2006 21:53:00 +0100

Nepalis demonstrate in several Indian cities
Rewati Sapkota, New Delhi

रेवती सापकोटा
नयाँ दिल्ली, माघ १६
भारत प्रवासमा संगठित हुदै आएका नेपालीहरुले आईतवार भारतमा जनप्रदर्शन गरेका छन। भारतको राजधानी नयाँ दिल्ली, चेन्नइ, हैदरावाद लगायतका बिभिन्न राज्यमा एकै पटक पदर्शन गरियो। राजाको निरंकुश शासनको एक बर्ष पुगेको विरोध तथा नेपालमा सञ्चालित लोकतान्त्रिक आन्दोलन प्रति पूर्ण समर्थन जनाउन यो प्रदर्शन भएको हो।
नेपालमा जारी लोकतान्त्रिक आन्दोलनको नेतृत्व गरिरहेका सात राजनीतिक दलसम्बद्ध मुल प्रवाह अखिल भारत नेपाली एकता समाज, प्रवासी नेपाली संघ र नेपाली जनसंपर्क समितिद्धारा आयोजित प्रदर्शनमा हजारौ नेपालीहरुको सहभागिता रहेको थियो।

नेपाल बन्द पूर्ण सफल

Nepal Info — Thu, 26 Jan 2006 17:33:00 +0100

Nationwide support to 'Nepal Bandh'

काठमाडौ,माघ १३
नगर निर्वाचन बहिष्कारको माग गर्दै सात राजनीतिक पार्टीले राखेको नेपाल बन्द पूर्ण रुपमा सफल भएको छ। बन्द पछि प्रदर्शनका क्रममा आज पोखरामा गोली चलेको र चार जना घाइते भएको स्वतन्त्र समाचार सेवाले जनाएको छ भने देशका सबै जसो सहरहरुमा विरोध प्रदर्शनहरु भएको थाह हुन आएको छ। बांकी पढ्न एट्टयाच्मेन्ट फाइलमा जानुहोस।

१९ माघमा रत्नपार्कमा प्रदर्शन

Nepal Info — Mon, 23 Jan 2006 19:08:00 +0100

Rights activists to protest against royal take over on Feb 1

काठमाडौं, माघ १०
मानव अधिकारको क्षेत्रका क्रियसिल १० वटा संगठनले राजाले शासन हत्याएको १९ माघलाई कालो दिनको रुपमा मनाउने भएका छन। यस कालो दिनको विरोध गर्दै उनीहरुले रत्नपार्कमा प्रतिरोधका कार्यक्रम गर्ने तयारी गरेका छन्। उनीहरुको आज बसेको बैठकले उक्त निर्णय गरेको हो।

यसैगरी केही दिन अघि जनकपूर नगरपालीकाकालागि उम्मेद्धार बनेका धनुषा जिल्लाका सद्भभावना पार्टीका अध्यक्ष विजयलाल दासको ९ माघमा माओवादीद्धारा हत्या भएपश्चात जिल्ला विकास समिति धनुषाले उम्मेदवारको खोजि गर्दै घरदैलो कार्यक्रम सञ्चालन गरेको छ। उम्मेदवारको लागि जिविसले पटक पटक आग्रह गरेपनि उम्मेदवार नपाएपछि जिविसले चुनावप्रचार अभियान छोडेर उम्मेदवार खोज्ने अभियान शुरु गरेको हो।
चुनाव प्रचारको लागि आयोजित कार्यक्रमहरुमा जिविसका पदाधिकारीहरु र्सवसाधारणलाई चुनावमा सहभागि हुन भन्दा पनि उम्मेदवार हुन आग्रह गर्छन। देवी चौकमा सोमवार आयोजित कोण सभामा धनुषा जिविसका सभापति चन्दर साहले उम्मेदवारका लागि र्सवसाधारणलाई आग्रह गरेका छन्। उता संखुवासभाको खांदवारी नगरपालीकाको उम्मेद्धारकोपनि अहिलेसम्मपनि टुगो नलागेपछि त्यहापनि उम्मेद्धारको खोजी भैरहेको छ।उम्मेद्धारी दर्ता गराउने समय अव एकहप्तापनि बांकी छैन। उता आज नेपाल स्थित राष्ट्रसंघिय मानवअधिकार आयोगका उच्चायूक्त इयान मार्टीनले जनकपूर नगरपालीकाका उम्मेद्धार विजयलाल दासको हत्याको कारण को माग गर्नुभएको छ। विगतमा माओवादीले आफुलाई मानिसको हत्यागर्न काम पार्टीको नीतिमा नरहेको बताएको स्मरण गराउनुभएको छ। श्रोतहरु: स्वतन्त्र समाचार सेवा र अन्य।

नेताहरु रिहा

Nepal Info — Sun, 22 Jan 2006 17:27:00 +0100

Democratic leaders freed

काठमाडौं, माघ ९
लामो समयको देश दौडाहाबाट राजा राजधानी फर्किएकै दिन घरमै नजरबन्द गरिएका नेपाली काग्रेसका सभापति गिरिजाप्रसाद कोइराला, एमाले नेता केपी शर्मा ओली र नेपाल मजदुर किसान पार्टी अध्यक्ष नारायणमान विजुक्छेलाई अहिले सांझ मुक्त गरिएको छ।

देशका विभिन्न ठाउमा भिडन्त जारी

Nepal Info — Sun, 22 Jan 2006 12:51:00 +0100

Several clashes take place

काठमाडौ माघ ९
सुरक्षा फौज र माओवादी विद्रोहीबीच स्याङ्जा जिल्लाको गल्याङस्थित सिदार्थ राजमार्गको ८३ किलोमिटर भन्ने स्थानमा आइतबार बिहान १०.३० बजेदेखि दोहोरो भिडन्त भएको छ। बिहानै आठ बजेदेखि सो क्षेत्रमा माओवादीहरुले सडकमा ढुगामुढा राखेर सिर्द्धार्थ राजमार्ग अवरुद्ध पारेपछि बाटो खुलाउन त्यहाँ पुगेको सुरक्षाफौज र माओवादीबीच भिडन्त भएको शाही नेपाली सेनाको पश्चिम पृतना हेड क्वाटर पोखराले जनाएको छ। भिडन्त अहिले पनि जारी रहेको सेनाले पुष्टी गरेको छ। यद्यपि भिडन्तमा सेना र माओवादीतर्फ के कति हताहति भयो भनेर सेनाले केही बताएको छैन।

'आन्दोलन दबाउन मोटो रकम'

Nepal Info — Sat, 21 Jan 2006 19:27:00 +0100

Government allocates millions to supress the Democratic movement

काठमाडौं , माघ ८
सरकारले सात राजनीतिक दलको आन्दोलन दवाउन एक करोड ११ लाख ८६ हजार रकम छुट्ट्याएको सार्वजनिक भएको छ। राष्ट्रिय मानव अधिकार आयोगका सदस्यले सुदिप पाठकले सरकारले आन्दोलनमा पक्राउ परेका नेता तथा कार्यकर्ताको ब्यवस्थापनका लागि सो रकम छुट्ट्याएको खुलासा गरे।राजधानीमा आयोजित एक कार्यक्रममा उनले सरकारले एक करोड रकम छुट्टुयाएपनि हिरासतमा लिएका नेता तथा कार्यकर्तालाइ मानविय सुविधा प्रदान नगरेको बताए।
हिरासतमा रहेका नेतामध्ये दुवाकोट शसस्त्र वेसक्याम्पमा रहेका एमाले नेता प्रदिप नेपाल, गोपालमान श्रेष्ठ, रघुजि पन्त, सिद्धिलाल सिंहको स्वास्थ्य स्थिति खराव रहेको पाठकले बताए। यि मध्ये पनि नेपालको स्वास्थ्यस्थिति अत्यन्त खराव रहेको र आयोगले उनको तत्काल मुक्त गर्न आग्रह गरेपनि सरकारले कुनै सुनुवाइ नै नगरेको बताउँदै उनले हिरासतमा विरामी परेका नेताहरुको स्वास्थ्य परिक्षणको कुनै ब्यवस्था नगरेकोमा सरकारको अलोचना गर्नुभयो।
आयोगका चार टोलिले बुधवारवाट सरकारी हिरासत र घरमा ने नजरबन्द रहेका नेताहरुको अवस्थाको बारेमा अनुगमन गरेको थियो। पाठकका अनुसार दुवाकोटमा रहेका ५० जना प्रदर्शनकारीलाई कल्चर हलमा राखिएको, २ नम्बर गण महाराजगञ्जमा रहेका ५० प्रदर्शनकारीलाई सित समेत नछेक्ने जस्ताको टहरामा राखेको तथा उनहिरुलाई निम्नस्तरको खाना दिएको पनि पाठकले बताए।
हिरासतमा राखिएका राजनीतिक दलका नेतालाई राज्यले प्रदान गर्नुपर्ने कुनैपनि सुविधाप्रदान नगरेकोमा आपत्ति प्रकट गर्दै पाठकले मानव अधिकारको पूर्ण पालना गर्न सरकारलाई एक पटक फेरि आग्रह गर्नुभयो। स्वतन्त्र समाचार सेवा

दिल्लीमा भोली प्रदर्शन हुने

Nepal Info — Thu, 19 Jan 2006 17:34:00 +0100

Mass protest to held in New Delhi on Friday

नयादिल्ली संवाददाता
नयादिल्ली, माघ ६
प्रवासी नेपालीहरुले नेपालमा सरकारले गरेको दमन र धरपकडको बिरोध र लोकतान्त्रिक आन्दोलनको समर्थनमा नयाँ दिल्लीमा प्रदर्शन गर्ने व्यापक तयारी गरेका छन। आज दिनभर नेपालमा विकसित घटना क्रमका विरोधमा नेपालीहरुले यो कार्यक्रमको आयोजना गरेका हुन्। जसअनुसार विहान १० बजे दिल्ली स्थित शाही नेपाली राजदुतावास अगाडि र दिउसो दुइ बजे दिल्लीको मुटु मानिने जन्तर मन्तरमा प्रदर्शन हुदैछ। यो प्रदर्शन अपर्झट आयोजना भएको भएपनि नेपाली र भारतीय नेताहरु विरोध कार्यक्रममा सहभागी हुनेछन्। यसैगरी प्रवासी नेपालीहरुले २९ जनवरीमा पनि दिल्लीमा व्यापक प्रदर्शन गर्ने भनि राखेको कार्यक्रम भने यथावत नै छ। उता नयाँ दिल्लीमा कार्यालय रहेको एशियन हयुमन राइटस संघले कुनै पनि मुलुकलाई नेपालका राजा ज्ञानेन्द्रलाई भिसा नदिन आज अपिल गरेको छ।

जनकपुरमा टेलीफोन सेवा अवरुद्ध

Nepal Info — Wed, 11 Jan 2006 15:18:00 +0100

Government suspends phone services in Janakpur

जनकपूर, पुस २७
सात दलले भोली जनकपूरमा गर्न लागेको विरोध प्रदर्शनलाई अवरुद्ध पार्ने उदेश्यले सरकारले जनकपूर क्षेत्रमा टेलीफोन सेवा अवरुद्ध पारेको छ। जनकपूरमा भोली अहिलेसम्म तराइमा भएका हरुमध्ये सबैभन्दा ठूलो जनपर्दशन गर्न सात दलले तयारी पूरा गरेका छन्। यसै क्रममा विरोध सभामा भागलिन वरिपरिका जिल्लाहरुबाट कार्यकर्ताहरु ओइरिने क्रम शुरु भएको छ भने सवारी चेकका नाममा सूरक्षाकर्मीहरुले सात दलका कार्यकर्ता तथा सवारी चालकहरुलाई दूरव्यवहार गर्दै अनावश्यक केरकार गरेका छन्। आज जनकपूरमा ११ बजेसम्म मोवाइल सेवा अवरुद्ध गरिएको थियो भने त्यसपछि खुलेको मोवाइल सेवापनि स्पष्ट आवाज आउन नसक्ने बनाइएको छ।

आन्दोलन अपरिहार्य छ: मानबअधिकारवादी

Nepal Info — Thu, 05 Jan 2006 14:48:00 +0100

No option other than Movement: Human rights activists

काठमाडौं, पुस २१
मुलुकमा मानव अधिकार, लोकतान्त्रिक पद्दति एवं नागरिक समाजका गतिविधिहरुलाई निष्तेज पारी अधिनायकवादी शासन व्यवस्थालाई संस्थागत गर्न तिब्ररुपमा कदम चालिएको जनाउदै मुलुकमा शान्तिप्रेमी लोकतान्त्रिक शक्तिहरुको एकिकृत एवं शसक्त आन्दोलनको अपरिहार्य भएको मानवअधिकार संघ संगठनहरुले जनाएका छन्।
मुलुकमा लोकतान्त्रिक अधिकारहरु खोसिएको, गैर सम्वैधानिक तथा गैर कानूनी क्रियाकलापहरु हावी भएको, स्वतन्त्र न्यायापालिकाको स्वायत्ततामाथी निरंकुशता लादिएको, प्रेस तथा अभिव्यक्ति स्वतन्त्रतामाथि प्रहार भइरहेको जस्ता कुराहरु उल्लेख गर्दै मानव अधिकारबादीहरुले नागरिकहरुलाई हतास तुल्याउने काम भइरहेको एवं देशमा तीब्र सैनिकीकरण भइरहेको अबस्थामा निर्वाचन पद्धतिका सबै आधारशिलाहरु शून्य भएको उल्लेख गरेका छन्। इन्सेक, मानव अधिकार जोगाऔं आन्दोलन- नेपाल, इन्हुरेड इन्टरन्यास्नल, राष्ट्रिय मानव अधिकार प्रतिष्ठान, शान्तिका लागि नागरिक ऐक्यवद्धता लगायत सोह्र संगसंगठनहरुले आज प्रेस विज्ञप्ती निकालेर मुलुकमा आन्दोलनको अपरिहार्यताको आवश्यकता रहेको जनाएका हुन्। बांकी जस्ताको तस्तै एट्याच्चमेन्टमा।

चुनाव बहिष्कार गर्न सात दलको अपिल

Nepal Info — Fri, 30 Dec 2005 12:08:00 +0100

दस्तावेज-
आदरणीय दिदीबहिनी तथा दाजुभाइहरू

आज हाम्रो देश गम्भीर संकटको अवस्थामा छ। यो अवस्था राजाको सर्वसत्तावादी निरंकुश शासक बन्ने अति महत्त्वाकांक्षा र उनका जनविरोधी क्रियाकलापबाट उत्पन्न भएको हो । जनताको चाहनाको उचित सम्मान गर्न र देशमा शान्ति कायम होस् भन्ने राजा चाहँदैनन्, उनी एक नेपालीबाट अर्को नेपालीको हत्या भइरहोस् र नेपाली नेपालीबीचको भिडन्तले सृजित अशान्तिको आडमा निरंकुश शासन लम्ब्याइरहुँ भन्ने मात्र चाहन्छन्। राजा ०४६ सालको जनआन्दोलनबाट प्राप्त उपलब्धिलाई समाप्त गर्दै मुलुकमा आफ्नो हुकुमी र स्वेच्छाचारी शासन लाद्न चाहन्छन्। राजाको आजसम्मको सबै क्रियाकलापले यिनै कुरालाई प्रस्ट गरेको छ। होइन भने माओवादीले युद्धविराम गरेर आन्दोलनरत सात राजनीतिक दलहरूसँग समझदारी गर्दै पूर्ण लोकतन्त्र र शान्तितिर र्फकने चाहना राख्दा त्यसलाई हरतरहले बिथोल्ने प्रयास गर्ने थिएनन्।

दलहरुविचको समझदारी जारी रहने

Nepal Info — Fri, 23 Dec 2005 16:41:00 +0100

Maoist-seven party alliance will continue

काठमाडौं, पुस ८
सरकारका कारण युद्धविराम भंग गर्ने संकेत माओवादीहरुले दिएपछि राजनितिदलहरुले भने माओवादीसंगको समझदारी नटुट्ने जानकारी गराएका छन्। एकतर्फी युद्धविरामलाई सरकारले वेवास्था गरेकाले सशस्त्र विद्रोही नेपाल कम्युनिष्ट पार्टी माओवादीले युद्धविराम भंग गर्ने संकेत मिलिरहेको बेला सात राजनीतिक दलले भने विद्रोहीसित आफ्नो समझदारी कायमै रहने बताएका छन् । राजधानीमा आज आयोजित कार्यक्रममा राजनीतिक पार्टीका नेताहरुले त्यस्तो जानकारी दिएका हुन्।

एमाले स्थायी समितिका सदस्य केपी शर्मा ओलीले दल-माओवादी समझदारी युद्धविराम भंग भए पनि कायम रहने बताए । उनले समझदारी हिंसात्मक द्वन्द्वका लागि नभए चाहिँ प्रष्ट पारे । ओलीले नगर निर्वाचन जनताबाटै बहिष्कार हुने दावी गर्दै भने--तर, सुरक्षा घेराभित्र बिना परिचयका मतदाताबाट मत खसाल्ने कसरत राज्यले गरिरहेको छ । कांग्रेसका केन्द्रिय सदस्य अर्जुननरसिंह केसीले राज्यले समझदारी पत्रलाई नकारात्मक ढंगबाट व्याख्या गरेर माओवादीलाई भड्काईरहेको आरोप लगाए । युद्धविराम लम्ब्याउन र हिंसात्मक बाटो नसमात्न विद्रोहीलाई आग्रह गर्दै उनले पनि युद्धविराम भंग भए पनि सात दलको सहमति यथावत् रहने जानकारी दिए।प्रजातान्त्रिक काग्रेसका केन्द्रिय सदस्य डा. नारायण खड्काले युद्धविराम भंग भए पनि दुबै पक्षको संर्घषका कार्यक्रम समझदारीकै आधारमा संचालन गरिने बताए।