नेपाली व्लग तथा वेभसाइटहरु
Contact us: nepalinfoblog@yahoo.com
|
Tuesday, January 31
संबोधन मार्फत के राजाले आन्दोलन तुआउलान् त ?
by
Nepal Info
on Tue 31 Jan 2006 10:51 PM CET
King's proclamation: a conspiracy against democratic movement
Anuradha Paudel
विचार /विवेचना
अनुराधा पौडेल
माघ १९ को कालो कदमको विरुद्ध देशभित्र मात्र नभै अन्तराष्ट्रिय रुपमै नारा जुलुस घन्किन थालेपछि र नगरपालीका निर्वाचनको काममा जोकर साबित भएपछि राजाले भोली देशवासीका नाममा संवोधन गर्दैछन्। विहान उज्यालो हुनासाथ राजाले गर्ने संबोधनमा थप प्रगतिशिल कुराको अासा गर्न सकिने अवस्था छैन। किनभने पार्टीहरुले लोकतान्त्रीक गणतन्त्रको मागलाई अगाडी बढाएका छन् । अहिलेको आन्दोलनको न्यूनतम माग भनेको कम्तीमा संसद पूनर्स्थापना गर्नु हो। र यसपछि संविधानसभाको निर्वाचन अथवा जनताले रोजेको व्यवस्था या कानुनी राज्य जनताले नै निर्वाचन मार्फत बनाउने हो। तर राजाले संसद पूनस्थापना गर्ने छैनन। किनभने मुलुकमा संसद राख्न चाहेको भए विघटन गर्ने नै थिएनन भने यतिविधि आन्दोलन चर्किरहेका बखतपनि पार्टीहरुको कार्यक्रममाथि दमन गर्ने थिएनन। उनले बार्ता र संवादको प्रकिया पहिलेनै थाल्ने थिए।
त्यसैले राजाको भोलीको संवोधनले मिलीजुली सरकार या राजनीतिक पार्टीहरुसंग बार्ता थालेर बहुदलीय सरकार स्थापना गर्ने दिशामा जानलाई पार्टीहरुलाई अाग्रह गर्न सक्नेछन्। more »
चार दर्जन अन्तराष्ट्रिय संघसंस्थाद्धारा राजाको विरोध
by
Nepal Info
on Tue 31 Jan 2006 10:34 PM CET
Present Regime completely failed: World civil society organizations
काठमाडौ , माघ १८
राजा ज्ञानेन्द्रको शाही कदम विरुद्ध संसारभरका ४८ वटा गैह्यसरकारी संघ संगठनहरुले आज एक संयुक्त अपिल जारी गर्दै मुलुकमा विधिको शासन शूरुवात गर्न राजा ज्ञानेन्द्रलाई अनुरोध गरेका छन्। बर्तमान सरकारद्धारा अबलम्वन गरिएका कदमहरुले मुलुकका समस्याहरुको समाधान हुन नसकेको भन्दै प्रजातन्त्र शान्ती र विधिको शासन नभै मुलुकमा नागरिकहरुका मौलीक हकहरु सुनिश्चित नहुने कुरा उक्त अपिलमा उल्लेख गरिएको छ। नागरिकका यि अधिकारहरु वहाली गराउन राजाले तुरुन्त शाही घोषणा फिर्तागरी बहुदलीय प्रजातन्त्र पून स्थापना गर्न माग गरिएको उक्त अपिलमा भनिएको छ यो बर्ष राजाले जारी गरेका कम्तीमा ३५ वटा अध्यादेशहरु विधिको शासन अनुरुप छैनन। यि अध्यादेशहरु मुलत अधिनायकवादी शासन सत्ता स्थापना गर्न अभिव्यक्ति र संगठीत हुने अधिकार खोस्न ल्याइएका हुन्। बांकी एट्टयाच्मेन्टमा।
 1 Attachments
Monday, January 30
'मजदूरमारा' ठेकेदारहरु माओवादी कव्जामा
by
Nepal Info
on Mon 30 Jan 2006 10:16 PM CET
Maoists capture ten industrial contractors
अपडेट: माओवादीहरुले लगेका १० सै जना ठेकेदारहरुलाई आइन्दा उद्योगहरुमा ठेकेदारी नगर्ने शर्तमा मंगलबार विहान पत्रकार तथा मानवअधिकारवादीहरुको रोहवरमा मुक्त गरेका छन्।
काठमाडौ, माघ १७
माओवादीको मजदूर क्षेत्र हेर्ने भातृ संगठनले १० जना 'मजदूरमारा' ठेकेदारहरुलाई कव्जामा लिएको जनाएका छन्। अखिल नेपाल ट्रेड यूनियन महासंघका नामबाट आज जारी विज्ञप्तीमा यि ठेकेदारहरुलाई आवश्यक कार्वाही गरिने जनाइएको छ। तर आवश्यका कार्वाहीभनेको के हो भन्ने कुरा खुलाइएको छैन। यसरी कव्जामा लिइएकाहरुमा राजा ज्ञानेन्द्रको लगानी रहेको सूर्य नेपालका ठेकेदार ज्ञानेन्द्र ढकाल लगायत हुलासका जगदिश शाह, अनिल ठाकूर र हरिशंकर ठाकूर, नेपाल बार्डसका दिपक नेपाल, दिपक ठाकुर, जगदम्वा केमिकलका नविन यादव, शालीमा सिमेण्टका पेम श्रेष्ठ, नन्दन घिउका सुनिल पूरी र गणपती घिउका गजेन्द्र चोधरी रहेका छन्।यसैगरी यसै हप्ताभित्र नेपालका बिभिन्न कारखानामा काम गरिरहेका ठेकेदारहरुलाई सातदिन भित्र ठेकेदारीको कामबाट राजिनामा नदिए हदैसम्मको कार्वाही गरिने चेतावनीपनि उक्त विज्ञप्तीमा दिइएको छ।
चितवनमा हलो र कोदालोको जुलुस
by
Nepal Info
on Mon 30 Jan 2006 09:44 PM CET
Demonstration with spade & plough
Chintamani Poudel, Chitwan
चिन्तामणी पौडेल (तस्विर सहित )
चितवन माघ १८
चितवनको माडीमा आईतबार लोकतन्त्रको माग र माघ २६गते हुने भनिएको नगरपालिका चुनावको बहिस्कारको आहृवान गर्दै हलो र कोदालोको जुलुस निकालिएको छ। जनमोर्चा नेपालको चितवन जिल्ला समितिले आयोजना गरेको उक्त जुलुसमा माडी क्षेत्रका चारवटै गाउँ विकास समितिका बासिन्दाहरु आफुसंग भएका औजार बोकेर, परंपरागत भेषभुषामा उपस्थित थिए। माडीको मुख्य बजार बसन्तपुरमा सम्पन्न उक्त साँस्कृतिक प्रदर्शनीसहितको झाँकीमा सयौ किसानहरुले हलो, कोदालो, र हसिँया बोकेका थिए।महिलाहरु रातो बस्तत्रमा प्लेकार्ड सहित पिठ्युमा डोको बोकेर र्यालीमा सहकभागी थिए। चितवनका आदिवासी थारु महिलाहरु परंपरागत पहिरनमा टाउँकोमा घैंटो बोकेर साँस्कृतिक झाँकीमा सजिएका थिए। यसैगरी थारु पुरुषहरु माछामार्ने जाल, माछा राख्ने फुलुंङ लिएर जुलुसमा सहभागी भएका थिए।कार्यक्रममा थारु, बोटे, मुसहर, माझी लगायतका आदिवासीका साथै स्थानीय जनसमुदायको उपस्थिति रहेको थियो। जनमोर्चा नेपालका अनुसार यस्तो प्रकारको गाउँ जागरण कार्यक्रम नेपालमा नै यो पहिलो कार्यक्रम हो। र्याली पछि बसन्तपुरमा एक आमसभा भएको थियो। मोर्चाका जिल्ला सदस्य पदमबहादुर श्रेत्रीको सभापतित्वमा सम्पन्न उक्त कार्यक्रममा जनमोचाका केन्द्रीय सदस्य भीमप्रसाद गौतम, जिल्ला अध्यक्ष ठाकुर ढकालले बोल्नु भएको थियो।
Sunday, January 29
भारतका बिभिन्न शहरमा नेपाली प्रदर्शन
by
Nepal Info
on Sun 29 Jan 2006 09:53 PM CET
Nepalis demonstrate in several Indian cities
Rewati Sapkota, New Delhi
रेवती सापकोटा
नयाँ दिल्ली, माघ १६
भारत प्रवासमा संगठित हुदै आएका नेपालीहरुले आईतवार भारतमा जनप्रदर्शन गरेका छन। भारतको राजधानी नयाँ दिल्ली, चेन्नइ, हैदरावाद लगायतका बिभिन्न राज्यमा एकै पटक पदर्शन गरियो। राजाको निरंकुश शासनको एक बर्ष पुगेको विरोध तथा नेपालमा सञ्चालित लोकतान्त्रिक आन्दोलन प्रति पूर्ण समर्थन जनाउन यो प्रदर्शन भएको हो।
नेपालमा जारी लोकतान्त्रिक आन्दोलनको नेतृत्व गरिरहेका सात राजनीतिक दलसम्बद्ध मुल प्रवाह अखिल भारत नेपाली एकता समाज, प्रवासी नेपाली संघ र नेपाली जनसंपर्क समितिद्धारा आयोजित प्रदर्शनमा हजारौ नेपालीहरुको सहभागिता रहेको थियो। more »
नेपालीहरुलाई अष्ट्रेलियाली सरकारको पत्र
by
Nepal Info
on Sun 29 Jan 2006 09:41 PM CET
अष्ट्रेलियामापनि विरोध प्रदर्शन गरिने
We support of the return to democracy: Australian Government
काठमाडौ, माघ १६
अन्तत अष्ट्रेलियामा बसेका नेपालीहरुलाई अष्ट्रेलियन सरकार नेपालमा बहुदलीय प्रजातन्त्र स्थापना भएको हेर्न चाहेको व्यहोराको पत्र लेख्न बाध्य भएको छ। नगरपालीकाको निर्वाचनलाई अष्ट्रेलिया सरकारले समर्थन गरेको भन्दै अष्ट्रेलियाका नेपालीहरुले प्रधानमन्त्री जोन हवार्डलाई विरोधपत्र बुझाएपछि अष्ट्रेलियाली सरकारले उक्त पत्रको जवाफ दिएको हो। नोभेम्वर २९ मा 'द राइजिग नेपाल'ले अष्ट्रेलियन सरकारले नेपाल सरकारको चुनावी कार्यक्रमलाई समर्थन गरेको जनाएको थियो। राइजिग नेपालको समाचार हेर्न यहा क्लिक गर्नुहोस।
तर त्यहा बसेका नेपालीहरुले नेपालको सरकार जनताद्धार निर्वाचित नभएको, प्रेस र मानवअधिकार कानून उल्लघंन भएको तथा राजनीतिक दलहरुलाई more »
1 Attachments
सरकारी राप्रपाको खुट्टा भाचियो
by
Nepal Info
on Sun 29 Jan 2006 09:40 PM CET
Maoists break the leg of royalist
पर्वत, माघ १६
विद्रोही नेपाल कम्युनिष्ट पार्टी (माओवादी) को एक समूहले सरकारी राष्ट्रिय प्रजातन्त्र पार्टी जिल्ला सदस्य खड्गबहादुर गुरुङ्गलाई शनिबार राती कुटपिट गरी दाँहिने खुट्टा भाँचिदिएका छन। माओवादीको सो समूहले गुरुङ्गलाई उनको दुर्लुङ गाविस-९ अम्बोटस्थित घरबाट केही पर लगी राती १२ बजेको समयमा कुटपिट गरी खुट्टा भाँचिदिएका थिए। पीडित गुरुङ्गका अनुसार, तपाईसँग केही काम छ भनी घरमै सुतिरहेको अवस्थामा माओवादीका केही कार्यकर्ताहरुले उनलाई लगेका थिए र घरका अन्य सदस्यहरुलाई चुकुल लगाएर घरमै थुनेका थिए। 'तपाई थापा पक्षको राप्रपाको नेता हो, होइन ? गृहमन्त्री कमल थापा पोखरा आएका बेला दलबलसहित भेट्न जानुभएको होइन ? भन्दै बन्दुकका कुन्दाले हाने' गुरुङ्गले भने।
माओवादीले घरको अगाडि पोखरा बागलुङ राजमार्गमै उनलाई कुटपिट गरी अचेत अवस्थामा लडाएका थिए। बिहान पोखरातर्फ गएका सवारी साधनहरुले बाटोमा उनलाई रगताम्य अवस्थामा देखेर उपचारका लागि पर्वत जिल्ला अस्पतालसम्म ल्याइपुर्याएका थिए। उनको दाँहिने खुट्टा तीन ठाउँमा भाँचिएको पर्वत जिल्ला अस्पतालले जनाएको छ। पर्वत जिल्ला अस्पतालमा प्राथमिक उपचार गरिएलगत्तै थप उपचारका लागि घाइते गुरुङलाई आइतबार नै काठमाडौंतर्फ लगिएको छ। स्वतन्त्र समाचार सेवाबाट
Saturday, January 28
माओवादीद्धारा नगरपालीका उम्मेद्धारहरुलाई चेतावनी
by
Nepal Info
on Sat 28 Jan 2006 10:41 AM CET
काठमाडौ, माघ १५
नेकपा माओवादीको उपत्यका व्यूरो कार्यालयले काठमाडौं भक्तपूर र ललितपूर जिल्लामा उठेका नगरपालीका सदस्यका उम्मेद्धार तथा शाही सरकारद्धारा मनोनित जिल्ला सभापतीहरुलाई माघ १९ भित्र राजीनामा दिन अपिल गरेको छ। यदि यो समयभित्र राजीनामा दिन नचाएमा गंभिर भन्दा गंभिर परिणाम भोग्नुपर्ने चेतावनी दिएको छ। चुनाव प्रचार प्रसारबाट समेत टाढै रहन गरिको उक्त अपिल नेकपा माओवादीका उपत्यका व्यूरो कार्यालयका तर्फबाट प्रभाकिरणले गरेका हुन्। बाकी विज्ञप्ती जस्ताको तस्तै एट्याच्चमेन्टमा।
1 Attachments
Friday, January 27
पेरिसका चोक चोकमा नेपाली प्रेस
by
Nepal Info
on Fri 27 Jan 2006 04:13 PM CET
'Nepal press freedom week' in Paris 
पेरिस, माघ १४
राजाले शासन सत्ता हत्याएको माघ १९ मा एक बर्ष पुग्दैछ। यो अवधिमा नेपाली प्रेसले पाउनुसम्म दुख पायो। नागरिकहरुले पाउनुसम्म दुख पाए। नागरिकहरुलाई अधिकारविहीन बनाउने यो कालो दिनको बिरुद्ध नेपाली पत्रकारहरुले देखाएको अदम्य शाहसलाई कदर गर्दै रिपोर्टर विथआउट बोर्डरले पेरिसमा भव्य विरोध प्रदर्शन गर्दैछ पोष्टरहरु टासेर। रिपोर्टर विथआउट बोर्डरले गर्न लागेको यो पोष्टरहरुका आकार पेरिसका फराकिला शहर र चोकहरुमा रहेका होर्डीग बोर्डहरुको साइजमा छन् । यिनै होर्डिग बोर्डहरुमा यि पोष्टरहरु एकहप्तासम्म टांसिनेछ। more »
नांगेझार हुनेपालो अव राजाकै
by
Nepal Info
on Fri 27 Jan 2006 08:39 AM CET
विजय कुवर
Now the king has to be boycotted
Bijaya Kunwar
विचार / विवेचना
बिहीवार बाट नगर निर्वाचनमा उम्मेद्वारी दिने समय समाप्त भयो। प्रसासनिका काम काज नभएर देशै ठप्प भएका बेला नगरपालीका चुनावको खासै ठूलो महत्व छैन। नगरपालीका चुनाव के के न हो भनेजस्तो पारेर ५८ नगरपालीकामै निर्वाचन सफल पार्न सरकारले सबै उपायहरु अपनाएपनि अन्तत सबै ठाउमा उम्मेद्वारी पर्न सकेन। दलहरुको आन्दोलन या दवावका कारण मानिसहरुले उम्मेद्वारी दिन हिचकिचाएको कुरा त आफ्नो ठाउमा होला तर राजाको शासनलाई भित्रै देखि रुचाउने नागरिकहरु मुलुकमा रहेनछन् भन्ने कुरा बिहीवारको दिनले फेरि पुष्टि गरेको छ।
राज्य शक्तिको दूरुपयोग गरेर नगरपालीकाको निर्वाचन कथंकदाचित सम्पन्न हुनेभएपनि यो निर्वाचन अपुरो नै हुन्छ। किनभने सबै नगरपालीकाका सबै वडाहरुमा उम्मेद्वारहरु उठेका छैनन। उम्मेद्धार विहिन वडाहरुमा प्रसासनिक कामकाज अहिलेजस्तै लगभग ठप्पको अवस्थामा रहने निश्चितप्राय छ। देशलाई नागरिक पथमा हिडाउनु र नागरिकहरुले चाहेजस्तो राज्य संचालन गर्ने बाटो खुला गरिदिएर आफ्नो लोकप्रियतालाई मजबूत गराउनुको सट्टा राजा एउटा नेता झैं भोट माग्दै नागरिक भेटको दौडमा दौडेपनि राजालाई नगर निर्वाचन महगो सावित भएको छ। दरवारमा बस्ने राजा कस्ता रहेछन् , निरकुश राजा भनेको कस्तो हुन्छ भनेर हेर्नकालागिमात्र नागरिकहरुको भिड देखिदोरहेछ भन्ने कुरा राजाले राम्ररी बुझेका होलान। राजा पतन भएभने एउटा संझना स्वरुप उनको अक्षर राखौं न भन्ने भावनाले मात्र नागरिकहरुले अटोग्राफ माग्न चाहेका रहेछन् भन्ने कुराको हेक्कापनि राजालाई भयो होला। बल्ल बल्ल उमेद्धार खोजेर चुनाव गराउन लागेका राजालाई अव भोट नहालेर नागेझार पार्न सकियो भने राजाको मुलुक डोर्याउने पथको पर्दाफास हुनेछ। त्यसैले भोट बहिष्कारको आन्दोलनलाई अझै चर्काउन पर्ने देखिन्छ।
हुन त पार्टीहरुको आन्दोलन मजबुत बनिरहेको छ र एकपछि अर्को गरी मुलुकमा क्रान्तिको ज्वाला फैलिरहेको छ। एकाएक उपत्यका प्रदर्शन कायक्रमलाई सरकारले दवाएपछि मुलुकभर आन्दोलन चर्कीरहेछ। हिजोको नेपाल बन्दलाई हेर्यौं भने थाह हुन्छ कि सबैजसो नगरपालीकाहरुमा आन्दोलनले चर्को रुप लिइरहेको छ। मानिसहरुलाई सडकमा अोर्लेर नारा जुलुस गर्न कुनै डरत्रास छैन। यतिवेला नागरिकहरुले के बुझेका छन् भने राजाले मुलुकको विकास होइन कि बिनास गरिरहेछन्। नागरिकहरुलाई लुट्न सम्म लुटेर आफ्नो दशकौ पूरानो चिन्तन नागरिकहरुमा जबरजस्त लादेर राजा मुलुकमा भाले भैरहेका छन् । राजा भनेका समयका आबश्यकता होइनन बरु समय अनुसार परिवर्तन हुन नचाहने सत्तासिनहरु हुन्। यस्ता राजसत्ताहरु पतनको बाटोमा जान्छन् भन्ने कुरा विश्वका इतिहासहरुले सिद्ध गरिसकेका छन्। बिश्व इतिहास नपढ्ने राजालाई शिरमा राखेर बन्दुकको शासन टिकाइरहनदिन नागरिकहरु तयार छैनन। यो समय भनेको सबै नागरिकहरुलाई नागरिक अधिकारले सुसज्जित गर्ने समय हो र उनीहरुको विकास तथा प्रगतिलाई राज्यले स्थान उपलब्ध गराउने समय हो।
नागरिकहरुका आवाज देखि डराएर बन्दुकका भरमा शासन गर्ने राजाको यो कदमको विरोध अझ शसक्त रुपमा गर्नुपर्छ । दिन दिन पतनको दिशामा गइरहेको राजकीय सत्तालाई उल्टाउनु नै अहिलेको आवस्यकता हो। हामीले विगतमापनि पटक पटक क्रान्ति गर्यौं तर ति सबै अपूरा रहेका कारण जनताले पटक पटक विद्रोह गरिरहेछन्। यो पटकको जनताको विद्रोहलाई हामीले अहिलेसम्मको नेपाली इतिहासमा सबैभन्दा सुनौलो बनाउने काम गर्यौं भने भोलीको पूस्ताले हामीले झैं दुख पाएर भौतारिने छैन।
|
|