RNA chief meets the PM

नेपालको दुर्भाग्य नै मान्नुपर्छ, जतिसुकै अपराध गरे पनि शाही नेपाली सेनाका अधिकृतहरु कहिल्यै कारवाहीमा पर्दैनन । नेपालको राजनीतिमा सधै राजालाइ उक्साएर प्रजातन्त्रलाइ कमजोर पार्ने खेलाडीको भूमिका निर्वाह गर्दै आएको सेना किन यसरी जोगिन्छ होला मलाइ त आश्चर्य लागिरहेको छ । कारवाहीमा पर्नुपर्ने प्रधानसेनापति प्यारजंग थापा अझै फुर्तिसाथ जनताको करमा रजाइ गरिरहेका छन । उनी झण्डा हल्लाएर सेनाको दलबल लिएर यताउता चलखेल गरिरहेका छन । जनआन्दोलन दबाउनेमाथि कारवाहीको सिफारिस गर्न बनेको उच्चस्तरीय आयोगले निलम्बन गर्न सिफारिस गरेका यी अभियुक्तलाइ सरकारले केही गर्न नसक्नुको कारण बुझिसक्नु छैन । यस्ता अपराधीको संरक्षण गर्नु भनेको जनताको अपमान हो, आन्दोलनको अपमान हो । तर आज आएको एउटा समाचारले मलाइ कताकता यी अभियुक्तलाइ अझै पनि 'सुन पानी छर्केर चोख्याउने खेल चलिरहेको' आशंका जाग्यो । विगतमा पनि जनतामाथि दमन गर्ने र प्रजातन्त्रको विरोधमा बन्दुक तेस्र्याउने सेना जोगिदै आएको थियो । यो समाचारले के जनाउंछ, तपाइ नै भन्नुस त ।

सरकारले तीन सुरक्षा प्रमुखलाई निलम्बन गरेपछि प्रधानसेनापति प्यारजंग थापाले दोस्रो पटक प्रधानमन्त्री गिरिजाप्रसाद कोइरालासँग ११ जेठमा भेट गर्नुभएको छ। सेनापतिको साथमा सेनाका बलाधिकृत रथि रुकमाङगत कटुवाल, रक्षासचिव विष्णुदत्त उप्रेती र गृहसचिव उमेशकान्त मैनाली पनि हुनुहुन्थ्यो।

विहान मन्त्रिपरिषद्को बैठक चलिरहेको बेला उहाँहरु प्रधानमन्त्री निवास बालुवाटर पुग्नु भएको थियो। बैठक लगत्तै उहाँहरुले प्रधानमन्त्रीसँग करीब १५ मिनेट कुराकानी गर्नुभएको थियो। देशको वर्तमान सुरक्षा अवस्थाबारे प्रधानमन्त्रीलाई जानकारी गराइएको गृहसचिव मैनालीले पत्रकारहरुलाई बताउनु भयो।

यसअघि तीन सुरक्षा प्रमुखलाई निलम्बन गरिएको भोलिपल्ट सेनापति थापा र रथि कटुवालले प्रम कोइरालासँग भेट गर्नुभएको थियो। त्यसअघि लोकतन्त्रको पुनःस्थापना लगतै सेनापति थापा कोइरालालाई भेट्न महाराजगञ्जस्थित कोइराला निवास पुग्नुभएको थियो। तर अघिल्ला दुई भेटमा भएका कुराकानीबारे केही बताइएको थिएन। खासगरी सुरक्षा प्रमुखको निलम्बनको भोलिपल्टको भेटलाई निकै चासोपूर्वक हेरिएको थियो। किन कि उच्चस्तरीय जाँचबुझ आयोगले ४ वटै सुरक्षा पदाधिकारीलाई कारवाहीको सिफारिस गरे पनि सैनिक अधिकारीलाई सरकारले केही गरेको छैन।

Take actions to NHRC members 

राष्ट्रिय मानव अधिकार आयोग ऐन, २०५३ को अवैधानिक संसोधन मार्फ प्रतिनिधिसभाको महाअभियोगबाट पञ्छिन राजीनामा गरेका तत्कालिन सभामुख तारानाथ रानाभाट र राज्यको स्रोत तथा शक्ति दुरुपयोग गरेको आरोपमा निवारक नजरबन्दमा रहेका तत्कालिन परराष्ट्र मन्त्री रमेशनाथ पाण्डे संलग्न भएको समितिको सिफारिसमा निरंकुश शाही सत्ताबाट नियूक्त राष्ट्रिय मानव अधिकार आयोगका कथित पदाधिकारीहरु लगातार पदासीन भइरहनु र आयोगका गतिविधिहरु संचालन गरिरहनुले शान्तिपूर्ण जनआन्दोलनको भावनाको अपमान भएको छ । प्रतिनिधिसभाको पुनस्थापना पश्चात जनताको सरकार गठन भइसक्दापनि निरंकुशतावादी पदाधिकारीहरुको बर्खास्तीका लागि सात राजनीतिक दलहरु तथा सरकारबाट कुनै कदम नचालिनुले देशमा लोकतन्त्रको स्थापना तथा न्यापूर्ण समाज निर्माणमा भएको शहीदको वलीदानी तथा लाखौं नेपाली ...   more »

माओवादीको आरोपमा प्रकाश घिमिरेलाई सादा पोशाकका सुरक्षाकर्मीले २०६१ मंसिर ८ गते काठमाडौंको कोटेश्वरबाट पक्राउ गरी बेपत्ता बनाए । काभ्रेको जनागाल गाविस घर भएका घिमिरेको तस्वीर लिदै उनकी ५२ बषिर्य आमा सावित्री घिमिरे । माओवादी सशस्त्र द्धन्द्ध सुरु भएयता २०५२ देखि धेरै नागरिक राज्य र माओवादी पक्षबाट वेपत्ता पारिएका छन । तिनको स्थिति अझै अज्ञात छ । माओवादी र राज्यले वेपत्ता पारेकाहरु मारिए या जिउंदै छन भन्ने तथ्य तत्काल बाहिर आउनु जरुरी छ । वेपत्ता नागरिकको स्थिति थाहा नपाएसम्म नेपाल सरकार र माओवादीबीच हुने वार्ता पनि खल्लो नै हुने छ ।