Nepal, a prison for journalists
काठमाडौं,फागुन ५
प्रेस स्वतन्त्रताको पक्षमा कार्यरत अन्तराष्ट्रिय संस्था रिर्पोटर विद्आउट बोर्डरले हिरासतमा रहेका सात जना सञ्चारकर्मीलाई तत्काल रिहा गर्न नेपाल सरकारसँग माग गरेको छ ।
शान्तिपूर्ण प्रदर्शनमा सहभागी सञ्चारकर्मीलाई हिरासतमा राखेर सरकारले नेपाललाई सञ्चारकर्मीको लागि बन्दी गृहको रुपमा रुपान्तरण खोजेको उल्लेख गर्दै वोर्डरले विना र्सत पत्रकारहरुको रिहा गर्न माग गरेको हो।बिहीबार विज्ञप्ति जारी गर्दे तीन  बर्षदेखी जेलमा बन्दी रहेका तेजनारायण सापकोटाको तत्काल रिहाइको माग गरिएको छ। योजना साप्ताहिकमा कार्यरत सापकोटालाई सरकारले सन् २००३ नोभेम्बरबाट हिरासतमा राखेको हो।शान्तिपूर्ण प्रदर्शनमा सहभागी हुँदा पक्राउ परी सुरक्षा नियन्त्रणमा राखिएका पत्रकार श्याम श्रेष्ठ, औजार साप्ताहिकका पत्रकार भीम र्राई, पत्रकार जेवी घलेमगर, टिकाराम घिमिरे, दैनिक उद्घोषका  सुदर्शन आचार्य, ब्हाइट पेपर साप्ताहिकका भक्तध्वज बोहरालाई पनि रिहा गर्न भनिएको छ ।
शाही नेपाली सेनाले सेनाले दृष्टि साप्ताहिकका कालिकोट सवांदताता रविन्द्र शाहीलाई कुटपिट गरेको घटनाको पनि पत्रकारहरुको अन्तराष्ट्रिय संस्था आरएसएफले निन्दा गरेको छ । प्रहरीले भक्तपुरमा पत्रकार सुरेश कोइरालालाई कुटेको घटनाको पनि निन्दा गरिएको छ।विज्ञप्तिमा विश्वका अन्य राष्ट्रको तुलनामा सञ्चारकर्मीहरुको लागि नेपाल सबैभन्दा ठुलो जेल बनेकोमा दुःख ब्यक्त गर्दै प्रेस स्वतन्त्रताको सम्मान गर्न सरकारलाई आग्रह गरेको छ ।  अङ्रेजी भाषामा बिज्ञेप्ती हेर्न तलको एट्ट्याचमेन्ट फाइल खोल्नुहोस ।