The NHRC has already received about five hundred complaints related to Maoist



काठमाण्डौ, साउन २०

राष्ट्रिय मानव अधिकार आयोगले तामेलीमा रहेका ५ सयवटा मुद्दाहरुको छिनोफानो गर्न नेकपा ( माओवादी)संग सर्म्पर्क गर्ने भएको छ । मंगलबार सम्पन्न आयोगको बैठकले सदस्य सुदीप पाठकलाई सर्म्पर्क व्यक्तिका रुपमा तोकेको छ । साथै आयोगले शाही आयोगलगायतका केही महत्वपूर्ण सवालहरुमा पनि बिहीबार मुख खोलेको छ ।
मानवअधिकार आयोगद्वारा आफ्नै कार्यलयमा विहिबार आयोजित पत्रकार सम्मेलनमा दिइएको जानकारी अनुसार कुल १६ सय मुद्दाहरुमध्ये माओवादीसंग सम्बन्धित ५सय मुद्दाहरु तामेलीमा रहेका छन् । ती मुद्दाहरुमा माओवादी पनि एउटा पक्ष रहेको र उ स‌ग सर्म्पर्क हुन नसक्दा अनिणिर्त अवस्थामा राखिएको आयोगले जनाएको छ । अपहरण, विस्थापन, हत्या, जवरजस्ति चन्दा, ज्यानको धम्कि, लगायत शाही नेपाली सेना प्रहरी र शशस्त्र प्रहरीमा कार्यरत सुरक्षा फौजका परिवारलाई विभिन्न रुपले पिडा दिएको विषय स‌ग ती मुद्दाहरु सम्बन्धीत रहेको आयोगद्वारा जारी विज्ञप्तिमा उल्लेख छ ।
माओवादीस‌‌ग प्रत्यक्ष सर्म्पर्क हुन नसकेका कारण निर्णय हुन नसकेका ती मुद्दाहरुमा अपहरण २ सय ७५ वटा, विस्थापित ८७, यातना ९० , जवरजस्ति चन्दा असुली १३, ज्यान सम्बन्धी धम्की २९, व्यक्तिगत सम्पति नष्ट ५, र नाकाबन्दी सम्बन्धी एउटा छन् ।
आयोगले उक्त मुद्दाहरुमा माओवादीस‌ग सर्म्पर्क गर्न सकेमा उचित छिनोफानोका लागि सजिलो पर्ने बताएको छ । यसकालागि सक्दो सहयोग पुर्‍याउन आयोगले माओवादी पक्षस‌ंग आग्रहसमेत गरेको छ । आयोगद्वरा जारी विज्ञप्तिमा भनिएको छ-'सम्पूर्ण नागरिकको मानव अधिकारको संरक्षणको दायित्व भएकाले मानव अधिकार आयोग यस्ता विषयहरुमा चुप लागेर बस्न सक्दैन ।' शैक्षिक क्षेत्रमा हड्ताल लगायतमा अवरोध पुर्‍याउने गतिविधि रोक्न पनि आयोगले ओवादीसंग माग गरेको छ ।
मानव अधिकार आयोगका अध्यक्ष नयनबहादुर खत्रीले पत्रकार सम्मेलनमा बोल्दै शाही आयोगको आलोचना गर्नुभयो । शेरबहादुर लगायतलाई थुनामा राखिएको विषयमा सोधिएको प्रश्नमा खत्रीले भन्नुभयो-'आफैले मुद्दा लगाउने,आफैं छानविन गर्ने र आफैं निर्णइ समेत गर्ने कार्य न्यायको सिद्धान्तअनुरुप भएन ।' शाही आयोगले गरेको फैसलाको प्रतिलिपी अध्ययन गर्न बांकी रहेको खत्रीले बताउनुभयो ।
केही महिना अघि झापाको टांगनडुब्बा-८ मा सुरक्षाकर्मीको गोलीबाट मारिएकी रमा अधिकारीको परिवारलाई एक लाख रुपैया क्षतिपूर्ती दिन र स्थानीय सुरक्षा कर्मचरीलाई कारवाही गर्न आयोगले सरकारसंग माग गरेको छ । त्यसै गरी पोखरास्थित साष्ट्र बैंक चौकमा २०६० साल मंसिर २६ गते सुरक्षाकर्मीको लापरवाहीबाट सुरेश बराल मारिएको जनाउंदै सम्बद्ध सुरक्षा कर्मचारीलाई कार्वाही गर्न आयोगले सरकारसमक्ष सिफारिस गरेको छ । त्यसै गरी धादिङ्गको गुम्दी गाविसमा शिक्षक कृष्णप्रसाद सिंखडा भन्ने गोविन्द सिंखडालाई सुरक्षाफौजले घरैबाट पक्राउ गरी गैर कानूनीरुपमा हत्या गरेको आयोगले बताएको छ ।
सरकारले राजधानीका कतिपय स्थानहरुमा निषेधित क्षेत्र घोषणा गरेकोमा आयोगले त्यसको छानविन गर्ने आयोगका सदस्य सुदीप पाठकले बताउनुभयो । त्यसैगरी शान्तिपूर्ण आन्दोलनमाथि सरकारले गरेको दमनको पनि आयोगका पदाधिकारीले आलोचना गरेका छन् । आयोगले राष्ट्रसंघीय मानव अधिकार उच्चायुक्तको नेपालस्थित कार्यलयस“ग मिलेर बेपत्ता पारिएकाहरुको खोजी गर्ने र बेपत्ता पारिएकाहरुलाई राखिएको ठाउ‌ पत्ता लागेमा खानतलासीसमेत गरिने जनाएको छ ।
राजाद्वारा पुर्नर्गठित राष्ट्रिय मानव अधिकार आयोगको आलोचना गरिंदै आए पनि पछिल्लो अवधिमा सरकारको कडा आलोचना गर्दै आयोगका पदाधिकारीले आफ्नो छविमा सुधार ल्याउने प्रयास गरिरहेका छन् । आयोगका अध्यक्ष नयनबहादुर खत्रीले माघ १९ पछि नेपालको मानव अधिकारको स्थिति चिन्ताजनक बन्दै गएको बताउनुभएको छ ।

Special Court extended detention of student leader Gagan Thapa, by five more days.

काठमाण्डौ साउन १९
गत हप्ता पक्राउ परेका नेविसंघका पूर्वमहामन्त्री गगन थापालाई थप ५ दिन हिरासतमा राखी अनुसन्धान गर्न विशेष अदालतले बुधबार सरकारलाई अनुमति दिएको छ । जुलुसमा नारा लगाएकै भरमा राज्यविरुद्धको अपराध सम्बन्धी सजाय गर्न तयारी गरिरहेको सरकारले छानविनका लागि विशेष अदालतसंग १५ दिनको समय मागेको थियो ।