यस्तै काठमाडौंको बसुन्धारा क्षेत्रमा प्रहरीले हानेको गोलीले सात जना घाइते भएका छन्। गोंगबुबाट महाराजगञ्ज हुँदै चाबहिलतर्फ जान खोज्दा प्रहरीले हस्तक्षेप गरी गोली हानेको हो। अहिले पनि त्यहाँ झडप जारी छ। त्यहाँ १० राउण्ड रबरको गोली हानिएको थियो। प्रहरीले आन्दोलनकारीहरुलाई घर-घरमा कर्फ्यु नलागेको ठाउँमा समेत गई लाठी प्रहार गर्ने, भीरबाट खसालिदिने गरिरहेका छन्।

आन्दोलनकारीहरुले नारायणगोपाल चोकसम्म मात्र जान्छौं, त्यहाँबाट शान्तिपूर्ण रुपमा गोंगबु नै फर्कन्छौं भनी भन्दा पनि प्रहरी आक्रामक रुपमा प्रस्तुत भएको त्यहाँस्थित पत्रकारहरुले जानकारी दिएका छन्। न्धुपाल्चोकको सदरमुकाम चौतारामा आइतबार राति माअ‍ोवादीले आक्रमण गर्दा एक सर्वसाधारण सहित ६ को मृत्यु भएको छ। आक्रमणमा चार माओवादीको मृत्यु भएको छ भने एक सुरक्षाकर्मीको पनि ज्यान गएको पुष्टि भएको छ।

राति ९ बजेबाट सुरु भएको भिडन्तका क्रममा माओवादीहरुले जिल्लास्थित सेना तथा प्रहरी बेसक्याम्पमा आक्रमण गरेका थिए। माओवादीले जिल्लास्थित नेपाल टेलिकमको टावरकमा आक्रमण गरेका कारण अहिले सिन्धुपाल्चोक सञ्चार सम्पर्कबिहीन भएको छ। राति १२ बजेतिर थप बलका लागि काठमाण्डौंबाट गएको नाइटभिज हेलिकोप्टर प्रतिकूल मौसमका कारण फर्किएको थियो। आक्रमणकारी माओवादीहरु ठोकर्पा क्षेत्रतर्फ भागेको आशंकामा सेनाले सोमबार बिहानैदेखि त्यस क्षेत्रमा कारवाही थालेको बताएको छ। त्रिभुवन विश्वविद्यालय परीक्षा नियन्त्रण कार्यालयले यही बैशाख २१ गतेदेखि संचालन गर्न लागेको स्नातक तह दोस्रो बर्षको सम्पूर्ण संकायका परीक्षाहरु अनिश्चितकालसम्मका लागि स्थगित गरेको छ।