Royalists are escaping
राजाको सत्ता ढल्नै लागेको छ । यसैको संकेत हुनुपर्छ राजाको सक्रिय शासनमा उनको चाकडी गरेर पद र प्रतिष्ठा पाएकाहरु देश छोड्ने दाउमा लागेको । प्राप्त जानकारी अनुसार, राजाका सल्लाहकार मानिने भूमिगत गिरोहका सदस्य शरचनन्द् शाहले २७ एप्रिलका लागि अमेरिका जाने टिकट काटिसकेका छन । उनले आफ्नी कान्छी श्रीमतीलाई हिजै सिंगापुर पठाइसकेका छन ।
यसले मुलुकमा ठूलै परिवर्तन हुन लागेको संकेत गर्छ । जनविरोधीहरु जनतासंग डराएर विदेश भासिने तयारी गर्दै रहेछन । अब डा. तुल्सी गिरीलगायतले झिटिगुण्टा कसने बेला भएछ ।
यतिमात्र नभएर स्वतन्त्र समाचार सेवाका अनुसार, आन्दोलन चर्किदै गएको बेला लुम्बिनी अञ्चल प्रशासक रामकृष्ण पन्त एकाएक बुधबार फरार भएका छन् । सूत्रले पन्त बुटवल छोडेर काठमाडौं गएको जनाएको छ ।
बुटवलमा दैनिक ५० हजार जनता सडकमा उत्रिदै आइरहेको र आन्दोलन निर्णायक हुने तरखरमा रहेको बेला प्रशासक पन्त भागेको बताइएको छ ।
बुटवल नगरपालिका नगर प्रमुख रुपसिंह थापा पनि मंगलबारदेखि बेपत्ता छन । उनी बुटवल छोडेर काठमाडौं जाने तयारीमा लागेको बताइएको छ ।

"You kept me in the illusion" king says to the home minister