हरेकपटक नेपालको सत्ता परिवर्तन हुनासाथ भारत भ्रमणमा जाने नेपाली प्रधानमन्त्रीहरुको पुरानो चलन नै हो। यसपटकपनि प्रधानमन्त्री भएकै दोश्रो सातामा प्रधानमन्त्री गिरीजा प्रसाद कोइराला भारत भ्रमणमा जादैछन्। मइ महिनाको तेस्रो सातासम्म भारतिय संसदको अधिवेशन चलिरहनेहुदा यहि मौका पारेर गिरीजा उता जान लागेका हुन्। हिन्दी भाषामा प्रकाशित बिबीसीको वेभ साइटमा यो जनाइएको हो ।
नेपालका प्रधानमन्त्री भएका हैसियतले भारत भ्रमण गर्नु नेपालीकालागि आपत्तीको विषय होइन तर प्रजातन्त्र आएको हरेक समयमा भारतलाई नेपालको केहि न केहि चिज दिएर खुसी पार्दै आएको नेपाली कांग्रेसको नेतृत्वमा रहेको सरकारले यो पटकपनि भारतलाई केहि नदेला भन्न सकिन्न। त्यसैले नेपाली जनताले प्रधानमन्त्री कुन उदेश्यकालागि भारत जादैछन् भन्ने कुरा थाह पाउनै पर्छ। नत्र भने टनकपूर कान्ड या कोशी व्यारेज संझौता जस्ता घातक कुरा नेपालीले फेरि सहन पर्ने हुन्छ।