Autocratic government imposes full day curfeu for Friday

काठमाडौ माघ ६
राजधानिमा हुने भोलीको प्रदर्शनबाट आत्तिएको कायर शाही सरकारले अन्तत कर्फ्यूको घोषणा गरेको छ। नेपाल टेलिभिजनबाट अहिले बेलुका प्रसारित समाचार अनुसार काठमाडौको चक्रपथ एरियाभित्र भोली बिहान ८ बजेदेखि शुरु हुने कर्फ्यू भोली बेलुका ६ बजे अन्त्य हुनेछ।  अत्याबश्यक काममा हिड्नेहरुले सरकारीअनुमति पत्र लिनुपर्ने र कार्यालयहरुमा विहान ८ बजेनै कर्मचारीहरुलाई उपस्थित हुनपनि सरकारले सूचना जारी गरेको छ।

जे जस्तो अवस्था अाइलागेपनि भोलीको प्रदर्शन नरोकिने राजनीति पार्टीहरुले जनाएका थिए तर यो घोषणापछि के हुने भन्ने जानकारी भने प्राप्त भएको छैन तर नेपालबाट एक पत्रकारले जनाएअनुसार भोलीको प्रदर्शन रोकिने कुनै संभावना छैन। प्रत्यक्ष रुपमा सभा जुलुस हुन सक्ने अवस्था नभएमापनि राजनीतिक पार्टीहरुले छापामार शैलीमै भएपनि प्रदर्शन गरेरै छोड्नेछन्। भोलीको कार्यक्रम अनुसार भोली उपत्यकाका ७ ठाउबाट जुलुश प्रदर्शन हुने भनि सात दलले घोषणा गरेका थिए। जसअनुसार नेपाली कांग्रेसले टेकुस्थित का‌ग्रेस कार्यालय र एमालेले कालीमाटीबाट जुलुस निकाल्ने र दिउसो दूइ बजे बसन्तपूरमा सभाको अायोजना गर्ने कार्यक्रम तय भएको थियो।  तर कर्फ्यूका कारण यि कार्यक्रमहरुमा प्रत्यक्ष असर पर्ने भएका छन्।

Mass protest to held in New Delhi on Friday

नयादिल्ली संवाददाता
नयादिल्ली, माघ ६
 प्रवासी नेपालीहरुले नेपालमा सरकारले गरेको दमन र धरपकडको बिरोध र लोकतान्त्रिक आन्दोलनको समर्थनमा नयाँ दिल्लीमा प्रदर्शन गर्ने व्यापक तयारी गरेका छन। आज दिनभर नेपालमा विकसित घटना क्रमका विरोधमा नेपालीहरुले यो कार्यक्रमको आयोजना गरेका हुन्। जसअनुसार विहान १० बजे दिल्ली स्थित शाही नेपाली राजदुतावास अगाडि र दिउसो दुइ बजे दिल्लीको मुटु मानिने जन्तर मन्तरमा प्रदर्शन हुदैछ। यो प्रदर्शन अपर्झट आयोजना भएको भएपनि नेपाली र भारतीय नेताहरु विरोध कार्यक्रममा सहभागी हुनेछन्। यसैगरी प्रवासी नेपालीहरुले २९ जनवरीमा पनि दिल्लीमा व्यापक प्रदर्शन गर्ने भनि राखेको कार्यक्रम भने यथावत नै छ।  उता नयाँ दिल्लीमा कार्यालय रहेको एशियन हयुमन राइटस संघले कुनै पनि मुलुकलाई नेपालका राजा ज्ञानेन्द्रलाई भिसा नदिन आज अपिल गरेको छ।

Arrest letter to CPN (UML) spokesman Pradeep Nepal

राज्यको सासन सुव्यवस्थामा खलल पुर्याएको भन्दै जिल्ला प्रसासन कार्यालय काठमाडौले एमालेका नेता प्रदिप नेपालका विरुद्ध तयार पारेको नजरबन्दको पत्र। पत्रमा शान्ती सूरक्षा एेनले दिएको अधिकार प्रयोग गरी ९० दिनसम्म गुहेश्वरी दूवाबोटमा नजरबन्दमा राख्न अादेश दिइएको छ।

 Curfeu hits life hard in the capital

काठमाडौं माघ ६
 सात दलले शुक्रबार गर्न लागेको प्रदर्शनबाट त्रसित सरकारले राजधानीमा लागू गरेको कर्फ्यू समय दिनका दिन बढाइरहेको छ। कुन दिन कति बजे कर्फ्यूलाग्छ भन्ने पत्तै नहुँदा राजधानीबासी ज्यादै त्रस्त छन। घरबाट बाहिर हिड्दा कति बेला कहाँ कर्फ्यू लागेर रोकिनु पर्ला भन्ने पत्तै हुँदैन।
बुधबारदेखि रिङ्गरोड क्षेत्रभित्र लगाएको कर्फ्यूले उपत्यकाको जनजीवन अस्तब्यस्त बनेको छ। सरकारले प्रत्येक दिन एक घण्टा समय बढाउँदै लगेको छ। अघिल्ला दुइ दिनझै बुधवार बेलुका एक घण्टा बढाएर ९ बजेदेखि बिहान ४ बजेसम्म कर्फ्यू लगाएकाले अन्यौलता सिर्जना भएको छ।
अचानक एक घण्टा कर्फ्यू समय बढाइएकाले बुधबार र्सवसाधारणलाई आफ्नो गन्तव्य पुग्न हम्मेहम्मे परेको थियो। राजधानीबाहिरबाट आउने कैयौ यात्रु कलंकी चोकमा अलपत्र देखिन्थे। आठ बजेदेखि यातायात ठप्प थियो। फाट्टफुट्ट चलेका यातायातले पनि चौबर भाडा अशुलेका थिए। कलंकीदेखि त्रिपुरेश्वरसम्म पुग्न यात्रुहरुले माइक्रोबसमा समेत १५ रुपैया तिर्नु पर्‍यो।
ट्याक्सी चालकहरु मिटरमा आफ्नो सवारी गुडाउन मानिरहेका थिएनन। उनीहरुले मिटरमा ५० रुपैया लाग्ने स्थानमा पुग्न दुइ सय रुपैया मोलिरहेका थिए। 'कर्फ्यू लगाएर सरकारले मनपरीतन्त्र बढायो' एक यात्रुले भने।
कर्फ्यूले गर्दा राजधानीका शिक्षण संस्था समेत प्रभावित भएका छन।    more »