Nepal Info

अध्यारो गल्ली र सांझका सपना

Nepal Info — Mon, 31 Jul 2006 09:44:00 +0200

मलाइ यो कविता ब्लगमा हालू कि नहालू भनेर धेरै घोत्लिनु पर्‍यो । केही साथीले नहाल्न सल्लाह दिएका थिए । तर मैले लामो मथिगंल खियांएपछि के लाग्यो भने मुलुकमा समावेशीकरणको यत्रो चर्चा चलिरहेको छ । त्यसमा ब्लगमा समावेशीकरण पनि अवश्य पर्छ । राज्यले नै महिलाका लागि ३३ प्रतिशत आरक्षणको व्यवस्था गरेको अवस्थामा त्यो ५० प्रतिशत चाहिने माग भइरहेको छ । यस्तो अवस्थामा मलाइ पनि नेपालइन्फो सिभी ब्लग समावेशी हुनुपर्दछ भन्ने लाग्यो । समावेशीका लागि सबिना सिन्धुजीको यो कविता समावेश गरेको छु । जो मेरो परिचयको व्यक्ति हुनुहुन्न । नेपाल इन्फोको मेलमा उहांको कविता प्राप्त भएको हो । सिन्धुली निवासी सिन्धुजीको परिवर्तन ...

कालो दिनमा हामी

Nepal Info — Thu, 30 Mar 2006 19:00:00 +0200

कविता
९ माघ' कालो दिनमा, वसन्तपुर गयौँ
निरंकुशताको विरोध गर्दै, गिरफ्तारी दियौँ ।
पत्रकार-मानवाधिकार, सातै दलका हामी
घिसारियौँ-पछारियौँ, पुलिसको बुट मुनि ।।

सेनाहरु ठिक्क थिए, गोली चलाउन
चारैतिर घेरा हाले, हामीलाई दबाउन ।
लोकतन्त्रको विगूल फुक्दै, गिरफ्तारीमा पर्र्यौँ
कालो दिनको विरोध गर्दै, जेल पनि भर्‍यौँ।।

राजा भन्छन् शान्ति भा'छ, पाल्पा जलेको छ
नेपालीको घरघरमा, शोक परेको छ ।
लोकतन्त्र ल्याउन हामी, सधैँ लागिपर्र्छौँ
बन्दीघरका चिसा कोठा, हामी सबै भर्र्छौँ ।।

नन्दकृष्ण जोशी
महिला विकास प्रशिक्षण केन्द्र,
ललितपुर २० माघ २०६२, विहीबार

जोशी नेपाली कांग्रेस प्रजातान्त्रिकका कार्यकर्ता हुन्।

सत्यलाई पनि साक्षी चाहिएको छ

Nepal Info — Fri, 28 Oct 2005 15:58:00 +0200

चंकी श्रेष्ठ

Even the truth needs a witness ( a symbolic poem )
Chanky Shrestha

अब सत्यलाई
सत्य सावित हुन साक्षी चाहिएको छ
घामलाई घाम हुन
जूनलाई जून हुन
आकाशलाई आकाश हुन साक्षी चाहिएको छ।

यद्यपि दूर क्षितिजबाट ओर्लिएको घामको उज्यालोसँगै
जिन्दगीको शाश्वत सत्यको खोजीमा हिँडिरहेका छन् मानिसहरू
तर, सत्य र उज्यालोकै अस्तित्वमा प्रश्न पनि उठाइरहेका छन्

अब कविताले मात्र
कविलाई कवि सावित गर्न सक्दैन
अब कविलाई कवि हुन
गायकलाई गायक हुन
र, मान्छेलाई मान्छे हुन पनि साक्षी नै चाहिएको छ।

यद्यपि साक्षीले धेरैपल्ट फेरिदिएको छ सत्यको परिभाषा
साक्षीले धेरैपल्ट फेरिदिएको छ सत्यको रङ
साक्षीकै कारण धेरैपल्ट बन्दी भएको छ सत्य
अब सत्य नै साक्षीको खल्तीको रूमाल भएको छ।

नानू तिमी राजा नहोउ

Nepal Info — Thu, 13 Oct 2005 16:56:00 +0200

- स्वागत नेपाल

A miraculous servant (A poem symbolises to the King)

Swagat Nepal, young Literate and journalist

हामी अचम्मका मालिकहरु!
पुस्तौंदेखि
आफ्नै सन्तानको पेट काटेर
आफैंले
कहिल्यै नभोगेको
सुविधा दिएर
उसका सन्तान
दरसन्तानको जिम्मा लिएर
सिन्कोसम्म नभांच्ने
एउटा अचम्मको
अल्छी नोकरलाई
शिर झुकाई झुकाई
आरामसंग
पालिरहेका छौं।

त्यो अद्भूत नोकर!
हामी मालिकह्ररुको
सयौं परिवारले
वषौसम्म खानलाउन पुग्ने
उसको एउटै सन्तानले
एकै पटकमा सिध्याइदिन्छ
सारा ढुकुटी रित्याइदिन्छ

नोकर जस्तोसुकै महङ्गो होस्
जतिसुकै खन्चुवा होस्
जतिसुकै मोज गरोस्
मात्र चोरहरु आउंदा रक्षा गरौस्
डांकाहरु पस्दा सुरक्षा देओस्
त्यही एउटा आश थियो
मात्र त्यति चाहना थियो

डांकाहरु घरभित्रै छिरिसके
चोरहरुले घर ...

तिम्रो अनुहारको ऐना

Nepal Info — Sun, 09 Oct 2005 14:15:00 +0200

चंकी श्रेष्ठ
On the mirror of your face ( a symbolic poem )
Chanky Shrestha, Literate

कविता
तिम्रो अनुहारको ऐनामा
मान्छेहरू हेरिरहेछन् यो देशको अनुहार।

चर्किएको, भत्किएको ऐनामा
देखिन्छ हरेक वस्तु

सत्रसाल भाग दूइ

Nepal Info — Mon, 26 Sep 2005 19:03:00 +0200

० अर्जुन पराजुली
पर्दा बेग्लै झयाल उही
खोपडी बेग्लै ख्याल उही
ज्रि्रो बेग्लै र्‍याल उही
छाला बेग्लै स्याल उही
सत्र साल भाग दुइ
घण्टाघरले घण्टी लाए हुन्थ्यो
धरहरा प्रमुख अतिथि बनेर आए हुन्थ्यो
सहिदगेटले माइक समाए हुन्थ्यो
लोकतन्त्रको भित्तोले स्वागत गीत गाए हुन्थ्यो
सत्र साल भाग दुइ
स्वागत गीत गाउनुभन्दा पहिले
त्रि्रो नाउँमा एक मिनेट
मौन धारण गर्न पाए हुन्थ्यो
सत्र साल भाग दुइ
तिमीले हामीलाई प्रजातन्त्र दिनु पर्दैन
तिम्रा प्रजामा को को पर्छन्
हामीलाई थाहा छ
तिमीले हामीलाई शान्ति पनि दिनु पर्दैन
तिम्रा शान्तिले के के गर्छन्
हामीलाई थाहा छ ।
हामीलाई त पढ्नका लागि
तिमीले केवल
एउटा पत्रिका दिए पुग्छ
हामीलाई त पढ्नका लागि
तिमीले केवल
एउटा पत्रिका दिए पुग्छ
जुन पत्रिका तिम्रो नामै नामले भरिएको होस्
हामीलाई त पढ्नका लागि
एउटा पत्रिका दिए पुग्छ
जुन पत्रिका तिम्रो नामै नामले भरिएको होस्
नामैपिच्छे एउटा एउटा
समवेदना व्यक्त गरिएको होस् ।
काभ्रे टाइम्सबाट साभार

अन्तिम श्रद्धान्जली

Nepal Info — Fri, 02 Sep 2005 16:19:00 +0200

० लेखनाथ भण्डारी

मेरो देशको इतिहास,
१
उस्ले अलिकति बल गर्‍यो
मैले अलिकति शिर झुकाएं
दयामा उसले मेरो गर्धन माथि
तरवार चलाएन ।

टाट्नामा बांधेर मलाई
ढुंगा जस्तो देवता
र
देवता जस्तो मान्छेले
नाम र नम्वर फेरेर
बन्द पर्खालभित्र
मेरै रगत पसिनामा रमाईरहेछ
शकुनी पासा थापेर
कूम्भकर्ण निदाई रहेछ ।
२
दया पूर्वक टाट्नामा झुण्डाइएको
म यो देशको नेता हुं
बुढो गोरुले वाछीलाई
र्गर्भधान गराउन नसक्ने ।

वन्द पर्खाल भित्रको
हरियो घांसको लोभले
टाट्नामा झुण्डिएर
म सधैं
सपनाको लड्डु खाई रहेछु ।

मेरो भगवानलाई
आरती उतारिरहेछु
स्यालले झैं
झर्ला र खाउंला भनेर
र्‍याल चुहाईरहेछु
विन्तिपत्र हालिरहेछु
भाका फेरी फेरि गीत गाईरहेछु
घम्कीको भाषामा चाकडी बजाईरहेछु ।

मेरो भगवानको
अरु कसैलाई किन विरोध गर्न दिन्थें र
म आफैंले
चर्को नारा लगाई रहेछु ।

दासता र दमन सहेर
स्वभिमानी सन्तानहरुलाई
निसन्तान वनाउने
म बुढो गोरु हुं
वाछीको गर्भधान रोकिरहेछु
नयां सृष्टिलाई
नयां सन्ततीलाई
धोका दिईरहेछु ।

३
आमा तिमीलाई धिक्कार छर्
गर्भ मै तुहिनुपर्ने
दासहरुलाई तिमीले
व्यर्थमा जन्म दियौ ।
तिमीले जन्माएका
ती सबै दासहरुलाई
नया सृष्टिलाई रोक्ने बुढा गोरुहरुलाई
मेरो देशका जीवित नेताहरुलाई
अन्तिम श्रद्धान्जली ।

२५ अगस्त २००५
भर्जिनिया, अमेरिका