Nepal Info

कहिले बोलाउने राजालाई ?

Nepal Info — Sat, 29 Jul 2006 08:00:00 +0200

Summon King

जनआन्दोलन-२ अभूतपू्र्व रुपमा सफल भएको छ । संसारमै नयां तरंग ल्याउने गरी भएको जनआन्दोलनमा २१ जना निहत्था नेपाली नागरिकको राज्यले हत्या गरेको छ । हजारौ घाइते, अंगभंग भएका छन । राजा ज्ञानेन्द्रको प्रत्यक्ष शासनमा भएको यी सबै कुकृत्यको जिम्मेवार मूल रुपमा उनकै थाप्लोमा जान्छ र जानुपर्दछ ।

जनआन्दोलनमा भएको दमनबारे छानविन गरी कारवाहीको सिफारिस गर्न बनेको आयोग अहिले निक्कै खटेर काम गरिरहेको छ । केही दिनअघि आयोगका सदस्य हरिहर विरहीले 'राजासंग पनि वयान लिइने' अभिव्यक्ति दिएपछि नेपाली जनता हर्षित भएका थिए । यो देशमा जनतामाथि दमन गर्ने जो कोही एक न एक दिन कठघरामा उभिनु पर्ने दिन आयो ...

नेपालमा प्रजातन्त्र हुनैपर्छ: चीन

Nepal Info — Fri, 17 Mar 2006 19:51:03 +0100

Democracy should be reinstalled in Nepal: China
काठमाडौं, चैत्र ४
"लाटो खान्छ एक् बल्ड्याङ, बाठो खान्छ सय बल्ड्याङ" यो नेपाली उखान यतीखेर निरङ्कुश सरकारलाई ठ्याक्कै मिलेको छ। निरन्कुश राजादेखि उनका टिके मन्त्री र सैनिक प्रमुख प्यारजङ थापा सम्मले चीनको भ्रमण गरे पानी पधेरो गरेझै। जनतामाथि डोजरले पेलेझै गरेर सर्बसाधारण जनतालाइ मार्दै र सार्वजनिक ठाउमा आतङ्क फैलाउदै हिड्ने पारश शाहले समेत चीनको भ्रमण गरेर चीन नेपाली निरङ्कुश राजतन्त्रसङ्ग सतीनै जान तयार छ जस्तै गरेका थिए। जनताको रकममा चलेका सरकारी सन्चार माध्यमले तिललाइ पहाड बनाएर प्रचार प्रसार गरे चीन दाहिना भय कसैको केहि लाग्दैन भनेर। जनताको रकम खाएर भए नभएका कुरा दिदै जनतालाईनै ढाट्नु सम्म ढाटे तीनले।

देउवालाइ राहदानी दिन ईन्कार !

Nepal Info — Fri, 17 Mar 2006 15:18:41 +0100

No passport to former priminister !

काठमान्डौ,चैत्र ४
कुनै बेला निरन्कुशताको हद नाघेर राजतन्त्रलाइ बलियो बनाउन ज्यान फालेर लागेका पूर्व प्रधानमन्त्री शेरबहादुर देउवालाइ राजाको निरङ्कुश सरकारले राहदानी दिन समेत इन्कार गरेछ। पर्सी आमेरिकाको भ्रमणमा जान लागेका देउवालाई सुरुमा राहदानी दिन झुलाइयो र एक हप्तापछि उनलाई साधारण नागरिकहरुले पाउने जस्तै राहदानी दिइयो जसमा उनको परिचय खुल्ने केहीपनि लेखिएको छैन। प्रजातन्त्रलाइ कमजोर बनाउन र राजतन्त्रलाइ बलियो पार्न देउवाले प्रशस्तै गल्ति गरेका भएपनि पटक पटक देशको प्रधानमन्त्री भैसकेका व्यक्तिलाई एक हप्तासम्म झुलाएर पूर्व प्रधानमन्त्री समेत नलेखी उनलाई आजै राहदानी दिइएबाट बुझिन्छ कि राजा आफ्नो तानाशाहीकरणदेखि कति तर्सिएका रहेछन ।

नेता देउवा तान्त्रिकको शरणमा

Nepal Info — Sat, 11 Mar 2006 13:10:11 +0100

Deuba consults an Astrologer

काठमाडौं, फागुन २७
तन्त्र मन्त्र विद्यामा अत्यन्त आस्थावान प्रजातान्त्रिक कांग्रेसका सभापती शेरबहादुर देउवा होम जप ध्यानका लागि लामो समयपछि धोविघाटमा रहेको र्साईवावा एस्ट्रोलाजी सेन्टर जानुभएको छ। शनिवार विहान दश वजे धोविघाट पुगेका देउवाले साई एष्ट्रोलाजी सेन्टरमा करिब पन्ध्र मिनेट होम र जप गरेर र्फकनु भयो। एष्ट्रोलोजी सेन्टरका तान्त्रीक मिलन थापाले देउवाका लागि विशेष मञ्च बनाउनु भएको थियो। देउवा तन्त्र साधनाका लागि गएको जानकारी पाएर समाचार संकलनका लागि गएका सञ्चारकर्मी देखेर विच्किदै देउवाले भन्नुभयो-'मलाई उल्लु बनाउन जहाँगएपनि छोड्नुहुन्न -'देउवाले गुरु मानेका पशुपति क्षेत्रका अखोरी चुनचुन बाबाको एक वर्षअगाडि मृत्यु भइसकेको छ। देउवा दुवाकोटका खड्का नामका तान्त्रिककोमा पटक पटक जाने गर्नुहन्थ्यो। प्रधानमन्त्रीको रुपमा सरकारी निवास वालुवाटार प्रवेश गर्दा देउवा कालो बोको पुजा गरेर मात्र प्रवेश गर्नुहुन्थ्यो। स्वससे

पोखरामा गोली चल्यो

Nepal Info — Sat, 04 Mar 2006 16:41:26 +0100

Firing in Pokhara
हरिप्रसाद भट्टराई
पोखरा, फागून १९
क्षेत्रिय गण नजिकै अज्ञात समुहले हानेको गोलि लागी १ जना प्रहरी सहित २ र्सवसाधारण घाइते भएका छन्। घाइते हुनेमा प्रहरी सहायक नायब निरीक्षक कमलकान्त पोखरेल रहनुभएको छ। यसैगरी गोल्रि्रहारवाट रामकुमार श्रेष्ठ र वृन्द्धा श्रेष्ठ घाइते भएका छन्। पेटमा गोलि लागेको गुरुङ्गको अवस्था गम्भिर रहेको छ भने श्रेष्ठको हातमा गोलि लागेको छ। गोलि प्रहारवाट घाइते भएका पोखरेलको अवस्थाको गम्भिर रहेको छ। उनीहरुको पश्चिमाञ्चल क्षेत्रिय अस्पताल पोखरामा उपचार भइरहेको छ। चिया खाइरहेको अवस्थामा अवस्थामा अज्ञात ब्यक्तिले यामाहा मोटरसाइकलमा आई गोली प्रहार गरेका थिए। गोलि प्रहारकर्ताको प्रतिकारमा राष्ट्र बैंकको शुरक्षार्थ खटिएको सुरक्षाकर्मीले गोलि प्रहार गरेका थिए। स्वससे

'शिंहदरवारमा बस्ने हो भने राजदरवार त्याग्नुपर्छ'

Nepal Info — Thu, 02 Mar 2006 16:46:19 +0100

'Quit the Royal Palace if you want to be at Singhdurbar'
काठमाडौं, फागुन १७
सर्बोच्च अदालतका न्यायाधिस अनुपराज शर्माले हिँसाको अन्त्यका लागि राज्यले राजनैतिक अस्त्र नैं प्रयोग गर्नुपर्ने बताउनुभयो। नेपाल बार एशोसीएसनको आयोजनामा बुधबारबाट राजधानीमा शुरु भएको दशौं अखिल नेपाल कानुन ब्यवसायी राष्ट्रिय सम्मेलनको उद्घाटन गर्दै शर्माले द्धन्द्ध समाधान वल प्रयोगबाट सम्भव नभएको बताउनुभयो। मानव अधिकारको परम्परागत मान्यता ध्वस्त भइसकेको जनाउँदै महिला ,जनजाति ,पीछडिएको समुदायको सबै किसिमका अधिकारलाई सँबोधन गर्ने गरी जनताको अधिकार जनताले नैं निर्धाराण गर्न पाउनु पर्नेमा शर्माको जोड थियो ।
सर्बोच्च अदालतका पूर्व न्यायाधिस एवं वारका पूर्व अध्यक्ष लक्ष्मण प्रसाद आर्यालले र्सार्वभौमसत्ता र राजकीय सत्ता जनतामा मात्र सीमित भएको कुरा सर्बोच्च अदालतले फैसला गरीसक्दा राजा राष्ट्र प्रमुख भएर पनि सरकार प्रमुखको जिम्मेवारीलाई निरन्तरा दिएकोमा आलोचना गर्नुभयो। कार्यक्रममा बरिष्ठ अधिवक्ता दमननाथ ढुंगाना पूर्व अध्यक्षहरु कृष्ण प्रसाद भण्डारी, बासुदेव ढुंगाना, सिन्धुनाथ प्याकुरेल , हरीहर दाहाल , तथा बारका पूर्व महासचिबहरु शुभाष नेम्वाङ , विश्वकान्त मैनाली र पूर्व महान्यायाधिवक्ता महादेव यादवले कानुनी राजको स्थापना , शान्तीको बहाली र द्धन्द्धको समाधान गर्न राजाले प्रत्यक्ष शासन छोडेर राजनैतिक निकास खोज्नुपर्ने धारणा राख्नुभएको थियो। स्वससे

राजारानी बसेको दरबार नजिकै बम

Nepal Info — Tue, 28 Feb 2006 16:53:41 +0100

Maoists plant a powerful bomb near the palace
हरि भट्टर्राई
पोखरा/फागुन १५
राजदम्पत्ती राज भएको पोखराको स्थानीय लेकर्साईडस्थित रत्नमन्दिर दरबार नजिक राखिएको शक्तिशाली बम मंगलबार दिउँसो शाही नेपाली सेनाको बम डिस्पोजल टोलीले निष्कृय पारेको छ। घटनास्थल रत्नमन्दिर दरबारबाट करिव तीन सय मिटरको फरकमा रहेको छ। 'मुलुकको शान्तिसुरक्षा स्थिति बलियो हुँदै गएको र छिटफुट अपराधमात्र भइरहेको' विश्लेषण गरिबक्सेका श्री ५ रहेको र बाक्लो सुरक्षा उपस्थिति रहेको स्थानमा बम राखिनुलाई आर्श्चर्य जनकरुपमा हेरिएको छ। सशस्त्र व्रि्रोही माआवादीले शाही नेपाली सेनालाई लक्षित गरी राखिएको सो बम भेट्टिएपछि केही समय सो क्षेत्रको वातावरण तनावग्रस्त बनेको थियो। र्सार्वजनिक स्थानमा गराएको बम विफोष्टबाट र्सवसाधारणहरु घाइते हुँदै आएको भएपनि माओवादीले आफ्नो शैली अझै परिवर्तन गरेको छैन।
सोमबार दिउँसो मात्र पोखराको मुख्यबजार चिप्लेढुङ्गामा भएको बम विष्फोटमा दुई सुरक्षाकर्मीसहित एक दर्जन र्सवसाधारण घाइते भएका थिए। राजारानी राज भएको स्थान नजिकै बम भेट्टिएपछि पोखराको सुरक्षा अझ कसिलो पारिएको छ। पोखराको मुख्य चोक र बजारमा अधिक सुरक्षाकर्मी परिचालित गरिएको उच्च सुरक्षा सूत्रले जानकारी दियो। त्यसैगरी सोमबार साँझ फेवाताल नजिक रहेको रानी वनमा पनि ठूलो विष्फोटको आवाज आएको थियो। सुरक्षाकर्मीका अनुसार, त्यस स्थानमा माओवादीद्धारा छोडिएको सकेट बम गस्तीमा रहेको सुरक्षाफौजले निष्कृय पारेको थियो। स्वससे

नयाँ रुपको भ्रष्टाचार

Nepal Info — Mon, 27 Feb 2006 08:34:24 +0100

Corruption in the new form
राहुल सिंघानिया
जनकपुरधाम/फागुन १४
हिंसात्मक द्वन्द्वका कारण आफ्नो कार्य क्षेत्रमा जान डराइरहेका धनुषाका गाविस सचिवहरुले काम गरेवापत सेवाग्राहीबाट मोटो रकम मात्र हैन्, घरमा मजदुर जस्तै काम पनि गराउन थालेको रहस्य खुलेको छ। धनुषा जिल्लाको नक्टाझिज गाविसका सचिव भोगिन्द्र साहले जन्मदर्ता, मृत्यु दर्ता, नागरिकताको सिफारिस र विवाह दर्ता प्रमाणपत्र बनाउने क्रममा सेवाग्राहीहरुसँग घुससँगै घरमा काम गर्नुपर्ने शर्त राख्न थालेका छन्। सचिवले कामको प्रकृति अनुसार दूइ दिनदेखि १० दिनसम्म सेवाग्राहीहरुबाट घरमा काम गराउने गरेको बताइएको छ।जन्मदर्ता, मृत्यु दर्ता र विवाह दर्ता गराउनेहरुका लागि सचिवको घरमा काम गर्ने अबधी छोटो भएपनि नागरिकताको सिफारिस पाउनेहरु कम्तीमा १० दिनसम्म सचिवको घरमा काम गर्नु परिरहेको छ। धनुषा कुसुमबिसौनाका स्थानीय बासिन्दा गाविस सचिव साहले खासगरी दलित र गरिब सेवाग्राही जनतासँग यसप्रकारको शर्त राख्ने गरेका छन्।जन्मदर्ताको सिफारिस पाउन सचिवको घरमा ४ दिन काम गरेका नक्टाझिज-३ बस्ने रामबिलास महराले जनकपुरमा आईतवार आयोजित एक कार्यक्रममा भने-जन्मदर्ता बनाउँदा सयरुपियाँ पनि लियो र चारदिन उखु पेल्ने काममा पनि लगायो। गाविसको सचिव साहको बढ्दो रवाफका कारण उक्त गाविसका जनताहरु आक्रोसित भएका छन्। उनीहरुले जनकपुरमा आयोजित कार्यक्रममा भने-अव हामी सचिवको 'हिटलर’ प्रबृत्तिको बिरोध गर्नेछौ, तपाईहरुको सहयोग भए नाराजुलुस पनि गर्नेछौं।’ जिल्लाको त्यस क्षेत्रमा कानुनी शिक्षा र सुशासनको वकालत गर्दै आएका धनुषा सेवा समितिका समिर घिमिरेले भन्नुभयो-'त्यस्ता गाविस सचिवको बिरुद्धमा हुने जस्तोसुकै कार्वाहीका लागि हाम्रो पहल र सहयोग रहनेछ। गाविस सचिव साहले काम गरिदिएवापत सेवाग्राही जनतासँग मजदुर सरह काम गराउनेहरुको सूची लामो भएको घिमिरेले बताउनुभयो।
नक्टाझिज-६ मा बस्ने धानोदेवी महराले जन्मदर्ता बनाउन जाँदा सचिवले पैसा मागेको तर 'त्यत्तिकै बनाएनौ भने नाराजुलुस गर्ने धम्की' दिएपछि बनाइदिएको बताइन्। त्यस्तै पवित्री देवीसँग जन्म दर्ता बनाइदिएवापत गाविस सचिवले मागेको पाँचसय मध्ये एकसय २० रुपियाँ पाएपछि मात्र सो काम गरेको पनि कार्यक्रममा बताइयो।हामीलाई दलित र गरिव सम्झेर निकै दुःख दिने गरेको छ -धानोदेवीले भनिन-सम्पत महरासंग एकसय रुपियाँ पनि लियो र चारदिन घरमा काम समेत गरायो। स्वससे

वर्ल्ड फ्लू को त्रास बढेका बेला एक हजार कुखुरा मरे

Nepal Info — Sun, 26 Feb 2006 11:10:33 +0100

One thousand chickens died
नुवाकोट/फागुन १४
चराहरुमा लाग्ने रुघाखोकी (वर्ल्ड फ्लू ) को त्रास बढिरहेको बेला नुवाकोटको एक पोल्ट्री र्फममा रहेको एक हजार कुखुरा मरेका छन। विदुर नगरपालिका-४ वट्टार बजारमा रहेको नवराज अधिकारीको पोल्ट्री र्फममा पालिएको कुखुरा शुक्रबार रातीदेखि मर्न थालेको हो। शनिबार दिउँसोसम्म एक हजार कुखुरा मरिसकेको अधिकारीले जानकारी दिनुभयो।
मुखबाट पिप निक्लनासाथ कुखुरा मर्न थालेका थिए। उपचारका लागि जिल्लाका पशु चिकित्सकलाई बोलाइए पनि चिकित्सकले समेत रोग पत्ता लगाउन नसकेको उहाँले बताउनुभयो।चिकित्सकले परिक्षणका लागि एउटा कुखुरा राजधानी पठाए पनि त्यसको प्रतिवेदन प्राप्त भैसकेको छैन। नुवाकोटमा एकै दिनमा यत्रो कुखुरा मरेको यो पहिलो घट्ना हो। स्वससे

दलका नेतालाई बल प्रयोग गर्नैपर्छ: सच्चित शमसेर

Nepal Info — Sat, 25 Feb 2006 21:01:53 +0100

Government should use the force against seven political parties:
Sachchit Shamsher Rana

काठमाडौ, फागुन १३
राजपरिषद स्थायी समितिका सदस्य सच्चीत शम्सेर राणाले दलहरु माओवादीसँगको समझादारीबाट पछि नहटेसम्म संवाद नहुने बताउनुभएको छ। उहाँले आन्दोलनको माध्यमबाट राजालाई घुडा टेकाउन सात दल लागि परेकाले राजा शासनबाट पछी नहट्ने ठोकुवा गर्दै भन्नुभयो -'एकबर्षे राजाको शासन सफल भएकाले नगर निर्वाचन जस्तो ठूलो उपलब्धी हात लागेको हो।' राणाले निर्वाचन प्रक्रियाका लागि नगर निर्वाचनमा भाग लिन लागेका जनतालाई सातदल र माओवादी मिलेर बम विस्फोटन र हिंसा गरी भड्काएको आरोप लगाउनुभयो। दलहरु माओवादी सँग मिलेर आफ्ना कार्यक्रम तय गरेकाले सरकारले बल प्रयोग गरी कार्वाही गर्ने सुझाव दिने बताउनुभयो। राणाले माओवादी समझदारीबाट दलहरु पछि नहट्ने सम्म दलका नेताहरु हिरासतबाट नछुट्ने बताउनुभयो। 'आन्दोलनका माध्यमबाट राजालाई घुँडा टेकाउने र देशलाई तहस नहस पार्नेलाई जेलबाट छोड्न हुदैन' उहाले भन्नुभयो।

निरङ्कुश सत्तालाई कुट्नीतिज्ञबाट अर्को धक्का

Nepal Info — Tue, 21 Feb 2006 21:38:25 +0100

Nepal's crisis a global problem: Flora Mac Donald, former Canadian foreign minister

ओतावा, क्यानडा
नेपालका निरङ्कुश राजालाई फेरि अर्को धक्का लागेको छ। बिदेशी कुटनीतिक क्षेत्रबाट। क्यानेडियाली सरकारका पूर्ब परराष्ट्रमन्त्री फ्लोरा म्याक डोनाल्डले नेपालको बर्तमान समस्या नेपालको मात्रै नभएर सारा बिश्वभरिको भएको बताएर निरन्कुश राजालाई कुट्नीतिक क्षेत्रमा गतिलो झापड दिएकी छन् । क्यानडाको ओतावामा रहेको एशियाली क्षेत्रका जनताको जिवनस्तर र मनवाधिकारकालागि कार्यरत क्यानडा फोरम् फर नेपाल एण्ड हार्मोनी इन्टरनेशनलले आइतबार यहा आयोजना गरेको शान्ति, प्रजातन्त्र र नेपालमा मानवधिकार छलफल कार्यक्रममा बोल्दै उक्त कुरा बताएकी हुन।

रानीलाई शुभकामना दिन खोज्दा वडाध्यक्ष घोक्र्याइए

Nepal Info — Sun, 19 Feb 2006 15:05:14 +0100

हरि भट्टर्राई/स्वससे
पोखरा/ फागुन ७
श्री ५ वडामहारानी कोमल राज्यलक्ष्मी देवी शाहलाई ५६ औं शुभ जन्मोत्सवको अवसरमा शुभकामना दिन पोखराको रत्नमन्दिर दरबारमा प्रवेश गर्न खोज्दा एक नवनिर्वाचित वडाध्यक्ष सुरक्षाकर्मीबाट घोक्राइएका छन ।
सुरक्षाकर्मीहरुले घोक्रेठ्याक लगाई बाहिर निकालिदिएका नवनिर्वाचित वडाध्यक्ष लेखनाथ नगरपालिका-६ का बसन्तराज लामिछाने हुनुहुन्छ। उहाँले दरबारमा प्रवेश नपाएपछि बाहिरै बसिरहेका सञ्चारकर्मीहरुसँग आफ्नो 'प्यारा' राजारानीलाई शुभकामना दिन नपाएकोमा दुख ब्यक्त गर्नुभयो। 'चाहिएको बेलामा थुनेर राखेरै भएपनि वडाध्यक्ष बनाए ।

नगरनिर्वाचन भएरै छाड्ने

Nepal Info — Wed, 25 Jan 2006 18:33:49 +0100

Meeting at Royal palace, polls to be conducted at any cost

काठमाडौ, माघ १२
अहिले बेलुका दरवारमा बसेको मन्त्रीपरिषद बैठकले जसरीभएपनि नगरनिर्वाचन गरेरै छाड्ने निर्णय गरेको छ। गृहमन्त्री कमल थापा आजै पश्चिम मध्यपश्चिम र सूदूर पश्चिमको भ्रमण पूरा गरी बेलुका नै राजधानी फर्केका थिए। उनले राजासमक्ष नगरनिर्वाचन गर्न कुनै कठिनाइ नहुने जनाउदै निर्वाचनका सम्पूर्ण कार्यक्रम यथावत संचालन गर्न सकिने जानकारी गराएका थिए। यसैगरी अहिले बेलुका बुढानिलकन्ठ र महाराजगन्जको र महांकाल गाविसमा शक्तिशाली बम पड्काएका छन्।

दलहरुको आन्दोलन जारी

सात दलद्धारा आयोजना गरिएको भोलीको नेपालबन्द कार्यक्रमलाई सफल पार्न आजपनि दलहरुको प्रदर्शन जारी रह्यो। दलका कार्यकर्ताहरुले आज काठमाडौ, पोखरा, सुर्खेत, विराटनगर र दाङमा विरोध जुलुसहरु निकालेका छन्। विरोध प्रदर्शनका क्रममा दर्जनौं कार्यकर्ता पक्राउ परेका छन्। यसैगरि आज दिनभर तनावग्रस्त रहेको पोखरामा अहिले बेलुका मसाल जुलुस निस्केको र धनगढी तथा नेपालगन्जमा माओवादी र सूरक्षाकर्मीविच दोहोरो फाइरिग भएको थाह हुन आएको छ। हताहतीको संख्याभने प्राप्त भएको छैन।

उपत्यकामा तनावकाविच विरोध प्रदर्शन सफल

Nepal Info — Sat, 21 Jan 2006 20:29:29 +0100

Democratic protest successful

काठमाडौ, माघ ८
हिजोको विरोध प्रदर्शनलाई सरकारले हस्तक्षेप गरेपछि आज भएको विरोध प्रदर्शनीमा दूइ सय भन्दा बढी कार्यकर्ता पक्राउ परेका छन्। आज दिनभर सात राजनीतिक दलका कार्यकर्ता र प्रहरी बीचको भिडन्तले वसन्तपुर क्षेत्र तनाव ग्रस्त रह्यो। प्रदर्शनकारी बिरुद्ध अश्रुग्यास प्रयोग गरिएको थियो।

उम्मेद्वारहरुलाई सामाजिक बहिष्कार गरिने

Nepal Info — Wed, 11 Jan 2006 16:52:08 +0100

Candidates to be socially boycotted

काठमाडौं, पुस २७
शाही सरकारले निरंकुशता स्थापित गर्न लागेको नगर निर्वाचन वहिष्कारको आग्रह गर्दै आन्दोलनरत सात दलले देशैभरी घरदैलो कार्यक्रम थालेका छन् भने उनीहरुको यो आन्दोलन देशव्यापी बन्दै गइरहेको छ। केही दिन अघिदेखि शुरु भएको यो आन्दोलनलाई सघाउन अहिले मानवअधिकार संघ संस्थाहरुपनि लागिपरेका छन्।पर्चा पोष्टरहरुका साथ घरघरमा गएर निर्वाचन बहिष्कार गर्न पार्टीहरुले आफ्ना कार्यकर्ता तथा नागरिकहरुलाई अनुरोध गरिरहेका छन्। हिजोका दिनमा भोट हाल्न आग्रह गर्दै घरघरमा नेताहरु आएको अनुभव गरिरहेका उपत्यकाबासीले त्यही नेताहरु भोट नहाल्न आग्रह गर्दै घरदैलोमा पुग्दा आर्श्चर्य मानेको एमाले उपत्यका समन्वय कमिटीका सदस्य योगेश भट्टराइले जनाए।

राप्रपाका सात नेता निष्काशित

Nepal Info — Mon, 09 Jan 2006 15:41:18 +0100

RPP chairman fires seven central committee members

काठमाडौ, पुस २५

राष्ट्रिय प्रजातन्त्र पार्टी सक्रिय राजतन्त्रको पक्षधर सात जना नेतारुलाई ६ वर्षम्मको लागि पार्टीको साधारण सदस्यता समेत नरहने गरी निष्काशन गरेको छ। बहुदलीय प्रजातन्त्रप्रति प्रतिबद्ध पार्टीको नीति विपरित पार्टी फूटाउने दुष्प्रयासमा सक्रिय सहभागिता जनाएको भन्दै अनुशासन समितिले गृहमन्त्री कमल थापा, शिक्षा सहायक मन्त्री भुवन पाठक, स्थानीय विकास राज्यमन्त्री रोशन कार्की, केन्द्रीय सदस्य पद्मसुन्दर लावती, दूर्गा श्रेष्ठ, जगत गौचन र राजिव पराजुलीलाई निष्काशन गरेको हो।

प्रजातान्त्रिक कांग्रेसलाई राजा हटाउन सुझाब

Nepal Info — Fri, 30 Dec 2005 19:24:29 +0100

काठमाडौ, पुस १५
राजतन्त्रलाई निरंकुशताको पर्यायवाचीको संज्ञा दिदै बुद्धिजीवीहरुले पार्टी विधानबाट सबै प्रकृतिको राजतन्त्र हटाउन प्रजातान्त्रिक काग्रेसलाई सुझाव दिएका छन। पुस २१ गते सुरु हुने पार्टीको केन्द्रीय महाधिवशेनमा पेश हुने प्रस्तावका लागि सुझाव दिदैं शुक्रबार बुद्धिजीवीहरुले दल-माओवादी समझदारी भइसकेको अवस्थामा निरंकुश राजतन्त्र अन्त्य भन्ने शब्दजालमा नअल्मलिन आग्रह गरे। वकिल, प्राध्यापक, पत्रकार, मानवअधिकार्रर्मीहरुले नेपाली काग्रेसले जतिपटक राजतन्त्रलाई संवैधानिक रुपमा मान्दै आयो, राजतन्त्रले त्यती पटक धोका दिएको अनुभव सुनाउँदै राजतन्त्रको भाग्यको फैसला अब जनताबाटै गर्नै पर्ने बेला आएको बताए। संविधान सभाको पक्षमा धेरै समय बुद्धिजीवीहरुले खर्चिए।

युद्धविराम भंग हुने चर्चासँगै हुलकाहुल परदेशतिर

Nepal Info — Thu, 29 Dec 2005 15:14:30 +0100

Thousands flee India in fear of a possible break of ceasefire
शिवराज योगी
धनगढी, पुस १४
फेरि दोहोरो मारमा परिने पिरले भारत पलायन हुने सर्वसाधारणको संख्या हृवात्तै बढेको छ। माओवादीले गरेको चार महिना पुरानो एकतर्फी युद्धविरामको म्याद सकिन लाग्दा घर छोडेर परदेश लाग्नेको हुल सिमा क्षेत्रमा बढेको छ। भारत जानका लागि हुम्लाबाट १६ दिन लगाएर कैलालीको अत्तरिया आइपुगेकी कमला रावले भनिन- गरिब जनताका लागि लडेका हौं भन्ने माओवादी हामीमाथि जाई लाग्छन। जनताको सुरक्षा गर्र्छौ भन्ने सरकार पनि हामीलाई नै पिडा दिन्छ। अनि परदेशिनुको बिकल्पै के?

मन्त्रीको एक छाक, १६ हजार खर्च

Nepal Info — Wed, 28 Dec 2005 15:51:45 +0100

Sixteeen thousand for a dinner of two ministers

कृष्ण अधिकारी
स्वतन्त्र समाचार सेवा
नेपालगंज, पुस १३
हुन त उनीहरु सहायक मन्त्री हुन, तर ज्यादै महङ्गा । हो, दुइ जना सहायक मन्त्रीले एक साँझको भोजनमा राज्यको ढुकुटीबाट १६ हजार रुपैया खर्च गरेका छन। महङ्गो भोजन गरी मंगलबार साँझ १६ हजार रुपैयाँ तिर्ने शाही मन्त्रिपरिषद्का सहायक मन्त्रीद्धय हुन-जलस्रोत सहायक मन्त्री बिनोदकुमार शाह र भौतिक योजना तथा निर्माण सहायक मन्त्री छक्कबहादुर लामा। शाह बाँके र बर्दियाको निर्वाचन चाँजोपाँजो मिलाउने सरकारी प्रतिनिधि बनेर यहाँ आएका हुन भने लामा दैलख र सुर्खेतको चाँजोपाँजो मिलाउन। लामा सतहमार्गबाट आफूलाई खटाएको जिल्ला जान नसकिने र हवाई मार्गबाट पनि हेलिकोप्टर नपाएको दुःखेसो पोख्दै छन। हेलिकोप्टर नपाएर नेपालगंजमा भौतारिनु परेको विलाप उनले संचारकर्मीहरुलाई सुनाए। 'काठमाण्डौबाट आउन दुइ दिने लाग्यो, यहाँबाट पनि साधन पाइएन' उनले भने। दैलेख जान कालिकोटको हेलिकाप्टर भाडा तिर्नु परेको गुनासो पनि उनले गरे। बाँके र बर्दियाको निर्वाचनको चाँजोपाँजो मिलाउने अख्तियारी पाएर निर्धारित समय भन्दा दुइ दिन ढिलो यहाँ आएका शाहले भने सुरक्षा घेरामा बसेर निजामती प्रशासकलाई तर्साउने भाषा प्रयोग गरे। 'कुनै पनि प्रमुख जिल्ला अधिकारीले निर्वाचन हुन सक्दैन भन्दै भन्दैन, भन्यो भने उ २ मिनेट पनि यो पदमा बस्न पाउदैन' उनले भने।

सर्वोच्च कब्जा गर्ने अभियानमा दरबार

Nepal Info — Tue, 27 Dec 2005 22:19:24 +0100

Palace tries to capture the supreme court

काठमाडौं, पुस १२
सर्वोच्च अदालतमा संविधान,कानून र विवेकका अनुयायी होइन, दरबारका भक्तहरुलाई न्यायमूर्ति बनाउने प्रपञ्च चलिरहेको छ। यो खेलमा न्यायाधीश नियुक्तिका लागि सिफारिस गर्ने न्यायपरिषद् यतिबेला नराम्ररी फसेको छ। दरबारको इच्छा र निर्देशनलाई टार्न नसक्ने तथा शाही सरकारका कानून मन्त्रीको योजनालाई पन्छाउन नसक्ने अध्यक्षका कारण न्यायपरिषदका विवेकशील सदस्य र कर्मचारी बिलखबन्दमा परेका छन। त्यसैले मंगलबार परिषदका सचिव काशीराज दाहाल प्रधानन्यायाधीश दिलिपकुमार पौडेलले खोज्दा संपर्कमा रहेनन।
सर्वोच्च अदालतको अस्थायी चार न्यायाधीशमा माघ १९ को शाही कदमलाई सम्बैधानिक भएको प्रमाणित गर्न हिन्दु धर्मशास्त्रको साहरा लिएर अदालतको धारणा निर्माण गर्न सहयोग गर्ने महान्यायाधिवक्ता पवनकुमार ओझाको नामलाई ...

सरकारद्धार चीनिया दूतावास संग माफी माग

Nepal Info — Mon, 26 Dec 2005 01:00:00 +0100

Foreign Minister bows with Chinese Embassy

काठमाडौ, पुस ११
शुक्रवार सांझ नेपालस्थित चिनीया राजदूत हि पिगंको सवारीमा भएको कुटनीतिक मर्यादाविपरीतको छानविन प्रक्रिया प्रति आज सरकारका तर्फबाट परराष्ट्रमन्त्री रमेशनाथ पान्डे र सुरक्षा अधिकारीहरुले क्षमा मागेका छन्। विगत सात महिनादेखि होटल याक एन्ड यतिमा बस्दै आउनुभएका राजदूत पिंगको सवारीलाई अमेरिकी दूतावासका सूरक्षा अधिकारी र शसस्त्र प्रहरीले खोजतलास गर्न खोजेका थिए।
नेपाली भूमीमा अमेरिकी सुरक्षा निकायको साथमा नेपाली सुरक्षा निकायले गरेको यो कार्यलाई चीनिया राजदूतावासले गंभिरतापूर्वक लिएको जानकारी दिएको छ। नेपालको संकटपूर्ण घडीमा साथ दिने हामी तर व्यवहारमा भने हामीलाई यो अपमान भन्दै चीनिया दूतावासले प्रतिक्रिया दिएको थाह हुन आएको छ।

राजाले अमेरिकी राजदूतलाई के भने ?

Nepal Info — Tue, 20 Dec 2005 16:59:53 +0100

What King said to US ambassidor ?

काठमाडौ ,पुस ५
राष्ट्रपति जर्ज डव्ल्यु बुसको पत्र बोकेर दरवार छिरेका अमेरिकी राजदूत जेम्स मोरियार्टीलाई राजाले आफ्नै लाईनमा हिड्न तयार रहेको प्रतिक्रिया दिएपछि हिस्स भएका छन्। नेपालमा पछिल्लो पटक विकास भइरहेका घटनाक्रमहरुबारे जानकारी दिन गृह देश पुगेर फर्केलगत्तै मोरियार्टीले बुसको पत्र राजालाई दिन शुक्रबार सांझ दरवार पसेका थिए। बुसले पत्रमा राजनीतिपार्टीहरु र माओवादीविचको १२ बुदे सहमती अनुसार अगाडि बढ्न राजालाई आग्रह गरेका थिए। प्रतिउत्तरमा राजाले मुलुकमा शान्ति कायम गर्न आफूले तीन बर्षको समय लिएको र त्यो समयसम्म आफू आफ्नै प्रतिबद्धतामा अडिग रहेको बताएका थिए। राजाको यस्तो प्रतिक्रियापछि मोरियार्टी हिस्स भएर दरबारबाट फर्केको हाम्रा सहयोगीलाई दरवार निकट स्रोतले बताएको छ।अमेरिकी दूताबासले राजदूत र राजाविच भेटघाट भएको पुष्टी गरेपनि के कस्तो कुराकानी भयो भन्नेबारे मौन रहेको छ।
राजाको यस्नो प्रतिक्रिया पछि कांग्रेस सभापती गिरीजाप्रसाद कोइरालाले आज गृहनगर विराटनगरमा राजालाई दवाव दिन पार्टीहरुको आन्दोलन नै काफी छ भन्दै आन्दोलनलाई उर्जा थप्ने काम गरेका छन्।

पार्टी निर्णयका कारण नेविसंघमा विद्रोह सुरु

Nepal Info — Sun, 18 Dec 2005 20:33:35 +0100

कृष्णप्रसाद ढुंगाना
काठमाडौ, पुस ३
नेपाली कांग्रसको भातृ संगठन नेपाल विद्यार्थी संघको तर्दथ समितिको नामावली सार्वजनिक गरिएको १२ घण्टा बित्नै नपाई चर्को विवाद सुरु भएको छ।पार्टी विद्यार्थी नेता महेन्द्रकुमार शर्माको अध्यक्षतामा ४१ सदस्यीय समिति आईतबार सार्वजनिक गर्नासाथ त्यसप्रति असन्तोष देखाउँदै संघका ६२ जिल्ला सभापतिहरुले राजीनामा दिने जनाएका छन। केन्द्रिय तहमा रहेका विद्यार्थी नेताहरुले समितिको बहिष्कार गर्ने भएका छन्।

पोखरा माधिवेशनको विवादको विषयमा अनुशन्धान गर्न पार्टी कोषाध्यष महन्थ ठाकुरको संयोजकत्वमा गठित समितिको प्रतिवेदनको आधारमा नै सो समिति गठन गरिएको आशंका गरिएको छ। तर, हालसम्म सो प्रतिवेदन भने सार्वजनिक गरिएको छैन।पुनगठन प्रति असहमति ब्यक्त गर्दै राजीनामा दिने ६२ जिल्लाहरुमा ताप्लेजुङ्ख, पाँचथर, झापा, ...

नगरकोटमा सेनाको व्यारेक घेरियो

Nepal Info — Fri, 16 Dec 2005 17:29:50 +0100

Locals encircle Nagarkot Army Barrack

काठमाडौ, पुस १
हिजो राती सर्वसाधारणको विभत्स हत्या भएको विरोधमा आज नगरकोटवासीहरुले नगरकोटको सेनाको व्यारेक घेरी नारा जुलुश गरेका छन्।एमालेका अनुसार पार्टीका नगरकोट गाबिस सचिब दिलबहादुर तामाङको नेतृत्वमा निस्केको करीब तीन हजार जनसमुदायको जुलुसले नगरकोटस्थित सेनाको ब्यारेक घेरी नाराजुलुस गरेका थियो। बर्षौ देखि शाही सेनाको अत्याचार सहन बाध्य नगरकोटबासीहरुले आज आक्रोसपूर्ण अभिव्यक्ति सहित व्यारेक घेरा गरेको स्वतन्त्र समाचार सेवाले जनाएको छ।

कांग्रेस र एमालेका साइटहरुको हरिविजोग

Nepal Info — Mon, 12 Dec 2005 02:00:00 +0100

Nepali Congress and UML run miserable sites

काठमाडौ, मंसिर २७
राजाले माघ १९ बाट सम्पूर्ण राज्य सत्ता आफ्नो हातमा लिएपछि संचार माध्यमहरुले प्रत्यक्ष या अप्रत्यक्ष रुपमा प्रेस सेन्सरसीपको मार खेपिरहेका छन्।थुप्रै समाचार साइटहरु राज्यले बन्द गरिदिएको छ। राज्यबाट संचालित समाचार माध्यमहरुले सरकारी प्रोपोगान्डाको मात्रै प्रचार प्रसार गरिरहेका छन्।नीजि स्तरका थुप्रै पत्रपत्रिकाहरुपनि सरकारी लोभ लालच, धम्की लगायतका कारणले सरकारी संचार माध्यम सरह भएका छन्। नागरिक समाज पत्रकार महासंघ र नेपाली कांग्रेस तथा नेकपा एमाले ले आयोजना गरेका सरकार विरोधी प्रदर्शनमा जनताको विशाल सहभागिता बढ्दो छ। देशमा के भइरहेको छ भन्ने कुरा स्वदेशमा मात्र होइन विदेशमा बस्दे नेपाली र नेपालबारे चासोराख्नेहरु यथार्थ ...

काठमाडौका एसपी निलम्वित

Nepal Info — Sun, 04 Dec 2005 18:38:51 +0100

SP Neupane suspended

काठमाडौ, मंसिर १९

एमालेलेको केन्द्रिय कार्यालय बल्खुलाई हिजो बेलुका राजा समर्थक केही गुन्डाहरुले ध्वस्त पार्ने चेतावनी दिएपछि काठमाडौ उपत्यका र पोखरामा आज बिरोध प्रद्रर्शनहरु भएका छन्।
बिरोध प्रदर्शनका क्रममा आज अमृत साइन्स क्याम्पस र सरस्वती क्याम्पस ठमेलमा प्रहरी र विद्यार्थीहरुविच ढूगाहानाहान भएको र प्रहरीले प्रत्युत्तरमा अश्रु ग्यास प्रहार गरेको थियो। प्रहरीको अश्रु ग्यासबाट कोहीपनि घाइते नभएपनि दिनभर उक्त क्षेत्रमा तनाव भइनैरह्यो। यसैगरी पोखरामापनि यसैको विरोधमा सडक प्रदर्शन भएको थाह हुन आएको छ। उता राजाको सवारीको क्रममा भएको ढुगामुडा र हिजो यूवराज पारसबाट भएको गुन्डागर्दीको पहिलो मार जिल्ला प्रहरी कार्यालय काठमाडौका प्रहरी प्रमुख इन्द्र न्यौपाने भएका छन्। उनलाई निलम्वन गरिएको छ ...

फेरि मोवाइल र फोन बन्द हुने

Nepal Info — Thu, 01 Dec 2005 08:43:20 +0100

Government prepares to suspend phone services again

काठमाडौ, मंसिर १६

पटक पटक प्रेस र सञ्चार माध्यमको घांटी निमोठेर आनन्द मनाउने शाही सरकारले पुन मोवाइल फोन र स्थीर लाइन टेलिफोनको समेत सेवा बन्द गराउने प्रपञ्च गरीरहेको छ। नगरपालिकाको निर्वाचनको सुरक्षा स्थिति मजबुत बनाउने नाममा त्यस्तो सुझाव सरकारलाई सेनाले दिएको सेनाकै विश्वस्त स्रोतले जनाएको छ। दिइएको सुझाव अनुसार पहिलो चरणमा मोवाइल फोन र त्यसपछि स्थिर लाइन टेलिफोनहरुको सेवा बन्द गरिने भएको छ।
त्यो सुझाव भोलि नेकपा एमालेले काठमाडौं उपत्यकामा गर्न लागेको जनप्रदर्शनकै निहुंमा कार्यान्वयन गर्न प्रयास गरिएकोमा ज्ञानेन्द्र शाहको विदेश भ्रमण र फिर्ताको क्रममा नै समेत असर पर्न सक्ने भएकोले शाहको फिर्ता पछि मात्र निर्णय गरिने सेनाले सरकारमा रहेका राजाका सहयोगीहरुलाई बताएका थिए।

नाराणहिटीभित्र 'आतंककारी'

Nepal Info — Mon, 28 Nov 2005 19:02:50 +0100

'Terrorist at Royal Palace'

काठमाडौं, मंसीर १३
मानवअधिकारकर्मी कृष्ण पहाडीले नारायणहिटी राजदरबारभित्र बस्ने आतंकबादीले रेडियोमाथि हमला गरेको बताउनु भएको छ। सरकारले रेडियो सगरमाथामाथि आक्रमण गरी प्रसारण बन्द गरेको बिरोधमा नेपाल पत्रकार महासंघको आह्वानमा आयोजित विरोध र्‍यालीपछि आयोजित सभामा उहाले भन्नुभयो -'सरकारले रेडियो सगरमाथालाई आतंकको आरोप लगाउँदै प्रसारण बन्द गराए पनि नेपालमा कहिल्यै शान्ति नचाहने आतंकबादी नारायणहिटीको चार दिबारभित्र बसेको छ।' आतंकवादीहरु मानवअधिकार, स्वतन्त्र प्रेस, एफएमको समाचारदेखि डराउने गरेको उल्लेख गर्दै नेपालमा राज्यसत्ताले रेडियो सगरमाथामाथि आक्रमण गरेर त्यसलाई थप पुष्टि गरेको उहाले बताउनुभयो।

पहाडीले बिरामी मरेपछि औषधि काम नलाग्ने उल्लेख गर्दै सर्वोच्च अदालतले बिरामी मानवअधिकार र प्रेस स्वतन्त्रता वहाली गर्न सहयोगको गर्नुपर्ने बताउनुभयो। 'शाही सरकार मर्ने बेलामा कमिलाको प्वाँख पलाएको अवस्थामा छ' उहाले थप्नुभयो। स्वतन्त्रताका पक्षधरले ज्यानको पर्वाह नगर्ने भएकाले २५ मंसिरमा मानवअधिकार दिवसको अवसर पारेर रत्नपार्कमा 'आतंककारी बिरुद्ध' कार्यक्रम गरिने जानकारी पहाडीले दिनुभयो। उहाले पटक पटक राजालाई इंगित गर्दै आतंककारी भनेर लल्कार्नुभएको थियो।

पत्रकार महासंघका सभापति बिष्णु निष्ठुरीले प्रेस स्वतन्त्रतामाथि आक्रमण गर्नेको हात झर्ने भविष्यवाणी गर्दै प्रेसमाथि थप आक्रमण नगर्न शाही सरकारलाई चुनौती दिनुभयो। 'शाही सरकार भीरतिरको यात्रामा रहेको' दाबी पनि उहाले गर्नुभयो।

अमेरिका र भारतद्वारा स्वागत

Nepal Info — Wed, 23 Nov 2005 19:38:12 +0100

US and India welcome the agreement between Maoist and Democratic parties

काठमाडौ, मंसिर ८

सात दल र माओवादीबीच बुधबार भएको सहमतिलाई अमेरिका र भारतले स्वागत गरेका छन्। दुबै देशका नेपालस्थित दूतावासका प्रवक्ताहरुले बुधबार सो समझदारीको स्वागत गरेका हुन्। नेपालस्थित अमेरिकी दूतावासका प्रवक्ता बब हकिन्सले भनेका छन्- 'माओवादीहरु हिंसा त्यागेर राजनीतिको मूलधारमा आउन तयार छन् भने अमेरिकाले त्यसको स्वागत गर्दछ।' तर, हतियार त्याग्ने र युद्धविराम लम्ब्याउने विषयमा भने सहमतिपत्रमा केही उल्लेख नभएकोमा भने प्रवक्ता हकिन्सले असन्तोष व्यक्त गर्नुभएको छ। यो सहमतिले राजालाई राजनीतिक दलहरुसग सहमतिमा ल्याउने परिस्थिति बनेको उहाको तर्क छ।त्यसैगरी भारतीय दूतावासका प्रवक्ता गोपाल वाग्लेले हिंसा त्याग्न तथा प्रजातन्त्र र शान्तिका लागि यो प्रयास गरिएको हो भने भारतले यसको स्वागत गर्ने बताउनुभएको छ। भारत र अमेरिकाले सात दल तथा माओवादीबीचको सहमतिलाई स्वागत गरेपछि अब शाही सरकारलाई थप अप्ठ्यारो परेको छ।

दरबार सकारात्मक भएन भने..........

Nepal Info — Wed, 23 Nov 2005 19:36:18 +0100

'Nepali politics in the decessive stage'

काठमाडौ, मंसिर ८

नेपाली कांग्रेस प्रजातान्त्रिकले माओवादीसग भएको सात दलको सहमति कार्यान्वयनपछि देशको राजनीति निर्णायक मोडमा पुग्ने ठहर गरेको छ। साथै समस्या समाधानकालागि अब दरबारले प्रयास नगरे माओवादीको सहयोगमा आन्दोलन चर्काइने पनि सो दलले बुधबार निर्णउ गरेको छ।
बुधबार बसेको प्रजातान्त्रिकको केन्द्रीय बैठकले माओवादीसग भएको १२ बुदे सहमति कार्यन्वयन भएका हत्या हिंसा बन्द गर्नका लागि यो सहमति कोसे ढुंगा सावित हुने निष्कर्षसमेत निकालेको छ। बैठकपछि प्रजातान्त्रिक कांग्रेसका कार्यवाहक सभापति गोपालमान श्रेष्ठले भन्नुभएको छ-'माओवादीहरुले धेरै कुराहरुलाई आत्मालोचना गर्दै प्रतिश्पर्धात्मक राजनीतिमा आउनेदेखि लिएर, सम्पत्ति फिर्ता गर्नेदेखि लिएर अहिलेसम्म गरेको क्रियाकलापलाई आत्मालोचना गरेका छन् र हामी संसदवादीहरुले पनि केही कुराहरु आत्मालोचना गरेका छौं यसबाट अब मुलुकले सही गति लिन सक्छ। दरवारले आन्दोलनरत दलहरुलाई हेर्ने दृष्टिकोण सकारात्मक भयो भने धेरै चाडै सेफ ल्याण्डिङ्ग हुन्छ। दरबारले यसलाई नकारात्मक रुपमा हेर्‍यो भने मुलुकमा ठूलो आन्दोलन हुन्छ।' प्रजातान्त्रिकको बैठकमा कतिपय केन्द्रीय सदस्यहरुले भने माओवादीको नियत प्रष्ट भइनसकेको भन्दै सातदलले माओवादीसग हतारमा सहमति गरेको गुनासो पोखेका थिए।पार्टीभित्र दक्षिणपन्थी धारको प्रतिनिधित्व गर्ने ती सदस्यहरुले संबैधानिक राजतन्त्रलाई छाडेर संविधानसभामा सहमति जनाई माओवादीको कित्तामा पुग्दा अप्ठ्यारो पर्नसक्छ भन्दै त्रास पनि व्यक्त गरेका थिए।

मेरो सैसार व्लगसम बन्द

Nepal Info — Tue, 22 Nov 2005 22:29:12 +0100

मेरो संसार पुन चालु

अपडेट

काठमाडौ ,मंसिर ८

हिजो बेलुकाबन्द भएको मेरो संसार आजैबाट फेरि चालु भएको छ। ब्लग संचालक सालोक्यका अनुसार उनले बल्गसमलाई पत्राचार गरेपछि ब्लग पुन चालु भएको हो।उनले आज प्रकाशित गरेको समाचारमा कसैले उनको साइट बन्द गराउन प्रयत्न गरेको तर असफल भएको जनाएका छन्।बाकी यहा क्लिक गर्नुहोस।

Mero Sansar Blog suspended

काठमाडौ, मंसिर ७

एक बर्ष अघिदेखि चल्दै आएको नेपाली भाषाको पहिलो ब्लग मेरो संसार ब्लगसम अहिले बेलुका बाट बन्द भएको छ। हिजै मात्र नेपाली समाजमा खुलापन भित्रीएको र यसले बालबालिकाहरुलाईपनि प्रभाव पारेको भन्दै ब्लगसमका संचालक सालोक्यले कलिला उमेरका बच्चाहरु यौन कार्यमा लिप्त भइरहेका तस्विरहरु र साथमा एक आलेख प्रकाशित गरेका थिए। यसैकारण उनको व्लग बन्द भएको मानिएपनि सालोक्यले यो कुरामा विश्वास गरेका छैनन।
छिमेकी मुलुक भारत र अन्य मुलुकहरुमा आ आफ्नो भाषामा ब्लगहरु संचालन भएका तर नेपालमा यस्ता ब्लगहरु नभएका भन्दै उनले ब्लगसमको निशुल्क वेभ होस्टिगमा नेपाली भाषाको ब्लग चलाएका थिए। सालोक्यका अनुसार उनको व्लग सरकारले बन्द गरको होइन । व्लगसमआफैले उनको व्लग बन्द गरिदिएको हो ।
ब्लगसम एउटा निशुल्क वेभ होस्टिग हो जहाबाट कम्प्युटरको ज्ञान भएका जो कोही पाठकहरुले निशुल्क व्यक्तिगत साइटहरु निर्माण गर्न सक्छन्। मेरो संसारपनि यहिब्लगसमको निशुल्क वेभ होस्टिगबाट चलिरहेको थियो। 'मेरो ब्लग किन बन्द भयो म आफैलाई थाह छैन' हामी संग कुरा गर्दै उनले भने 'मेरो बिचारमा कसैले छुस्की लगाइदिएको हुनुपर्छ। तर म फेरि नया व्लगका साथ पाठकहरुमाझ देखापर्ने छु।' उनको इमेलमा व्लगसमले यस्तो जानकारी पठाएको छ।
The relevant Nepalese Authorities including the police will be informed
of any offensive content.
Yours,
Blogsome Admin

नियन्त्रणपछि हत्या

Nepal Info — Mon, 21 Nov 2005 19:33:46 +0100

RNA kills three Maoist cadres in Nuwakot
नुवाकोट, मंसिर ६
शाही नेपाली सेनाको एक समूहले रसुवाको भोर्ले गाउँ विकास समितिमा विद्रोही माओवादीका तीन कार्यकर्तालाई नियन्त्रणमा लिएर हत्या गरेको नेपाल बार एशोसियसन नुवाकोटले जनाएको छ। बारको मानवअधिकार नेटवर्किङ कमिटीले घट्नास्थलको अध्ययनगरी सार्वजनिक गरेको प्रतिवेदनमा २२ कात्तिकका दिन बिहान माओवादीका तीन कार्यकर्ता पसलभित्र बसेर चिया पिइरहेको बेला रसुवाबाट त्यहाँ पुगेका शाही सेनाले समातेर गोली हानी मारेको उल्लेख छन्।
यसरी मारिनेमा रसुवा जिल्ला स्तरीय कार्यकर्ताहरु दीपक ठकुरी 'विवश', गणेश मगर 'सविन' र सुनिलकुमार तमाङ 'असिम' छन्।रसुवाको भोर्ले गाविस-१ मा भएको घट्नामा छानवीन गर्न निवेदन आएपछि कमिटीले स्थलगत अध्ययन गरेको थियो।सो कमिटीले जारी गरेको प्रेस विज्ञप्तिमा सेनाले उनीहरुलाई नियन्त्रणमा लिई छानवीन गर्न सक्ने आधार हुँदाहुदै पनि हत्या गरेको उल्लेख छ। साथै सेनाले नेपाल अधिराज्यको संविधान २०४७ तथा अन्तराष्ट्रिय जेनेभा महासन्धिको धारा ३ को पालना नगरेको पाईएको विज्ञप्तिमा जनाइएको छ।

पूर्व प्रधानन्यायाधीशको आपत्ति

Nepal Info — Mon, 21 Nov 2005 19:22:33 +0100

Do not influence the Supreme Court : Former SC chief Justice
काठमाडौं, मंसीर ६
सञ्चार सम्बन्धी केही नेपाल ऐन संशोधन गर्न बनेको अध्यादेशमाथि सवोच्च अदालतले अन्तरिम आदेश नदिएकोमा आधा दर्जन पूर्व प्रधानन्यायाधीशहरुले संयुक्त अपिल प्रकाशित गर्दै अदालतको सम्मान गरेकोमा पूर्व प्रधानन्यायाधीश केदारनाथ उपाध्यायले आपत्ति जनाएका छन्।पूर्व प्रधानन्यायाधीश उपाध्यायले अदालतको विचाराधीन मुद्धाको पक्ष वा विपक्षमा तर्क आउनु उचित नहुने बताए। 'हामीले पक्षविपक्षमा लागेर अभिब्यक्ति दिने, वक्तब्य निकाल्ने गर्नु हुँदैंन्, हामीहरुले स्वतन्त्र रुपले सोच्नुपर्छ।' उपाध्यायले भने- हामीजस्ता मान्छेले त विचाराधीन मुद्दामा कुनै टिप्पणी नगरी संवैधानिक ब्याख्या मात्र गर्नुपर्छ।
सञ्चार अध्यादेशमाथि सर्वोच्चले अन्तरिम आदेश दिन अस्वीकार गरेको समर्थनमा आधा दर्जन पूर्व प्रधानन्यायाधीशहरुले अपील निकालेपछि उपाध्यायले हामीसँगको कुराकानीमा यस्तो टिप्पणी गरेका हुन्। उनले विचाराधीन मुद्दामा ...

निरंकुशताविरुद्ध भित्तोको प्रयोग

Nepal Info — Mon, 21 Nov 2005 18:42:12 +0100

People in Taplejung use Walls against autocracy

काठमाडौं, मंसिर ६
ताप्लेजुङका ग्रामिण क्षेत्रमा भित्ते पत्रिकाले राजनीतिक समाचार छापेर राजा ज्ञानेन्द्रको धुलो उडाउन थालेका छन्।सञ्चार अध्यादेश जबर्जस्ती लादेर एफएम रेडियोहरुमा समाचार प्रसारणमा रोक लगाइएपछि त्यसको विरोधमा भित्ते पत्रिका निकाल्ने अभियान चलेको हो।गाउँगाउँका नागरिकको सूचनाको माध्यम बनेको एफएममाथि निरंकुश सरकारले नियन्त्रण गर्न थालेकाले यस्तो गर्न थालिएको स्थानीय पत्रकार आनन्द गौतमले बताएका छन्। साहित्य, कला, कथा, कविता र ग्रामिण गतिविधि समेटेर प्रकाशित हुने भित्ते पत्रिका अहिले राजनीतिक समाचारले भरिन थालेका छन्।
ताप्लेजुङ जिल्लाका ग्रामिण क्षेत्रमा एक महिनामा एक दर्जन भन्दा बढी भित्ते पत्रिकाहरु प्रकाशन भएका छन्। सिनाम गाविसबाट सदरमुकाम आएका डिल्ली प्रसाईलाई उद्धृत गर्दै गौतमले बताएअनुसार, तेल्लोक, मामौखे गाविसका प्रायः सबै विद्यालयमा भित्ते पत्रिका निकालिएका छन् जसमा लोकतान्त्रिक आस्था झल्किने सामग्री छन्। आसपासका क्षेत्रमा भएका राजनीतिक पार्टी कार्यक्रम, बैठक, विद्यार्थी राजनीतिले भित्ते पत्रिकामा स्थान पाउने गरेका छन्।

अमेरिकाद्धारा राजालाई समर्थन

Nepal Info — Fri, 04 Nov 2005 17:44:26 +0100

काठमाण्डु, कार्तिक १८

अमेरिकाले अन्ततः नेपाली राजनीतिमा उसको सक्कली अनुहार देखाएको छ। दलहरू र माओवादीबीचमा सहकार्य हुने भयले आत्तिएर उसले माओवादीसँग नमिल्न दलहरूलाई आज औपचारिक सार्वजनिक चेतावनी दिएको छ।
संयुक्त राज्य अमेरिकाको काठमाडौंस्थित राजदूतावासले आज एक विज्ञप्ति निकाल्दै माओवादी र राजनीतिक दलहरूका बीचमा सहकार्य हुने संभावना देखिएको भनेर संचारमाध्यममा आएका अखबारहरूबाट सतर्क भएको जनाएको छ। अमेरिकी प्रतिक्रिया ठीक त्यति बेला सार्वजनिक भएको छ, जतिबेला सात दल गठबन्धनको