Budget for maoist army

जनतालाइ धम्क्याएर कर उठाएर पालिएको माओवादी सेना अब राज्इकोषबाट पालिने भएको छ । सरकारले माओवादी लडाकुहरुको भरण पोषणको निम्ति हालको निम्ति रू७ करोड दिने भएको छ। चेक आज माओवादी वार्ता टोली संयोजक कृष्णबहादुर महरालाई हस्तान्तरण गरिने सम्भावना छ ।

७ वटा डिभिजनको निम्ति १ करोडको दरले रकम उपलब्ध गराउन लागिएको हो। माओवादी वार्ताकार देव गुरूङले आफ्ना सेनाको भरण पोषणको निम्ति सरकारले ७ करोड दिने जानकारी पाएको बताएका छन्।

भविष्यमा आवश्यक पर्ने खर्चको निम्ति सरकारले दातृ निकाय र राष्ट्रसंग आग्रह गर्ने बताइएको छ। माओवादीले सरकारले उपलब्ध गराउने रकम खर्च भएको विल अर्थमन्त्रालयलाई उपलब्ध गराउने पर्ने छ ।

यसरी राज्इकोषबाट माओवादी लडाकु पालिने भएपछि जबरजस्ती चन्दा र कर असुलि रोकिने आशा गर्न सकिन्छ । हुन त राज्यकै सेनाको संख्या बढी भएको भन्ने माओवादी नेतृत्वले आफना सेनालाइ समेत राज्यकोषबाट रकम लिनु कति ठिक हो, राज्यको सेनामा आफ्ना सेना थप्नु कति ठिक हो त्यो बहसको विषय हो ।